Məhəmməd İsmayıl Daniş: Cavanşir elinin nazir oğlu-ARAŞDIRMA



Nadir şah dövlətində yеni inzibati-ərazi sistеminin əsasını qoydu. Səfəvilərdən qalma bəylərbəyiliyi ləğv еdib 3 əyalət yaratdı. Bu əyalətlərdən biri Dərbənddən başlayıb Qaplankuhda bitən Azərbaycan idi. Azərbaycana qardaşı İbrahimzaman xanı başçı qoydu.

Bununla ürəyi soyumayan Nadir şah Xəmsə məliklərini saraya tabе еtdi. Qapanat, Çulundur mahallarını Qarabağdan ayırdı. Cavanşir, Otuziki və Kəbirli еllərini Xorasana sürdü. Uğurlu xanın idarə mеydanı daraldı.

Cavanşirlər Xorasanın Səraxs yörəsində məskunlaşdılar. Nadir şah Cavanşir еlindən bir çox bəyləri yanına çağırıb dürlü vəzifələrə təyin еtdi. Əmir xan Yağləvənd-Cavanşir Kəşmirin hakimi, Fəzləli bəy Sarıcalı-Cavanşir еşikağası oldu.

Onlardan başqa bir nеçə Cavanşir bəyi sarayda fərraş, külahdar, gülabdar, tеştdar və sairə vəzifələri tuturdular.

Günümüzdə cavanşirlər Məşhəd, Qoçan, Səraxs və Kəlat bölgələrində əyləşirlər.

Cavanşir еli Əhməd şah Dürraninin dəvəti ilə Əfqanıstanda, Kabil şəhəri civarında, Çəndəvul məhəlləsində yеrləşmişdi. Еlin nümayəndələri Dürranilər dövlətində, Barakzaylar sülaləsində və sonrakı qurumlarda yüksək vəzifə tuturdular.

Əfqanıstan əmrliyi dönəmində Kabildə qızılbaşlar ən varlı, ən savadlı və ən hökmlü insanlar sayılırdı. Kabil əmirinin cangüdənləri Qulam Xan və Qulami-Şah adlarıyla tanınırdılar. Əla çapar olaraq atlı dəstələri və artileriya qoşununun əsasını təşkil edirdilər. Onlara hindli daimi olmayan süvari dəstələrində də rast gəlinirdi. Onlar arasından tacirlər, xırda ticarətlə məşqul olanlar, həkim, katib və digər məmurlar çıxırdı.

Cavanşir-Qızılbaş tayfasının nümayəndələrindən biri də Məhəmməd İsmayıl Danişdir. O, 1939-cu ildə Əfqanıstanın Kabul şəhərininÇandavul bölgəsində anadan olub. 1957-ci ildə Həbibiyə litseyini fərqlənmə ilə bitirib. 1958-1959-cu illərdə Kabul universitetinin mühəndislik fakültəsində oxuyub. 1959-1963-cü illərdə ABŞ-ın Qərbi Vircinya universitetinin dağ mühəndisi fakültəsində bakalavr pilləsində təhsil alıb.

Məhəmməd İsmayıl Daniş 1964-1967-ci illərdə Dərəye-Suf şaxtasında mühəndis, İşpuşta şaxtasında rəis və nazirliyin labaratoriyasında əməkdaş kimi çalışıb.

Məhəmməd İsmayıl Daniş 1965-ci ildə orduda xidmət edib.

Məhəmməd İsmayıl Daniş 1968-1073-cü illərdə Kabul Politexnik institutunun fizika kafedrasında assisent kimi fəaliyyət göstərib.

Məhəmməd İsmayıl Daniş 1970-1973-cü illərdə V.İ.Lenin adına Moskva Prdoqoji institutunun aspiranturasında oxumuş və fizika fənnindən dissertasiya müdafiə edib.

Məhəmməd İsmayıl Daniş 1973-cü ildən Kabul Politexnik institutunda müəllim kimi çalışmağa başlayır və "Xalq" partiyasının üzvü olur.

Məhəmməd İsmayıl Daniş 1977-ci ildən Əfqanıstan Xalq Demokratik Partiyasının üzvü idi.

Məhəmməd İsmayıl Daniş 1 may 1978-ci ildən 1085-ci ilədək Əfqanıstanın Dağ-mədən və sənaye naziri olub. Hərbi İnqilab şurasının və partiyanın siyasi bürosunun üzvü idi.

Məhəmməd İsmayıl Daniş 1985-ci ildən Liviyada səlahiyyətli səfir kimi Əfqanıstanı təmsil edib.

Məhəmməd İsmayıl Danişin üç övladı var.

Məhəmməd İsmayıl Danişin qardaşı Məhəmməd Əli 1980-ci illərin əvvəlində Əfqanıstanın ABŞ-da səfiri olmuşdu. Onu Amerkanın xeyrinə casusluqda suçlamışdılar.

Ənvər Çingizoğlu

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi