• 13:11 – 210 nömrəli məktəbdə 20 yanvar faciəsinə həsr olunmuş dərs 
  • 15:06 – Naxçıvanın Bakıdakı daimi nümayəndəliyində 20 Yanvar faciəsi qurbanlarının xatirəsi anılıb 
  • 22:12 – Gənc alim və mütəxəssislərin “Mənim ilk qrantım” müsabiqəsinin nəticələri açıqlandı 
  • 11:09 – Naxçıvan: İldən-ilə inkişaf edib müasirləşən ulu diyar 
  • 20:36 – Şəhidlər xiyabanı azadlığımızın, milli iradəmizin qürur mənbəyidir 
  • 17:57 – Sumqayıt Dövlət Universitetinin tarixi və inkişafı 
  • 17:48 – Tanınmış şairin anım günü keçiriləcək 
  • 01:37 – Une pétition lancée à Paris relative à la libération des Azerbaïdjanais pris en otage par les Arméniens 

Bir oğlan yaşayır ürəyi sınıq...

  • Tarix: 02.06.2017, 15:30,
  • Bölmə: Ədəbiyyat
  • Baxılıb: 5303
Bir oğlan yaşayır ürəyi sınıq... Bir oğlan yaşayır ürəyi sınıq... Analoq.az Tahir Talıblının şeirlərini təqdim edir:

Gələ bir təsadüf...
gülə bəxtimiz -
Bizə bir yarımçıq görüş vəd edə.
Nə qədər görüşmək istəsək də biz
Görüşə bilmirik, gülüm, hələ də...
Həmişə arzu ol,
şirin arzu ol.
Bəs niyə dönmüsən, qanadlı yelə?
Gendən görmək üçün səni bircə yol.
Durub gözləmişəm, saatlar ilə.
İtirdim səmtini küləyin, qarın,
Eşitsin sevgidən qəlbi inciklər.
Sənin yol getdiyin avtobusların
Hamısı yuxumdan gəlib keçiblər.
O kimdi sevgidə incik dayanan,
Kimdi, o gözəli hey anıram mən,
Uzaqdan alışan, uzaqdan yanan
Böyük sevgilərə inanıram mən.
Bəlkə bir təsadüf...
gülə bəxtimiz￾Bizə bir yarımçıq görüş vəd edə.
Nə qədər görüşmək istəsək də biz
Görüşə bilmirik, gülüm, hələ də...

*****
Dərdimiz tən, qəmimiz tən,
Günahkarıq ya sən, ya mən.
Biz bir idik ayrı ikən,
Ayrılmışıq birləşəndə.
Xəyalımız didik-didik
Hara gəldik, harda idik.
Sevgimizi saldıq itik,
Taleyimiz kürləşəndə.
Yaxına da gəlmək olmur.
Uzaqdan da görmək olmur.
Həsrətdən də kömək olmur
Həsrətimiz gurlaşanda.

1977

*****
BİR QIZ, BİR OĞLAN

Axıra çatacaq bu söhbət, bu söz,
Sonra tərəddüdlər yetəcək sona.
Bir vaxt ürəyində qaraltdığın köz
Çətin ki alışa, çətin ki yana.

Qeybətlər sönəcək sevgimiz kimi,
Sənin yaddaşında nə qalacaq, nə?
Ala gözlərində buz salxımlanıb,
Sinəmdə çatdığın bu od-ocaq nə?..

Piyada qalmışam, yolum, izim qar
Qarşıma atdığın qayadı sənin.
Dünyadı, sığallar, xumarlandırar,
Bir gün də silkələr, ayıldar səni!

Soyuq küləklər də elə əsər ki,
Arada nə savaş, nə də barışıq.
Bir zaman ayrılıb görəcəksən ki,
Ürəyin bomboşdu, başın qarışıq

Bir sevgi təzədən bir fürsət güdür,
Keçilən yolları qayıtmaq olmur.
Nə qədər xatirə kor mürgüdədi,
Vallah, xatalıdır, oyatmaq olmur.

Bir günahsız sevgi, eh, təşnə-yanıq…
Sonra ayılarsan, sonra gec olur.
Bir oğlan yaşayır ürəyi sınıq,
Bir qız təəssüflə saçını yolur.

1981

*****
Sənsiz duyğularım ömrə dərd əkər
Görən, bu dünyada axı, kimimsən?
Sən mənim əfsanəm, nağılım qədər
Sən mənim əl çatmaz həqiqətimsən.
Baxışın
Gözümdə sancılıb qalıb,
Ancaq,
Xəyalımda sən çən kimisən.
Gözlərim hər yerdə səni axtarıb
Doğrusu,
Sən mənə vətən kimisən.
Sənsiz sevinc itər,
Qəm itər belə,
Yoxluğun qaranlıq bir dibə bənzər
Sənsiz beynimdəki fikirlər belə,
Bir didərgin düşmüş qəribə bənzər.
1984



скачать dle 10.6фильмы бесплатно

Rəy yazın:
ANALOQ TV