Keçən günlərimi gətirdim dilə-Eldəniz Uğurun şeirləri



Analoq.az Eldəniz Uğurun şeirlərini təqdim edir:

SEVDİYİMƏ

Görüşünə gəlmişəm mən yenə,
Dayanmışam qarşında nitqi lal.
Ümidlərim bağlı qalıbdır sənə,
Keçir xəyalımdan gör neçə sual.

Dayanıb baxıram o gül üzünə,
Bəlkə də qəlbində qınarsan məni.
Möhtac qalmışam şirin sözünə,
Bəlkə də ürəkdən sınarsan məni

Görürəm bu eşqi sənin gözündə,
Bahar təravətli bir çiçək kimi.
Mat mat baxırsan sənin özün də
Sanki göydən enmiş bir mələk kimi.

Durub baxırıq birgə sahilə
Sanki ləpələrdə görürəm səni.
Bir vaxtlar qəlbin də gələcək dilə
Deyəcəksən mən də sevirəm səni.

Bu sevirəm kəlməsinin,
Acı həqiqətin mən də duyacam.
Qəlbindən keçən bu sərinliyin
Qoynunda uşaq təki mən uyacam.

Onda biləcəksən mənim qəlbimi,
Necə də rəvan təmizliyinə.
Mənə qarşı axır dəyişdi dilin,
Inanıram məni sən sevdiyinə.

***

SƏNİ DÜŞÜNÜRƏM

Ömrümün ətirli xoş çağındasan,
Qəlbimin çiçəyi gül bağındasan.
Eldənizin dili, dodağındasan
Səni düşünürəm, düşünürəm mən.

Keçən günlərimiz keçir gözümdən,
Baş aça bilmirəm özüm özümdən
Içcimə kəlməmdən, mənim sözümdən.
Səni düşünürəm, düşünürəm mən.

Həm mənə uzaqsan, həm mənə yaxın,
Həm mənə düşmənsən həm də ki qohum
Aldığım nəfəsim çəkdiyim ahım
Səni düşünürəm, düşünürəm mən.

Gözümün nurusan könül sevənim
Gözəlim dağ kimi sənə güvənim.
Sən mənim canımsan ay qəlb həmdəmim,
Səni düşünürəm, düşünürəm mən.

Səni düşünürəm hər saat, hər an
Qəlbimdə yaşayan gözümdə duran.
Mənim yoxluğuma boynunu buran,
Səni düşünürəm, düşünürəm mən.

***

GÖZƏL

Cahan sənsiz gözlərimdə heç nədir
Mənə yol göstərən gözümsən gözəl.
Keçən günlərimi gətirdim dilə
Ürəyim, ümmanım, özümsən, gözəl.

Vaxtsız və vədəsiz qıraqda qaldıq.
Mən səni görmüşəm sevmişəm əzəl.
Gül kimi açıldıq, gül kimi solduq
Məni alovlarda yandırma, gözəl.

Gözlərim yaşla doldu bir anda,
Baxçamın gülü soldu bir anda,
Eldəniz də tənha qaldı bir anda,
Damarımda axan qanımsan, gözəl.

***

MƏN ELƏ BİLİRDİM

Mən elə bilirdim sən mənimləsən
Mənimlə birlikdə yaşayacaqsan.
Mən elə bilirdim sən mənimləsən,
Sevgini, arzunu oxşayacaqsan.

Sevəcəksən məni mən sevdiyim tək,
Sevgimiz boy atıb hey ucalacaq.
Mənim təki sevən tapılar tək tək
Bu sevgi qəlbimdə hey qocalacaq.

Bu sevgi qocalıb dolacaq yaşa
Aramızda olan məhəbbət hanı.
Sevgimiz büdrəyib dəysə də daşa
Gərək itirməyək biz bu inamı.

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi