• 22:28 – Göyçə ustadları antologiyası təqdim olundu 
  • 14:00 – Əhəd Abıyev:"Ev yıxan deyiləm,ev tikənəm" 
  • 13:00 – İtkin düşən 13 yaşlı Ülvidən xəbər var 
  • 12:00 – Şimali Koreyanın şərqində uçuşlar həyata keçirildi 
  • 11:00 – Lütfi Zadənin nəşinin sentyabrın 29-u Bakıya gətiriləcək 
  • 10:48 – Huşunu itirən yaşlı kişiyə təcili tibbi yardım kömək göstərmədi 
  • 10:00 – İlham Əliyev:"Bütün rayonlarda işlər daha da yaxşı gedəcək” 
  • 13:00 – Diqqəti daha çox çəkən Donald Trampın öldürülməsidir-Dünya şokdadır 

Fərid Hüsyn:"Qoy qadınlar sevməsin şeirləri"

  • Tarix: 25.02.2016, 00:54,
  • Bölmə: Ədəbiyyat
  • Baxılıb: 5231
Fərid Hüsyn:"Qoy qadınlar sevməsin şeirləri" Fərid Hüsyn:"Qoy qadınlar sevməsin şeirləri" Fərid Hüsyn:"Qoy qadınlar sevməsin şeirləri"Allah oğul da verəcək mənə,
Pul da.
Bəlkə oğluma ağıl da.
Gedəcəyəm dünyanın o başından, bu başına
Təyyarəylə maşınla.
Amma ömürlük naşükür olacam sənsiz,
Nəyim olsa da, elə biləcəm
Heç nəyim yoxdu.

*******************


Məndən deməkdi
Qılman İmanlıya

Çox da bəxtində küsmə.
Onsuz səndən küsəcəklər.
Bir gün sən lap neyləsən də
Özgəsini seçəcəklər.
çox sevdiyim adamlar.

Gözlərinə qan damacaq.
Çatmayacaq havan da.
Təklik dənizinə atıb
əl edəcəklər limanda,
çox sevdiyin adamlar.

Sonra da uşaq kimi
Arxanca düşəcəklər.
Əllərində boşqab, qaşıq,
kədər yedirdəcəklər.
çox sevdiyin adamlar.

Yıxılanda sıxılacaq
Dizin divar döşünə
Səni dizi bükülü qoyub
Gedəcək iş-gücünə
çox sevdiyin adamlar.

Onda biləcəksən ki,
Aqil başın avammış
Bircə səni sevən elə
əksin olan adammış.

Bəs hara “buxarlandılar”,
çox sevdiyin adamlar?!

*******************

Təbrik

Qəlbimdən girən sevgi,
Durmadı öz yerində,
Illər keçdi giliz kimi
Gəzindi hey canımda.

Zülməti qurdaladım
Dərdlərim işıqlandı.
Sənə taxılan üzük,
sənsizliyə nişandı.

Səndə bəxtini tapdın,
Yolun olsun xeyirli.
Yaşamıma ziyan sevgi.
Ölümümə xeyirdi.

*******************

Şairlər dildən-dilə azalıb,
sonuncu adamın dilində hecalanacaqlarsa,
Uduzmayıblar deməli,
Şeiri hökumət sevməyə də bilər?
Bəs küləklər zəmiləri misra kimi düzsə.
Qoy qadınlar sevməsin şeirləri.
Özləri də bilmədən adımızı rədif kimi çağıracaqlar.

Qoy uşaqlar da oxumasınlar bizi,
Biz oxunmadıqca sirli qalacağıq,
əzbərləməsinlər heç şeirlərimizi.
əzbərlər yaddaş qədər yaşar ancaq.
Ehey, adaşım, şeir oxumayan şairlər ölkəsindənik.
Hamımız qumara qoyulmuşuq,
udana haramıq, uduzana məğlubiyyət

*******************

Sevgi sözü

İki hecalıdır sevgi sözü,
Yarısı sənə,
yarısı mənə düşür,
Sevməyənlər dartışdırır bu sözü.
Sevənlərsə səssiz-küysüz bölüşür.

*******************

Nexlyudovun Katyaya dedikləri

İndi hakim səni katorqaya göndərəcək,
mənisə sənin yanına,
Katya, “səni sevirəm deyəndə” allanan yanaqları itirmisən,
Utanıb yerə baxan gözlərini itirmisən,
Məni görüb gizlənməyini itirmisən,
Mənlə taleyinin qan davasın aparma.
Bacarırsansa yenə gizlən,
Yenə yerə bax,
Yenə yanaqların allansın.
Katya, sonumuz haqqı, bircə onu bilirəm ki,,
xanımlıq arvadlığa çevriləndə pis olur,
İgidlik də şöhrətə.

*******************

Nə istəyirsiz?

Nə istəyirsiz,
zəncirlərə vurulsun köpəklərimiz?
Yoxsa qandallara aşiq olsun qolumuz?

Bizim yuxusuzluğumuz
“yara-duz” məsələsi deyil.
Yaramız dənizdi, duzsa duz.
Bəsdi, allahı sevirsiz.

Şüşə üzərinə çıxarmısız yalın ayaqlı həqiqətlərmizi,
Unutmayın, hər həqiqət bir pəhləvandır.

Ədalət, Sokrat demiş,
qızılgül misalıdı, budadıqca
daha sərt tikanlarla boy atır,
Siz bu naqqal bağbanlıqdan usanmadıqca.
biz kürəyimizi taleyimizə sultan taxtı kimi söykəyirik.скачать dle 10.6фильмы бесплатно

Rəy yazın:
ANALOQ TV