Ermənilər cəbhədə niyə aktivləşib? - Vaqif Dərgahlı



Ermənilər cəbhədə niyə aktivləşib? - Vaqif Dərgahlı
Ermənilərin cəbhədə aktivləşməsində hər hansı bir səbəb axtarmağa ehtiyac yoxdur.
Bu sözləri Analoq.az-a açıqlamasında Müdafiə Nazirliyinin Mətbuat Xidmətinin rəhbəri Vaqif Dərgahlı söyləyib. Onun sözlərinə görə, düşmən daim işğal olunmuş ərazilərdə, qoşunların təmas xəttində vəziyyəti gərginləşdirməklə məşğuldur:

“Bu dəfə onların aktivliyi Azərbaycan-Ermənistan dövlət sərhədində oldu. Düşmən öz düşmənliyini göstərir və təxribatlarını davam etdirir, ancaq bunların qarşısı da alınır. Biz ATƏT-in Minsk Qrupu həmsədrlərinin Novruz və Pasxa bayramları müddətində atəşkəs rejiminə ciddi əməl edilməsi ilə bağlı çağırışını Müdafiə Nazirliyi olaraq dərhal qəbul etdik. Ancaq bu günlərdə düşmən cəbhədə aktivliyini daha da artırdı. Şəhidlərimiz var və əsgərlərimiz yaralandı. Düşmənin isə itkiləri qat-qat çoxdur. Müdafiə Nazirliyi tərəfindən paylaşılan görüntülərdə də düşmənin hərbi nəqliyyat vasitələrinə, o cümlədən, onların səngərlərinə artilleriya zərbələri endirildiyi açıq-aydın görünür. Amma düşmən hələ də öz itkilərini gizlətməkdə davam edir. Sadəcə, bilirik ki, onların itkiləri qətiyyən az deyil”.

Qeyd edək ki, bir müddət öncə ATƏT-in Minsk Qrupunun üzvləri Novruz və Pasxa bayramlarına görə cəbhədə atəşkəs rejiminə əməl edilməsi ilə bağlı Azərbaycan və Ermənistana çağırış ediblər. Lakin rəsmi İrəvan bu çağırışa əməl etməyib. Minsk Qrupunun bəyanatından bu günə qədər ordumuzun 3 hərbçisi düşmən təxribatlarının qarşısını alarkən şəhid olub.скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi