Gəray Göyyurd - Öldürməyə gedirik !



Gəray Göyyurd - Öldürməyə gedirik !

GEDİRİK

Haydı , igid əsgərlər ,
Qan ağlayan Vətəni
Güldürməyə gedirik.
Gücümüzü yağıya
Bildirməyə gedirik !
Şuşada bülbülləri
Dindirməyə gedirik .
Erməni bayrağını
Endirməyə gedirik .
Düşmənin ocağını
Söndürməyə gedirik .
İşğalın təkərini
Döndərməyə gedirik .
Biz ölməyə getmirik ,
Öldürməyə gedirik !

YAĞILARA VERMƏRİK

Yaradanla əhdi -peyman bağlarıq ,
Aşıb -daşan çaylar kimi çağlarıq ,
Qan ağlayan Vətən ilə ağlarıq ,
Ana yurdu güldürməsək gülmərik ,
Vətən,səni yağılara vermərik !

Yurd sevgisi müqəddəsdi , uludu ,
İnsan olan bu sevginin quludu !
İşimiz haqq, yolumuz haqq yoludu ,
Haqq yolundan heç bir zaman dönmərik ,
Vətən , səni yağılara vermərik !

Köhnə yurda yürüş durur qabaqda ,
Hər əzaba duruş durur qabaqda ,
Bir ilahi vuruş durur qabaqda ,
Vuruşarıq ,qorxu nədir bilmərik ,
Vətən , səni yağılara vermərik !

Haqqa hörmət davasıdır bu dava ,
Torpaq , millət davasıdır bu dava !
Namus , qeyrət davasıdır bu dava ,
Kişi adın üstümüzdən silmərik,
Vətən , səni yağılara vermirik !

Düşmənlərdən öc alarıq , ay Vətən ,
Bir əvəzi üç alarıq , ay Vətən ,
Tanrımızdan güc alarıq , ay Vətən ,
Səni azad eləməsək ölmərik ,
Vətən səni yağılara vermərik !


MİLLƏTİM

Bu müqəddəs vətən üçün
Çox qanlar tökdü millətim !
Qeyrətini bu torpağa
Toxumtək əkdi millətim !

Qılıncdı çəkilib qına ,
Demə su alıb ağzına !
Düşmənlərin boğazına
Ley kimi çökdü millətim !

Biri dönüb üç olacaq ,
Köhnə yurda köç olacaq .
Gec olacaq , güc olacaq
Bir azca ləngdi millətim !

Bir səngərdi hər daş , ocaq ,
Kül altında yanır ocaq !
Bu gün -sabah oyanacaq ,
Yatmış pələngdi millətim !скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi