Məni görən dalgalar,çəkildi öz qınına-Siyavuş Yusifovun şeirləri



Silirəm

Silirəm, sənsiz ötən həsrətimi, günlərimi,
Silirəm, tənha qalan, yalqız ötən illərimi,
Silirəm, sevincimi, xoş anımı, kədərimi,
Həkk olub yaddaşıma, silmə ürək, gəl,bunu bil

Silirəm, hönkürərək ağladığım, anlarımı,
Çəkilib bir guşədə, sənə dalan, vaxtlarımı,
Silirəm yad ölkələrdə, çəkdiyim istirablarımı,
Həkk olub yaddaşıma, silmə ürək, gəl,bunu bil

Silirəm, sənlə qoşa gəzdiyim hər, izlərimi
Silirəm, sənlə kəsən halal duzu, çörəyimi
Silirəm, dillərdə əzbər olan saf eşqimi, sevgimizi,
Həkk olub yaddaşıma, silmə ürək, gəl,bunu bil.

Silirəm, öldürürəm, dəfn edirəm, Səyavuşun
Silirəm, əğyarımı, itirirəm cənnət quşun.
Silirəm, özgürlüyün, kölə qalır çalıquşun.
Həkk olub yaddaşıma, silmə ürək, gəl,bunu bil.


SƏN MƏNİMLƏSƏN

Mən sənsiz neylərəm, dağıldı bağrım,
Olan ümidlərim,məhv oldu getdi
Məni diri-diri,yandırdın yarım,
Gündə min dəfə də,öldürdün getdi
Indi hardasan?..de, kiminləsən?...
Ancaq xəyalımda,sən mənimləsən.

Daşdanmıdı qəlbin?..bitməz həsrətim
Sənsiz necə dözdü,sənli qismətim?
Param-parça oldu, yar səadətim
Artır gündən günə, sonsuz hiddətim
Həyatımı çalan zəhərsən, nəsən?
Ancaq xəyalımda, sən mənimləsən.

Bilirdin ürəyim, şüşədi mənim
Varlığım sevginə kisədi mənim
Gedişin qanıma, susadı mənim
Ruhum çarmıxdakı,İsadı mənim
Artıq haqqa təslim, gecdir əyilsən
Ancaq xəyalımda,sən mənimləsən.

Səyavuş eşqiylə,heç bişmədiyim
Nakam sevdiyinə yetişmədiyim
Əl verib əlinə, görüşmədiyim
Səsini duymayib, eşitmədiyim,-
İndi yad elllərdə,yad əllərdəsən,
Ancaq xəyalımda,sən mənimləsən...

TƏNHALIQ NƏĞMƏSİ

Oturmuşam sahildə, baxıram dalğalara,
Günəş batmaq üzrə,ay yenidən doğulur.
Yer tapmıram özümə, dalıram xəyallara,
Həsrətimi gəzirəm,xəyallarım boğulur.

Günəş artıq qövr edir,bitmiş sayılır günü,
Ay bəzənib-düzənib,elə bil bir mələkdir.
Ulduzlar bəzək vurur,sanki bir gəlin tülü,
Sevgili günəşinin, görüşünə tələsir.

Hardan bilə ay axı?sevgili günəşinin,
Qan ağlıyır ürəyi,qəlbi cadar-cadardı,
Dadmayıb,qoxlamayıb, ətirini sevginin,
İllərin həsrətindən, solubdu,saralıbdı.

Əsrlərdi axtarır,günəş öz mələyini,
Qovuşamır yarına,həsrət qalır sevgiyə
Mən də gəzdim,dolaşdım, bulamadım sevgimi,
Elə bil ki,çəkilib,gedib girib beşiyə.

Qərar tutmadım ki,mən, axtardım gül üzlümü,
Dedilər çəkilibdi,qeybə gedən adam tək.
Mən də cihad elədim, görməyə gül üzlümü,
Haram buyurub Allah, cihadı bir zina tək.

Məni görən dalgalar,çəkildi öz qınına,
Aydan düşdü şəkili,göründü üfüqlərdə,
İtirdi Səyavuşu,dalğalar öz lamında,
Qeybə çəkildi onlar,qovuşdu əbədiyyətə.


SƏNSİZ

Sənin qucağında bir uşaq kimi,
Yuxuya dalmışam xəyallarımda.
Yatanda görürəm təmiz sevgimi,
Əbədi yataydım, xəyallarımda.

Dururam yuxudan,baxıram yoxsan,
Kaş ki ayılmazdım,öləydim o, gün,
Baxıram həyata, həyat, bir boşsan!
Qarğıyıb özümə,doğduğum üçün.

Səadətim uçub getdi əlimdən,
Illərin həsrəti bir mənə qaldı,
Bir durna qatarı köçür elindən,
Yolunu gözləmək tək mənə qaldı.

Baxıram həsrətlə,bu qatarlara,
Azadə durnalar hayana gedir?
Qəlbimi çıxarıb,verəm onlara,
Dağlanmış qəlbimi "Sonama" yetir.

Beləcə xəyalım gəzir hər yeri,
Səninlə dünyanı gəzir,dolaşır,
Sevdiyim yuxuma girəndən bəri,
Səyavuş ölübdür, ruhu dolaşır

Səyavuş Yusifov

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi
#

JeaIndege

написал 0
Zithromax Cause Diarrhea buy generic cialis online Levitra Farmaco Impotenza Sample Paqcks Of Erectile Help