Bizi izləməyi unutmayın

#Ədəbiyyat

Barışanda hönkürüb ağlayacaq qədər-İlham Qəhrəmanın şeirləri

7-02-2019, 11:00 | 1422 dəfə baxılıb.

Məktub

Sovet İttifaqı Qəhrəmanı
Əvəz Verdiyevin Laçındakı heykəlinə



Səni xatırlayanda xəcalətimdən
ölüb yerə girirəm, Həşimin oğlu!
Adamı xatırlayana
belə xəcalət verərlərmi, kişinin oğlu?!
Vətəni səni kimi sevəcəyimizə
and içirdik pionerə, komsomola keçəndə.
Tanrı hər şeyi görk elədi -

ağ yalanlarımız ağardı
gecənin üstünə səhər ağaran kimi...
Biz qaçdıq sən çiynində avtomat,
Laçın adlı yurdunla əsir düşdün.
Səndən bir az yuxarı - abidənin altda


Ana heykəli dizinin üstündə körpəsi
arxamızca baxa-baxa qaldılar.
Gözlərindən yayınaq deyə
çoxumuz Laçından gecə çıxdıq,
Elə o çıxan-bu çıxan -
nəfəsimiz üstümüzdə heçə çıxdıq.

Laçından çıxandan sonra bildim -
daş olsa da, heykəllər də qanır,
Heykəllər də içində çəkir,
içindən doğranır.

...Laçında qış soyuq olur,
əllərini ovuşdurmaq, isitmək istəyirsən.
Bir də salam yazmadım,
bilirəm, salamı oxumaq yox,
dilimizdən eşitmək istəyirsən!

****

Ürək söhbəti

Ayrılıq, dostum, aradan
sel aparan körpüdü,
Sənə iki yol qalır -
Ya geri qayıtmaq,
ya dizi qucağında

çayın qırağında oturmaq...
Birinciyə ürək lazımdı,
İkinci də ürək istər.
Baxır sən hansı ürəyə sahibsən...



Ayrılığın payız yağışı
xatirə mozaika
Kövrək xatirələr qaldı nə qədər, -
Heç bilmirəm pisdi, yaxşıdı, tellim.
Zəng edib dəstəkdə o hönkürməyin
Ayrılığın payız yağışıdı, tellim.



Taledən, yığvaldan ağzım yanıxdı,
Sevgini məlhəmtək ağrıma basdım.
Yanına gələndə səndən daha çox
Sənin təkliyini bağrıma basdım.



Özün bilirsən ki, çox sadəlövhəm
Mən günü bu gün də uşağam, tellim,
Həmişə bərk-bərk tapşırardın -
"Çənəndən öpməyə heç kəsi qoyma!"
Heç kimə deməyə üzüm gəlmədi,
Bilirsən ki, üzüyumşağam, tellim.



Hələ yadımdadı Nohurgölündə
Dedin ki, qorxuram - suya baxanda -
Bir yerdə sulara əksimiz düşür.
Bir də ki, yadıma sənin evində
Şamın işığında rəqsimiz düşür.



Kövrək xatirələr qaldı nə qədər, -
Heç bilmirəm pisdi, yaxşıdı, tellim.
Zəng edib dəstəkdə o hönkürməyin
Ayrılığın payız yağışıdı, tellim.

****

Yıxılasan
Əlibıçaqlı qova səni,
Qapı ağzında yıxılasan.
Nazlanır nazın nazdan naza,
Səni nazından yıxılasan.



Aşa bilmədim nə sədd qaldı?!
Ürək yenə də həsrət qaldı.
Kimsən, oxuyan? - cəsəd qaldı,
O avazından yıxılasan.



Sözün varmı, adam şəkilli?!
Həm dərdlisən, həm də fikirli,
Qışdan çıxıb dili şükürlü, -
İlin yazında yıxılasan.

****

Xatirələr sərgisi

Sənli xatirələrim olan yerə
baş çəkdim bu axşam,
Sətəlcəm adama titrətmə kimi
Bu cana sevginin əsəri gəlir...

Mənim başıma xeyir -
Hələ sevgidən məstəm, sərxoşam.
Məzara baş çəkənlər kimi...
Gözlərim doludu, əlləri boşam.


Saata baxıram - səkkizə qalır...
Mətbəx pəncərədən qaraltın keçir.
Yəqin, yenə çayın qaynayır
Mən olsam deyərdim - dur altın keçir.


Evinizin hər tərəfində
Xatirələrin sərgisi qalıb.
Həm iliyə işləyən qışın sazağı,
Həm yayın qovuran bürküsü qalıb.


Xatirəsiz bir yer yoxdu,
Bax burda bir dəfə dilin "gəl" - dedi,
Bax burda bir dəfə "bir ayaq saxla".
Deyirdin maşını tanıyırlar
daldaya çək, uzaq saxla!


İkimiz bir yerdə görünmədik heç
Tanrı verən eşqi gizlin yaşadıq.
Günahkar olsaq da bir onu billəm
Biz elə sevginin əslin yaşadıq.


Sən bir az təşərdin, bir az cilvəli,
Maşında güzgüdə dil çıxardırdın...
Elə gəlməliydim kimsə duymasın,
Qapıdan içəri girirdim sonra
Paltomun altından gül çıxardırdım.



Dağıldı dörd yana xatirələr
Küçədə, maşında, güzgüdə qaldı.
Yığıb topalaya bilmədik,
Heyif! Xatirələr sərgidə qaldı.

****

Əsgərlərimizə

Sizin qarşınızda ikiqat ollam,
Bu yurdun ən təmiz, duru yerisiz.
Vətənin gözünün dikənəcəyi,
Xalqın ürək qutu, qürur yerisiz.



Parçalanmış yurdu bir yerə yığmaq, -
Sizdən bundan özgə nə umuruq biz.
Bir Allah bilir ki, hər gələn gecə
Sizə umud olub göz yumuruq biz.


Nə qədər meydanı daraldı onun, -
Qoy şaxı açılsın - o bayraq üç rəng!
Onun bir adı da sevinc göz yaşı, -
Ondan gözəl olmaz gözümdə heç rəng!


Nə vaxt döyüş olur, torpaq qayıdır,
O bayraq sizinlə irəli gedir.
Əsgər yoldaşının son nəfəsidi -
Bax o da dayanmır, yaralı gedir.


İllərdi ürəkdə bir arzumuz var, -
Düşmənin burnunu əzəsiniz bir!
Tanrı çox görməsin - qalxsın bu töhmət-
Papağı yan qoyub gəzəsiniz bir!


Yan-yana sıx durun düşmən önündə,
Amandı sıranız olmasın seyrək!
Tağbənd körpülərin daşları kimi
Biri-birinizdən bərk yapışın, bərk.


Sizin qarşınızda ikiqat ollam,
Bu yurdun ən təmiz, duru yerisiz.
Vətənin gözünün dikənəcəyi,
Xalqın ürək qutu, qürur yerisiz.

****

Səni unutmaq olmur


Məhbusun illər sonra
unutmadığı təkadamlıq
məhbəs kimi,
Şimşəkdən sonra
ağlımıza gələn səs kimi


Səni unutmaq olmur.
Elə bilmə yad kimisən...
Güllərdə bildiyim ətir,
Meyvələrdə tanıdığım
dad kimisən
Səni unutmaq olmur.



Bir misal deyim, -
Çınqılda necə gəzər,
nəyi unutmaz ayağıyalın?!
Hər vaxt xatırlanan
ölüm kimisən, zalım,
Səni unutmaq olmur.

****

Təbəssüm

Şəkil göndərdin -
Dodaqlarında bir topa təbəssüm
bir topa çiçək kimi...
Ovqatım təzələndi,
yoxa çıxdı incikliyim, umu-küsüm.

Dodaqlarında bir topa təbəssüm -
bir topa çiçək əvəzi,
Stola qoyulmaz, meydan istəməz,
Hər yerdə yanımdadı -
su istəməz, güldan istəməz.
Dodaqlarında bir topa təbəssüm -
bir topa çiçək kimi,
Ətri sardı dörd yanımı...
Təbəssüm küsü saxlamaz!
Şəhərin heç bir gül satanı
belə buket bağlamaz.

****

Bir qadın ola

Bir qadın ola, -
Sevib sonra dalaşasan,
Küsdürəsən, küsəsən...
Barışanda hönkürüb ağlayacaq qədər
səni sevdiyinin şahidi olasan.

Həm özünü qınayasan,
Həm də bığ altından güləsən,
Belə bir qadın ola
Özünü xoşbəxt biləsən...

****

Sevgi aclığı

Nə ad qoyulur qoyulsun -
bütün korluğum, aclığım
Sevgi adına korluğumun,
yanında heç nədi, tellim.

Bircə sevgi aclığım
sən olmayınca keçmədi, tellim.
Göz sevginin ardınca yaşarır, tellim,
Sevgi aclığı nəfəs aclığı kimidi
Almasaq içimiz boşalır, tellim!

****

Dua

Ağaclar barıynan,
dağlar qarıynan,
Göylər quşuynan xoş olur.
Tanrım, heç kəsi sevgisiz qoyma,
Sevgisiz bəndə lələk kimidi, -
içi bomboş olur...

****

Xallım

Tanrım elə şans tanıya,
Nazını mən çəkəm, xallım.
Mən varam - mən olan yerdə -
Sənin dərdlərin kəm, xallım.


Basdıqca yanına qədəm
Doğma adamtək ərk edəm, -
Səni öpüşə qərq edəm,
Zəhləni də tökəm, xallım.

Kim olar ki, sən busatda?!
Yaranmısan xoş saatda.
Həm sevgidə, həm həyatda
Mən tək oğlu təkəm, xallım!

****

Qarışqa qısqanclığı

Sənə zəng gəldi...
Nə bilim hansı qohumdan,
hansı kəmfürsətdən
görüş yarımçıq bitdi,
Çaya da vaxt olmadı...
Süfrə alt altdan qaldı, üst üstdən.
Ayrılanda bağının əncirindən
pay qoydun - üstü qarışqalı.
Mən də yarımçıq görüşün acığına
Yolboyu qarışqasıyla yedim payını.
Qarışqalardan biri fürsət tapıb
dilimi dişlədi - verdi "vay"ımı.
Qarışqa ya sənin qisasını alırdı,
ya əncirinizin.
Əncir olmasaydı deyərdim qarışqa acdı,
Qohumlarının adı çıxıb,
Qarışqaların qohumlardan qısqancdı.


Analoq.az
скачать dle 10.6фильмы бесплатно

Daha tez məlumatlanmaq üçün yeni Facebook səhifəmizi

REKLAM
RƏYLƏR

RƏY YAZIN

Manşet / #Yazarlar / #Ədəbiyyat

Dəllək

Müəllif hüquqları qorunur.
ƏTRAFLI OXU

Manşet / #Ədəbiyyat

Aqşin Yenisey:"Şükür sənə ilahi, çoxdan idi ki, yaxşı adam basdırmırdıq"

Müəllif hüquqları qorunur.
ƏTRAFLI OXU

#Maraqlı

1200 illik heykəllər gün üzünə çıxır

Müəllif hüquqları qorunur.
ƏTRAFLI OXU








ƏN ÇOX OXUNAN

kiosk.com.az tap az турбо аз tap.az qab qacaq turbo az oxu az oxu az xeberler www oxu xabaraz новости азербайджана mp3 yukle big az azeri bass indir yukle mp3 mp3 milli az son xeberler xabaraz radikal müxalifət milli.az Azərbaycan xəbərləri dünya xəbərləri aktual hadisələr bu günün xəbərləri BiG.Az - Böyük Azərbaycan en son xeberler Azerbaycan xeberleri 2017 müsavat siyasət iqtisadiyyat azərbaycan hadisə son xəbər dağlıq qarabağ gündəm qəzet ilham əliyev Bakı haqqin az новости ильхам алиев haqqin az азербайджан объявления интим услуг в баку погода в баку hava haqqinda melumat day az day.az Azərbaycandan və dünyadan xəbərlər - Qafqazinfo.az qafqazinfo minimum əmək haqqı 2018 anar nagilbaz porno anar nagilbaz video anar nagilbaz Xəbərlər Araşdırma Müsahibələr Reportajlar Xəbərlər Gündəm Hadisə Siyasət Cəmiyyət İqtisadiyyat İdman Dünya Video Maqazin Müsahibə Media Araşdırma Maraqlı Mədəniyyət Gülən Təhlükə Bank Biznes Enerji Əmlak Tender Vakansiya namiq caniyev a24az niyə quran onun üçün müqəddəs deyil anar nağılbazın video a 24 a24.az Yenicag.Az son dəqiqə ən son xəbər xəbər xəbəri xəbərləri yenicag yeniçağ gündüz kərimov vüqar zifəroğlu qarabag roma canli yayim yenicag zakirə zakirqızı basqın Azərbaycan Aşkın Niderlandın ofisinə bildirib şəhərində Haaqa təşkilatının diaspor Diasporrəhbəri həmçinin Afrin aparılır edilib Hazırda araşdırma əməliyyatından millətindən ardıcıl spy satellite destroyed eu doner kebab north korea missile hit own city arzu nağıyev axar/az axar.az lentaz lent az xabaraz musavat.az xeberler musavat iqtidar 134 nomreli 134 mekteb məktəb nömrəli olay bilmir söyləyir edirəm deyir bilmirəm söylədiyi xəstəsən Yaşamağa davam bilir qollarımı əməlinə qazandırmaq istəyib məktəbli deyən kəsirəm Bunları Cavidan Anasının sinif xarakterli hərəkətləri cinayət oxuyan zorakılıq aidiyyatlı bağlı orqanlara şikayət şəhər daxil hadisə vermis naziri müdafiə Dadaş Rzayevin nəvəsidir prokurorluğunda bağlı Təhsil sinfində hüquq hadisə yayıb olmuş oxuyan cinayət mühafizə əlaqədə yerləşən ayının otağında dekabr cinsi geyinmə soyunub idman zalının