Dostum, mübarəkdir qurduğun bu ev-Sadiq Qaranın şeirləri



Bu gün tanınmış şair, görkəmli ictimai xadim Sadiq Qaranın vəfatının dördüncü il dönümüdür.

Sadiq Qara zun illər Sovet dövründən bəri müxtəlif dövlət vəzifələrində çalışıb. Qazax, Qax, Oğuz rayonlarında müxtəlif işlərdə: qəzet redaktoru, Xalq nəzarəti komitəsinin sədri və.s çalışıb.

Tariximizə, toponimikaya, folklorumuza aid yüzlərlə müxtəlif səpkili yazının müəllifidir.
Səkkiz kitab müəllifi olan mərhum yazar Jurnalistlər İttifaqının və Azərbaycan Yazıçılar Birliyinin üzvü olub.

Onun bir neçə şeirini sizlərə təqdim edirik:

****
Sənin balan deyildimmi,
Bir baxsana bəri, dağlar.
Sızlayır könlümün simi,
Dönəmmirəm geri, dağlar.

Ulu Vətən-böyük ana,
Göyçəm oldu viranxana,
Qoyub gəldik yana-yana,
O müqəddəs yeri, dağlar...

Güllər açmaz, bülbül ötməz,
Səsim çatmaz, əlim yetməz,
Karvanımız ora getməz,
Yoxdur axı nəri, dağlar.

Cəllad çəkməzdi bu dağı.
Bulaqların qussun ağı,
Əridi qəlbimin yağı,
Sən də dağıl, əri dağlar!

Yurda daraşıb zəlilər,
Koroğlusuzdur dəlilər,
Allaha da çatmır əllər,
Kim kəsəcək şəri dağlar ?!

1989
****
Göyçə bayatıları

Göy çəmənə,
Sürü dolub göy çəmənə,
Dava düşdü, həsrət qaldıq
Mən Göyçəyə, Göyçə mənə.

Bələd ağlar,
Dərdimə bələd ağlar.
Erməniyə qalınca
Uçaydı belə dağlar.

Göy nərə,
Ağ mayaya, göy nərə.
Boşaldı Ulu Göyçəm,
Yer ah çəkdi, göy nərə...

Qönçəm haray,
Çiçəyim, qönçəm haray.
Gör ürəyim nə deyir:
"Ay mənim Göyçəm haray".

Vətən siz,
Vətən bizik, Vətən siz.
Zor ilə "vətən" quran,
Qalacaqdır vətənsiz..

Saz gördüm,
Çox az kefi saz gördüm.
Burda didərgin aşıq,
Burda qaçqın saz gördüm

1988 Qazax

****

Dostum, mübarəkdir qurduğun bu ev,
Sözümü qəlbinə sən yaz, unutma.
Ürək tutan yarı başa kimi sev,
Sevilən gül heç vaxt solmaz, unutma.

Ailə qaladır, qoy deyim barı :
Möhkəm olsun gərək onun divarı.
Hər kiçik şey üçün incitmə yarı,-
Tökülən çox zaman dolmaz, unutma.

Yüz əl düzəldəmmir bir dil əyəni,
Çıxarma qulaqdan anan deyəni.
Yarıntək sevənlər çox olar səni,
Anantək istəyən olmaz, unutma.

Sadiqin sözünün bax budur canı:
Sev ömrün uzunu sənə yananı.
Hər vaxt üzə vurma evdə olanı,
Yoxsa hörmət, izzət qalmaz, unutma.

1967 ci il

****

Oğul toyunda sağlıq əvəzi

Unutmayaq kökü-soyu,
Birgə olaq dünya boyu.
Dost məclisi, övlad toyu,
Hamınıza qismət olsun.

Var-dövlətdir, bilin, övlad,
Var-dövlətdir, ağıl, savad,
Var-dövlətdir sakit həyat-
Hamınıza qismət olsun.

Uğurlu yurd, halal çörək,
Çiçək açan arzu dilək,
Həm dolu, həm açıq ürək
Hamınıza qismət olsun.

Doğmaların məhəbbəti,
Sevənlərin sədaqəti,
Yaradanın mərhəməti,
Hamınıza qismət olsun.

Sadiq Qara qocalsa da,
Deməz günlər getdi bada.
Uzun ömür bu dünyada
Hamınıza qismət olsun.

1989 cu il

****

Çoxalır buxovar, artır xaltalar,
Mis kimi qaraldır paxır xalqımı.
Sapı özümüzdən olan baltalar,
Sınaq meydanında yıxır xalqımı.

Bir quşam, əynimə dar gəlir donum,
Bilmirəm ki, hansı budağa qonum...
Düşmən əlindədir neçə rayonum,
Qüssə məngənəsi sıxır xalqımı.

Çıxdı kürsülərə satqınlar, səylər,
Sabahı görmədi bambılı-keylər.
Səhnədən gec getdi özündənbəylər,
Yaman günə qoydu axır xalqımı.

Saxta yolla çıxan, əl çəkmir taxtdan,
Oğurluq dizdəndir, rüşvət qurşaqdan.
Sadiq də seçəmmir haqqı nahaqdan
Allah, bu quyudan çıxar xalqımı.

17 noyabr, 1994 cü il.

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi
#

JeaIndege

написал 0
Buy Now Free Shipping Macrobid Real Pills Overseas online pharmacy Cialis 20 Dosage Viagra Efectos En El Hombre Buy Cafergot With No Prescription