İlahiyyatçı: "Orta məktəblərdə dini tədrisin və ya məlumatlandırmanın olmaması bir çox fəsadlara yol açır"



Orta məktəblərdə dini tədrisin və ya məlumatlandırmanın olmaması bir çox fəsadlara yol açır. Bu yaxınlarda qeyd olundu ki, Qazaxıstanda qərar verilib, ruhanilər rüşvətin haram olması və fəsadları mövzusunda xütbələr oxusunlar.Bu fikirlər tanınmış ilahiyyatçı-yazar Tural İrfanındı. Analoq.az ilahiyyatçının digər fikirlərini də olduğu kimi təqdim edir:

Dünyəvi qanunlarda qadağan olunan əməllərin böyük əksəriyyəti İslam dinində də haram və qadağan hesab edilir. Ölkəmizdə rüşvət əleyhinə mübarizə aparıldığı bir zamanda yaxşı olardı ki, bizim ruhanilər üçün də belə tapşırıqlar verilsin. Hazırda bir çox məscid imamları məzhəbçiliyi, xurafatı, bəzi hallarda da radikallığı önə çəkən moizələrə yol verirlər, bu moizələr çox zaman mətbuatda, saytlarda, sosial şəbəkələrdə, yutub portallarında da yayılır.

Bu kimi faydasız və zərərli vərdişlərin əvəzinə insanları elmə, pis vərdişlərdən uzaqlaşmağa, rüşvətdən çəkinməyə təşviq edən xütbələr oxunsa daha yararlı olardı. Orta məktəblərdə intihar halları, narkomaniyaya meyllərdən uzaqlaşmaq üçün, habelə ən əsası gələcəkdə fitri ehtiyacdan doğan dini etiqad aclığının səhih qidalandırılması, düzgün etiqadi yol seçilməsinə vəsilə üçün dini məlumatlandırılma olmalıdır.

Bu haqda biz dəfələrlə çıxış etmişik, təkliflər irəli sürmüşük. Dinin dövlətdən ayrı olması dövlətin dinsiz olması anlamına gəlməməlidir. Min illik mənəvi dəyərlərimizdən ən azı Avropa dəyərlərinin yarısı qədər istifadə edilməlidir. Dinin əxlaqi, mənəvi, tarixi yönlərdən gənclərə düzgün, mötədil, ənənəvi şəkildə aşılanmasına böyük ehtiyac var.

Tural İrfan

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi