O bizim Rəbbimiz - Elçin İbrahimov



Zikr ilə yaratdı cümlə cahanı,
O bizim Rəbbimiz, Ona tay hanı?
Ey insan, zikr ilə Allahı tanı,
O bizim Rəbbimiz, Ona tay hanı?

Üfürdü səmaya sirli cövhəri,
Beləcə yaratdı göyləri, yeri,
Üsyan eyləsə də məlun sərsəri,
Dünyanın əşrəfi etdi insanı,
O bizim Rəbbimiz, Ona tay hanı?

Başını qaldırıb baxsan göylərə,
Nə yarıq, nə də çat görərsən zərrə,
Gecəni dəyişən kimdir səhərə?
Bilmək istəyirsən? oxu Quranı,
O bizim Rəbbimiz, Ona tay hanı?

Onun iznindədir zərərlə fayda,
Ona həmd eləyir günəş də, ay da,
Əgər pozularsa qanuni-qayda,
O zaman göndərər seli, tufanı,
O bizim Rəbbimiz, Ona tay hanı?

Bu fani dünyanı bir sınaq etdi,
İnsana hər şeyi şəksiz öyrətdi,
Sonra dərgahına arxayın getdi,
Ordan aşılayır bizə irfanı,
O bizim Rəbbimiz, Ona tay hanı?

Göndərdi minlərlə O elçiləri,
Verdi qanunları və ölçüləri,
Yaratdı möhtəşəm insan əsəri.
İndi yaşayırıq biz bu dastanı,
O bizim Rəbbimiz, Ona tay hanı?

Elçin İbrahimov

Analoq.Azскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi