“Eurovision 2016”: Azərbaycanın “Miracle” mahnısından nə gözləmək olar?



“Eurovision 2016”: Azərbaycanın “Miracle” mahnısından nə gözləmək olar?
“Eurovision 2016” yaxınlaşır. Hər il keçirilən bu mahnı müsabiqəsi 2016-cı il mayın 10-u, 12-i və 14-ü Stokholmda təşkil olunacaq.

Bəs bu il təqdim olunacaq 43 mahnıdan hansı uğur qazanacaq, hansı cədvəlin aşağı hissəsində yer alacaq?

Biz bütün mahnıları dinləmişik və İsveç paytaxtında sizə təqdim olunacaq mahnılar haqda bəzi təsəvvürlərimiz yaranıb.

Azərbaycanı təmsil edəcək ifaçı kimdir?

21 yaşlı Səmra Rəhimli hələ 16 yaşında olarkən, yəni 2012-ci ildə (həmin il “Eurovision” Bakıda keçirilirdi) Azərbaycanı bu yarışda təmsil etməyə çalşmışdı. O vaxtdan bəri Səmra Rəhimli özünü “Səs” müsabiqəsinin Türkiyə versiyasında sınayıb və 1/4 finaladək yüksələ bilib. Bundan başqa, o, Azərbaycanda keçirilmiş “Səs”də finalçılardan biri olub. Nəhayət, Səmranın “Eurovision”da çıxış etmək vaxtı çatıb...

Hansı mahnı ilə?

Azərbaycan “Eurovision”da 2008-ci ildəki debütündən bu vaxtadək ballada janrında düşündürücü, dramatik və “parıltılı qanadlar taxmış oğlanların” oxuduğu mahnılara üstünlük verib (2009-cu ildəki ecazkar “Always” mahnısı istisnadır). Bu il isə onlar Səmranın çox müasir, orta templi mahnısını seçiblər. Mahnıda söhbət lirik qəhrəmanın “məhkum” eşq münasibətlərini hansı möcüzənin xilas edəcəyindən gedir.

Bəs təqdimat videosu?

Videoda Səmra pəncərələri çox olan kərpic divarlı otaqda tək-tənha oxuyur. Klip sadə, amma effektlidir.

Şanslar necədir?

Azərbaycan “Eurovison” müsabiqəsində yalnız 2008-ci ildən iştirak etsə də, artıq 2011-ci ildə Ell və Nikkinin “Running Scared” mahnısı ilə çempionluq əldə edib. 2013-cü ildə isə ölkə Fərid Məmmədovun “Hold me” mahnısı ilə birinciliyə çox yaxın olub. Amma son bir neçə ildə Azərbaycan bu yarışda o qədər də uğurlu nəticə göstərmir. 2014-cü ildə hətta Böyük Britaniyadan da az xal yığmış (bəli, bu baş verib!) Azərbaycan 2015-ci ildə yarışı 12-ci yerdə başa vurub.

Bu il Azərbaycan seçdiyi mahnı ilə bütün köhnə dramatizmi bir tərəfə qoyub, ənənəvi pop üslübuna keçib. Bu mahnı hətta Qərbin hit-paradı üçün də yad sayıla bilməz. O, azərbaycanlıların “Eurovision” üçün seçdikləri ən yaxşı mahnılarından biri sayıla bilər. Nəzərə alsaq ki, söhbət çox sadə mahnıdan gedir, demək onlar arxa planını müxtəlif bər-bəzəklə doldurmaqdansa, diqqəti sadə mahnıya yönəltsələr (arxa planda bir-iki rəqqas ola bilər...), Səmranın səsinə parlamaq imkanı yaratsalar, uzun yolun sonunda ilk onluğa, hətta bəxtləri gətirsə, ilk beşliyə düşə bilərlər...

Müəllif: Kerolayn Vestbrukскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi