Görüş



GÖRÜŞ

Biz bir idik bir ocağın odutək,
Dağıtdılar,yana-yana dağıldıq.
Biz bir idik kəndimizin adıtək,
Bir ünvandan min ünvana dağıldıq.
V.Qüdrət

Ağır günlər,ağır illər yaşadıq,
Şəhid oldu neçə əziz doğmamız.
Yurdumuzda yürd həsrəti daşıdıq,
Alnımızda qara "qaçqın" damğamız.

Qonşuyuq,qohumuq,dostuq,qardaşıq,_
Bir idi suyumuz,çörəyimiz də.
Hamımız bir dərdi çəkən dərdaşıq,
Bir həsrətlə vurur ürəyimiz də.

Didərgin düşəli yurddan,Vətəndən
Gündə birimizin ulduzu sönür.
Bəzən unudulur o yas,o şivən,
Yas yeri bir görüş yerinə dönür.

İllərlə görməzdik bir-birimizi,
Əgər olmasaydı bu xeyirlə şər.
Yaman yadlaşdırıb qaçqınlıq bizi,_
Bir-birin tanımır yeniyetmələr.

Yada düşür elli,obalı gün də_
İndi bizim üçün bir əfsanədir..
Vallah bu görüşün müqabilində
Kəbə ziyarəti inan heç nədir.

Bəzən xatırlayıb ötən anları,
Biri-birimizə "ilişirik" də.
Yad edib gülməli əhvalatları
Hərdən arsız-arsız gülüşürük də.

Toyda musiqinin gur nərəsindən
qulaq tutulur.
Yasda mollaların bayquş səsindən
danışmaq olmur.

Tamarzı qalmışıq bir-birimizə,
Görüş yerimizdir xeyir-şərimiz.
"Toylarda görüşək" desək də ancaq
Yenə də yaslarda görüşürük biz.
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi