Tanınmış şair Zəki İslam dünyasını dəyişdi



Zəki İslam imzası demək olar ki, cənublu-şimallı, şərqli-qərbli bütün xalqımıza tanışdır.

Zəki İslam Aşıq Ələsgər dəsti-xəttinin davamçılarından, gözəl şeirlər müəllifi, dəyərli ziyalı, sanballı el ağsaqqallarından biri idi.

Qərbi Azərvaycanın Göyçə mahalından olan Zəki İslam Vətən həstətindən, yurd intizarından, milli mənəvi dəyərlərimizdən doyunca yanğılı şeirlər yazan bir şair idi.

Hər zaman məsləhətlər aldığımız, nəsihətlərinə, vəsiyyətlərinə möhtac olduğumuz əsl zəhmli, vüqarlı, kübar bir ağsaqqal idi.

Hələ Göyçə mahalında işləyərkən atam Sadiq Qara ilə dostluq münasibətləri və şeirləşmələri olmuşdu. Atam dünyasıbı dəyişəndən sonra da mən bu ənənəni davam etdirirdim. Ara-sıra görüşüb məsləhətlərini, maraqlı söhbətlərini dinləyirdim.

Açığı son vaxtlara qədər onun yanında şeir deməyə, şeir haqda danışmağa cəsarət etmirdim. Zəmanədən, dövrandan gileyləndiyimiz bir söhbətdə özü təkid etdiyi üçün ona belə bir şeir yazdım:

Zəki İslam, niyə döndü bu dövran,
İnsanlıq dünyadan zara gəlibdi.
Haqqa-ədalətə əməl olunmur,
Gözəl zəmanəmiz qara gəlibdi...

Zəki İslam dərhal belə bir cavab verdi:

Ay şair qardaşım, ay Tural İrfan,
Sorğuların vardan-vara gəlibdi.
Haqdan yapışıbsan, haq şairisən,
Fikirlərin zordan-zora gəlibdi.

Və beləcə deyişməyə cevrilən şeirləşmə beləcə davam etdi.

Tural İrfan:

Sən Haq şairisən, haqdı kəlamın,
Özü hanı, adı qalıb İslamın...
"Əleykə"sin eşitmirik salamın,
Adam biləmmir ki, hara gəlibdi...

Zəki İslam:

Hər iki dünyanın şahı-sultanı,
Məhəmməd, Əlidi zöhrü-zamanı,
Salam yerindədi, sahib gümanı,
Səbir bizim üçün çarə gəlibdi.

Tural İrfan:

Şair sənətgara hörmət azalıb,
Yəqin Qiyamətə yollar qısalıb.
Tural İrfan dərd əlindən qocalıb,
Elə bil bir ovdu, tora gəlibdi...

Zəki İslam:

Şair olan Haqdan üzməz əlini,
İslamiyyət şəkər eylər dilini,
On dörd məsumları, Heydər Əlini,
Zəki İslam çağrıb, vara gəlubdi.

08.09.2013 cü il.

Sonda isə mərhum şairimizin mənə yazdığı, öz xüsusi dəsti-xətti ilə qələmə aldığı, öz əlyazmasında mənə təqdim etdiyi maraqlı bir şeiri də sizlərə təqdim edirəm.

Şeirin baş hərflərini üstən aşağı oxuduqda "Tural İrfanım" sözləri oxunur.

Tanrı səni pənahında qorusun,
Uğur olsun hər addımın, hər anın.
Rəbbim səndən səxasını kəsməsin,
Amin olsun zəmanəsi zamanın.

Layıqsan tutduğun yola, qadası,
İmanın imanlı, islam fədası,
Rəhbərdi məhşərdə Əli sədası,
Fatehi olasan, ola dövranın.

Atanın, ananın güman-bəsisən,
Nadan kimsələrin divan səsisən.
İmdadın imdaddı, dəsin dəsisən,
Mən Zəki İslamam, qulu qananın.

... Dinimizi, qədim adət-ənənələrimizi, folklorumuzu dərindən bilən, hətta ilahiyyatçılardan da artıq dini məlumata malik olan gözəl ağsaqqalımız bu gün 79 yaşında Haq dünyasına qovuşdu.

Allahdan ona rəhmət, yaxınlarına səbr diləyirəm.

Ruhu şad olsun deyirəm.

Tural İrfan
Analoq.az

скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi
#

JeaIndege

написал 0
Achats Kamagra Hair Loss Treatment Propecia buy generic cialis online Antabus Ohne Rezept Compra Cialis In Anonimato Lasix Finland