Teymurxanbəyovlarla bağlı yeni arxiv sənədləri tapılıb



Gürcüstan Milli Arxiv idarəsinin 12-ci fondundan Kolanı icmasının I Gərravənd kəndinin mülkədarları olan teymurxanbəyovlara aid torpaq sənədləri tapılıb.

Sənəd 31 mart 1909-cu ilə aiddir. Yelizavetpol quberniyasının dairə məhkəməsinin mülki şöbəsinin 1-ci masasında hazırlanıb. Mehdi bəy və başqa teymurxanbəyovların Molla Süleyman Molla Dostməmməd oğluna qarşı "Uşacıq" mülkünə dair sahibkarlıq hüququnun bərpa olunması iddiasıdır.

Cavanşir qəzasının I Gərravənd kəndinin mülkədarları Mehdi bəy, Mustafa bəy, Əli bəy, Aslan bəy, Həmid bəy və Adil bəy ərizə ilə dairə məhkəməsinə müraciət etmişdilər ki, qədim dövrlərdən Cavanşir qəzasının ərazisindəki "Uşacıq" mülkü onlara məxsusdur. Mülkün sərhəddi "Ağdaban" yaylağından başlayır. Bir tərəfi "Saat təpəsi"dir. Şimalda "Qara su" ilə hüdudlanır.

Çox maraqlıdır ki, bu malikanənin sərhədlərinin bir tərəfi hazırkı Ağdərə bölgəsinə düşür. Qalın qovluğun içərisində olan sənəddə erməni dilinə aid bir toponim yoxdur.

Bu sənədlərin biri haqqında ilk dəfə oxuculara məlumat verilir. Sənəd rus dilində tərtib olunub. Sənəddən o da aydın olur ki, Qarabağın bütün mülkədarları türklər - azərbaycanlılar olublar.

İstinad etdiyimiz arxiv sənədlərindən belə nəticə çıxır ki, teymurxanbəyovlar Qarabağın köklü bəylərindəndirlər və həmişə sahibkar hüququna malik olublar.

Ənvər Çingizoğlu
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi