Əjdər OL:"Allahın da şairliyi var"



Qəmciyəz

Xoş gəlmisən, qəmciyəz,
Nə deyirəm mənciyəz.
Qəmin içiyi olmaz,
Böyük-kiçiyi olmaz.
Sərçə kimi donmusan,
Əllərimə qonmusan.
Qəmlərimə gəl qoşul,
Mənim gözlərim yaşıl,
İsti qanıma buyur!
Yarı canıma buyur!
Mən səni tək qoymaram,
Gözlərindən doymaram.
Bit dilimin ucunda,
Saqqalımda, saçımda,
Dən sağlığına qismət!
Mən sağlığına qismət!

*******

Şair

Düşüb arxasınca beş-on arının,
şimşəklə, qartalla, divlə öcəşir.
O, bilmir Əzrayıl cənablarının
adam boğmayanda əli gicişir.

Günəş tellərinə bağlıdırmı o,
ürəyi çırpınır, qanı qaynayır.
Allahın bacısı oğludurmu o,
dayısı Allahla qoz-qoz oynayır.

Cənab Əzrayılı kim tanımır ki,kim,
onun nə birliyi,nə dirliyi var.
Baş qoşmur şairə Allah müəllim,
çünki,Allahın da şairliyi var.

*******

Gözlədim

Daha nə gizlədim?
Məni gözləyənlər bağışlasınlar,
Onları gözlədib, səni gözlədim.

Əlimi üzmədim,
Kimi gözlədimsə harada, nə vaxt,
Həm onu, həm də ki səni gözlədim.

Yoruldum,bezmədim,
Uzaq bir şəhərdə bilmirəm niyə,
Dayanıb küçədə səni gözlədim.

*******

Sevgi

Şamdan…
şamdan
işıq.
İşıq,
meyvə,
mey

gözəl.
Göz,
əl
odda.
Od da
sevgi.
Sev ki,
sevil.
Sev,
il
qaçaq.
Qaçaq
qəmdən.
Qəm
dən
suyu.
Su,
yu,
susan!
Susan
daşdır.
Daşdır
qəlbi.
Qəlbi,
uca
uça
uçan.
Uç,
an
haqqı.
Haqqı
günün.
Gün
ün,
buta.
Bu da
sənsən
sən,
sən
ay Ol,
Ay ol!

*******

Ölümlərin ucuz vaxtı

Ölüb getdi atam-anam
ölümlərin ucuz vaxtı.
Yerin-göyün bizə yağı,
Yağıların quduz vaxtı.

Yas kimi yas saxlamadıq,
Çox hündürdən ağlamadıq,
Tabutu qucaqlamadıq,
Üzümüzün o boz vaxtı.

Onlar adi insan idi,
Nə şəhid, nə qurban idi,
Ağ kəfənlər al qan idi.
Yaşımızın otuz vaxtı.

*******

Səhər

Gördüm nimdaş buludların
bir ucdan süzülməyini.
Quşların ordudan qabaq
nizama düzülməyini.

Bulud bir çiçəkdən gördü,
Kəpənək küləkdən gördü,
Tanrı bir mələkdən gördü,
canımın üzülməyini.

Tapdalandı yollar, izlər,
İşə düşdü bütün sözlər,
Axmaqlar oturub gözlər,
dünyanın düzəlməyini.скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi
#

JeaIndege

написал 0
Acheter Cialis Avis Baclofene Toulouse buy generic cialis online Amoxil Pas Cher Kaufen Cialis Nolvadex Pas Cher