Molla Əsgər Kolanı: Mükəmməlliyin və müdrikliyin piri - ARAŞDIRMA



Qarabağın Sırxavənd obasından çıxan şöhrətli şəxsiyyətlərdən biri də Molla Əsgər Kolanıdır. Molla Əsgər Vəli oğlu 1799-cu ildə Kolanı mahalının Sırxavənd obasında anadan olmuşdu. İbtidai təhsilini oba mollasının yanında almışdı. Sonra Şuşa şəhərində mədrəsədə oxumuşdu. O, burada ərəb, fars dillərini tamam-kamal öyrənmişdi.

Daha sonra Kərbəlada məşhur pedaqoq kimi tanınan Mirzə Qarabağinin yanında təhsilini davam etdirmişdi Molla-müctəhid yanında ali bitirdikdən sonra doğma vətəninə dönmüşdü. Türk, ərəb və fars dillərini öyrənməklə yanaşı həmin dövrdə tədris olunan dünyəvi elmləri, o cümlədən riyaziyyat, hesab, həndəsə, nücum, kimya, dil, ədəbiyyat, tarix, coğrafiya fənlərinin də sahəsində dərin bilik əldə etmişdi. Dini elmləri isə yüksək dərəcədə usul, fiqh, əqli və ilahi elmlərini o müqəddəs şəhərdə ustadların hüzurunda tamamlayaraq təhsilini daha da təkmilləşdirmişdi.
Vətənə döndükdən sonra Molla Əsgər Kolanı mahalının dini işləri ilə məşğul idi. O, sadə xalq və saray əhli tərəfindən sevilirdi.

Molla Əsgər Kolanı dövrünün ruhaniləri arasında araşdırma, təhqiq, rəy vermə mövzularının hakim olması, elmi iradəsi, bir çox elmi mövzularda xüsusən də fiqh, üsul və rical elmindəki bilikliyi və müvəffəqiyyətinə görə tanınmış və seçilmişdi. "Kolanıdan bir çıxar, pir çıxar" ifadəsi onun haqqında yaranmışdı.

1822-ci ildə Qarabağ hakimi Mеhdiqulu xan Sarıcalı-Cavanşir İrana qaçanda özü ilə bərabər Molla Əsgəri də götürdü. Mеhdiqulu xan bu sayılan, savadlı cavanın bütün еhtiyaclarını qarşılayır, ödəyir, əlindən gələn yaxşılığı əsirgəmirdi.

Molla Əsgər Kolanı 1827-ci ildə xanla birgə qürbətdən qayıtdı. Sarayda yaşamayıb, doğma obasında məskunlaşdı. Oba yüzbaşısının yanında mirzəlik, katiblik və məktəbdarlıqla məşğul oldu.

Molla Əsgər həmyеrlisi Qurban Bayram oğlunun qızı Mahpəri xanımla ailə qurmuşdu. Ələkbər, Muxtar adlı oğlanları, Gülüstan adlı qızı vardı.

Ənvər Çingizoğlu, jurnalist-etnoqrafскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi