Fərrux bəy Hüseynbəyov-Ənvər Çingizoğlunun araşdırması



Qarabağlı həkimlərdən biri də Fərrux bəy Hüseynbəyovdur. Soy-kökü Qarabağın Bağaberd mahalının Xocamusaqlı (ilkin adı Xacəəbuishaqlı) kəndindəndir.

Ulu babası Hüseyn bəy 1778-ci ildə Qarabağın Bağaberd mahalının Xocamusaqlı (Xacəəbuishaqlı) kəndində anadan olmuşdu. Mədrəsə təhsili almışdı. O, tüşmal, kələntər ünvanlarını daşıyırmış. “Tüşmal” sözüylə ilgili Minorski bu bilgiləri verir: “Günümüz İranında ... yayğın olan Monqol ürf-adətlərini uyğulayan el, tayfa başçılarına “tüşmal” deyilirmiş. Məlum olduğu kimi kələntər fars dilində “böyük” sözündən törəmə olaraq “şəhər başçısı”, “şəhər hakimi” mənalarında işlədilir. Orta çağdan bəri Azərbaycanda el böyüklərinə də kələntər deyilirmiş.

Hüseyn bəyin törəmələri Hüseynbəyov, Kələntərov soyadlarını daşımışlar.

Hüseyn bəyin Səfi bəy, İsmayıl bəy, Qasım bəy, Məmmədhüseyn bəy, Həsrətqulu bəy, Mahmud bəy adlı oğlanları olmuşdur.

Babası Məmmədhüseyn bəy Hüseyn bəy oğlu 1820-ci ildə Qarabağın Bağaberd mahalının Xocamusaqlı kəndində anadan olmuşdu. Molla yanında oxumuşdu.

Məmmədhüseyn bəy Zəhra xanımla ailə qurmuşdu. Həsən bəy, Məhərrəm bəy, Süleyman bəy, Feyzi bəy adlı oğlanları olmuşdur.

Atası Məhərrəm bəy Məmmədhüseyn bəy oğlu 1849-cu ildə Şuşa qəzasının Zəngəzur sahəsinin Xocamusaqlı kəndində doğulmuşdu. Molla yanında oxumuşdu. Özəl mülkünü idarə etməklə güzəran keçirirmiş.

Məhərrəm bəyin Fərrux bəy adlı oğlu vardı.

Fərrux bəy Məhərrəm bəy oğlu Hüseynbəyov 1876-cı ildə Zəngəzur qəzasının Xocamusaqlı kəndində doğulmuşdu. Gorus kənd məktəbini, Gəncə kişi gimnaziyasını bitirmişdi. Xarkov Universitetinin tibb fakültəsinə daxil olmuşdu. 1906-cı ildə univeristeti tamamlamışdı.

Fərrux bəy Hüseynbəyov Ukraynanın Xarkov şəhərində tibb təhsili alandan sonra Gəncədə hərbi həkim vəzifəsində çalışmışdır.

Fərrux bəy Hüseynbəyov ermənilərin təcavüzlərinə cavab tədbiri kimi yaradılan və hərbi birləşmələri də olan Difai partiyasının üzvü olmuşdur.

Fərrux bəy Hüseynbəyov 1913-cü ildə vəfat edib.

Fərrux bəy Hüseynbəyov Çar Rusiyasının bir ordu generalının qızı ilə ailə həyatı qurubmuş. Bu izdivacdan İskəndər adlı övladları varmış. Çox erkən xəstəlikdən vəfat edən Fərrux bəyin rus əsilli həyat yoldaşı körpə İskəndəri götürüb Rusiyaya qayıdır. İskəndər böyüyüb sovet ordusunda xidmət edir, polkovnik rütbəsində təqaüdə çıxır. Sonradan Bakıya qayıdaraq bir müddət burada qalır və qohumları ilə tapışır.

Tibb elminin tərəqqisində xidmətləri ilə töhfələrini verən Fərrux bəy Hüseynbəyov haqqında məlumat azdır. Bu da onun qürbətdə yaşaması ilə bağlıdır.

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi