Bayramın- İladi Öməroğlundan bir poetik sovqat



BAYRAMIN

Bayram Qaralova

Eloğlumdu, qəlbi sözlə doludu,
Ədəb-ərkan, mərifətdə uludu,
Tutduğu yol ərənlərin yoludu,
Şairlikdə öz yeri var Bayramın.

Ormeşəndi yurd-yuvası, məskəni,
O, çox sevir meşə-tala, gülşəni,
Ürəyinə həkk eləyib Vətəni,
Bəzəyidi ar, etibar Bayramın.

Şindi Onun seyrəngahı, ilhamı,
Dağlardandı söz-söhbəti, kəlamı,
Sadəliyi valeh edir adamı,
Qədrin bilir hər ixtiyar Bayramın.

Başkeçidi başa çəkib hər zaman,
Yadındadı yağış-yağmur, çən-duman,
Axır vaxtı kövrəlibdi çox yaman,
Arzusudu doğma diyar Bayramın.

Düzgünlüyü İladiyə əyandı,
Elmi ilə zirvələrdə dayandı.
Müəllimdi, təhsilə can qoyandı,
Olsun görək taleyi yar Bayramın.

İladi Öməroğlu
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi