Bizi izləməyi unutmayın

#Gündəm

Mətbəxdən zibilə,yoxsa zibildən mətbəxə

21-03-2016, 00:56 | 6032 dəfə baxılıb.

Mətbəxdən zibilə,yoxsa zibildən mətbəxəEvimizdə istifadə etmədiyimiz məhsulların son dayanacağı zibilliklərdir. Bizə lazımsız kimi görünən bu məhsullar çox vaxt bomjlar üçün “göydəndüşmə” olur. Elə buna görədir ki, hər gün zibilliklərin ətrafında müxtəlif insanlara rast gəlmək olar. Onlardan kimisi zibil qutularını eşələyib quru çörək axtarır, kimisi metal qırıntısı, kimisi də başqa şey. Son dövrlər zibilliklərdəki boş bankaları yığıb naməlum istiqamətə daşıyanların da sayı kifayət qədərdir. Bəzən bomj, bəzən kasıb, bəzən kimsəsiz təsiri bağışlayan bu insanlar təkcə boş bankaları toplamırlar, həm də içi xarab məhsullarla dolu bankaları götürürlər. Boş bankaları toplayanlar həyətlərdəki su krantlarında onları yuyub təmizləyir, sonra öz arabalarına yığıb ərazidən uzaqlaşırlar...

Yeri gəlmişkən, bir məqamı da qeyd etmək yerinə düşər: banka yığanlar çox vaxt onları həyətlərdəki krantlarda yuyarkən təmizliyə riayət etmir, ətrafı bulaşdırır, antisanitar vəziyyət yaradırlar. Ən dəhşətlisi də odur ki, sonra həmin krantlarda insanlar gəlib əl-üzlərini yuyur, bəziləri hətta su içirlər. Uşaqlar üçün isə bu daha təhlükəlidir.

Bəs boş bankaları toplayanlar onları neyləyirlər, hansı məqsədlər üçün istifadə edirlər? Dəfələrlə bankaları toplayıb naməlum istiqamətə aparanlarla söhbətləşib, bu suallara aydınlıq gətirməyə çalışsam da, buna nail ola bilməmişəm. Onlara yaxınlaşıb bu barədə suallar versəm də, birmənalı cavab verməkdən yayınıblar...

Ancaq ehtimal var ki, bu bankalar müxtəlif insanlara və ya yerlərə satılır. Məsələn, iddialar var ki, qatıq satanlar bu cür bankaları alıb istifadə edirlər. Bəlkə də bu iddia, haradasa, ağlabatandır. Belə ki, 1 banka qatıq çox vaxt 1 manata satılır. Qatıqsatanlar hər dəfə bu iş üçün banka almaqda maraqlı görünməyə bilərlər. Bundansa onlar daha ucuz qiymətə banka alıb, sata da bilərlər. Hər halda bu bir ehtimaldır və həqiqət olub-olmadığını demək çətindir.

“Bazarlara girəndə onminlərlə banka görürürük...”

Mövzu ilə bağlı “Zaman-Azərbaycan”a açıqlama verən Azad İstehlakçılar Birliyinin (AİB) sədri Eyyub Hüseynov zibilliklərdən toplanan bankaların müxtəlif şəxslərə satıldığını dedi. Eyyub Hüseynovun sözlərinə görə, elə buna görədir ki, bu bankaları zibilliklərdən toplayan insanlar kifayət qədərdir: “Bazarlara girəndə on minlərlə banka görürük, içində şorabalar görürük. Bu bankaların hamısı həmin yerlərə gedir. Şüşə qablarda məhsul istehsalının mən tam tərəfdarıyam. Lakin şüşə qablarda məhsul satanlar həmin qabları geri almalıdırlar. Sovet dövründə belə idi. Bankalar sterilizə olunur və təkrar istifadə edilirdi. Eyni şey indi də olmalıdır. Sovet dövründə istehsalçı şüşə qabları geri qaytaranlara növbəti mal alanda endirim edirdi. Buna görə də vətəndaşlar həmin şüşə qabları atmırdılar, təmizləyib evlərində saxlayır və ya qəbul məntəqələrinə verirdilər. İndi bu cür bankalar, şüşə qablar yaxşı təmizlənmədən istehsal yerlərinə verilir”.Eyyub Hüseynovun fikrincə, bunun nəticəsidir ki, apteklərimiz dolub-daşır, insanlar xəstəxanalarda növbəyə düzülürlər: “Hansı aptekə girirsən görürsən ki, insanlarla doludur. Bu onun göstəricisidir ki, bu kimi yerlərdə problemlər var”. Müsahibimizin sözlərinə görə, bu sahəyə nəzarətin gücləndirilməsinə ehtiyac var.

“Bir çox infeksiyalar qaynadılmaya, yuyulmaya qarşı kifayət qədər davamlıdırlar”Azərbaycan Tibb Universitetinin Tədris Cərrahiyyə Klinikasının həkim-qastroenteroloqu Habil Hüseynovun isə sualımıza cavabı belə oldu: “Bəzi müəssisələr öz etiketlərində qeyd edirlər ki, onlar istehsal zamanı heç bir qabı təkrar istifadə etmirlər. Müəyyən standartlar var ki, buna əməl edən şirkətlər öz məhsullarının üzərində “qablarımız təkrar istifadə olunmur” deyə qeyd yazırlar. Qaldı ki, zibillik mafiyasına - demək olar ki, dünyanın əksər ölkələrində bu var. Zibillik mafiyası bütün dünyada məşhurdur. Məsələn, Moskvanın zibillik mafiyası öz məşhurluğu ilə gündəmə gəlmişdi. Lakin Azərbaycanda bununla bağlı vəziyyəti bilmirəm. Çünki hazırda Zibil Emalı Zavodu qurulub və güman edirəm ki, burada işlər müasir səviyyədə qurulduğu üçün emal kustar üsulla getmir. Əvvəllər bu işlə məşğul olanlar daha çox idilər. O ki qaldı balon və bankaların zibilliklərdən yığılmasına, bu barədə əlimdə konkret fakt yoxdur. Məsələnin tibbi tərəfinə gəlincə, əgər istehsal müəssisəsi bu qabları dezinfeksiya eləyib tam yararlı hala salmadan vətəndaşa verirsə, əlbəttə, burada kifayət qədər yoluxucu xəstəliklərlə qarşı-qarşıya gəlmək mümkündür. Burada əsasən infeksion xəstəliklərdən söhbət gedir. Bu, qarın ağrısı da ola bilər, bu, tənəffüs yollarının infeksiyaları da ola bilər, dəri xəstəlikləri də ola bilər, allergik xəstəliklər də ola bilər”.

Müsahibimiz dedi ki, əgər bu cür bankalarda məhsul istehsal edilib evlərimizə gətirilirsə, bununla bağlı heç bir güvəncimiz yoxdur: “Maksimum görülə biləcək iş bankanın qaynadılması ola bilər. Amma bir çox infeksiyalar qaynadılmaya, yuyulmaya qarşı kifayət qədər davamlıdırlar. Dezinfeksiya və steriliezasiyanın xüsusi qaydaları var - yüksək təzyiq və yüksək temperatur altında aparılır. Xüsusilə, vərəm infeksiyaları çox dözümlüdürlər. Ona görə də banka və digər şüşə qablar zibillikdən yığıldıqdan sonra ən yaxşı halda qaynanmış su ilə yuyulubsa belə, lazım olan qədər təmizləndi demək deyil və insan həyatı üçün kifayət qədər təhlükəlidir”.
zaman.azскачать dle 10.6фильмы бесплатно

Daha tez məlumatlanmaq üçün yeni Facebook səhifəmizi

REKLAM
RƏYLƏR

RƏY YAZIN

#Gündəm

Kosmetik məhsulların necə xarab olduğunu bilirdiniz?

Müəllif hüquqları qorunur.
ƏTRAFLI OXU

#Araşdırma

Arılar və bal haqqında

Müəllif hüquqları qorunur.
ƏTRAFLI OXU

#Gündəm

Kitab oxumağın başqa faydaları tapıldı

Müəllif hüquqları qorunur.
ƏTRAFLI OXU








ƏN ÇOX OXUNAN

kiosk.com.az tap az турбо аз tap.az qab qacaq turbo az oxu az oxu az xeberler www oxu xabaraz новости азербайджана mp3 yukle big az azeri bass indir yukle mp3 mp3 milli az son xeberler xabaraz radikal müxalifət milli.az Azərbaycan xəbərləri dünya xəbərləri aktual hadisələr bu günün xəbərləri BiG.Az - Böyük Azərbaycan en son xeberler Azerbaycan xeberleri 2017 müsavat siyasət iqtisadiyyat azərbaycan hadisə son xəbər dağlıq qarabağ gündəm qəzet ilham əliyev Bakı haqqin az новости ильхам алиев haqqin az азербайджан объявления интим услуг в баку погода в баку hava haqqinda melumat day az day.az Azərbaycandan və dünyadan xəbərlər - Qafqazinfo.az qafqazinfo minimum əmək haqqı 2018 anar nagilbaz porno anar nagilbaz video anar nagilbaz Xəbərlər Araşdırma Müsahibələr Reportajlar Xəbərlər Gündəm Hadisə Siyasət Cəmiyyət İqtisadiyyat İdman Dünya Video Maqazin Müsahibə Media Araşdırma Maraqlı Mədəniyyət Gülən Təhlükə Bank Biznes Enerji Əmlak Tender Vakansiya namiq caniyev a24az niyə quran onun üçün müqəddəs deyil anar nağılbazın video a 24 a24.az Yenicag.Az son dəqiqə ən son xəbər xəbər xəbəri xəbərləri yenicag yeniçağ gündüz kərimov vüqar zifəroğlu qarabag roma canli yayim yenicag zakirə zakirqızı basqın Azərbaycan Aşkın Niderlandın ofisinə bildirib şəhərində Haaqa təşkilatının diaspor Diasporrəhbəri həmçinin Afrin aparılır edilib Hazırda araşdırma əməliyyatından millətindən ardıcıl spy satellite destroyed eu doner kebab north korea missile hit own city arzu nağıyev axar/az axar.az lentaz lent az xabaraz musavat.az xeberler musavat iqtidar 134 nomreli 134 mekteb məktəb nömrəli olay bilmir söyləyir edirəm deyir bilmirəm söylədiyi xəstəsən Yaşamağa davam bilir qollarımı əməlinə qazandırmaq istəyib məktəbli deyən kəsirəm Bunları Cavidan Anasının sinif xarakterli hərəkətləri cinayət oxuyan zorakılıq aidiyyatlı bağlı orqanlara şikayət şəhər daxil hadisə vermis naziri müdafiə Dadaş Rzayevin nəvəsidir prokurorluğunda bağlı Təhsil sinfində hüquq hadisə yayıb olmuş oxuyan cinayət mühafizə əlaqədə yerləşən ayının otağında dekabr cinsi geyinmə soyunub idman zalının