Ailə, Qadın və Uşaq Problemləri üzrə Dövlət Komitəsinin səlahiyyətləri artırılmalıdır



Son zamanlar Azərbaycanda aparılan struktur və kadr islahatları ölkə ictimaiyyətində birmənalı qarşılanmır. Bir neçə gündür ki, jurnalistlər, ekspertlər, ayrı-ayrı sahələr üzrə mütəxəssislər və digər vətəndaşlar müxtəlif sosial şəbəkələrdə sözügedən islahatlar barədə öz fikirlərini, mövqelərini statuslar və rəylər yazmaqla bildirirlər. Həmin statuslar və rəylər arasında dövlət orqanlarından bəzilərinin ləğvi, bəzilərinin birləşdirilməsi, digərlərinin isə səlahiyyətlərinin artırılması ilə bağlı təkliflər var. Təkliflər arasında Ailə, Qadın və Uşaq Problemləri üzrə Dövlət Komitəsinin (AQUPDK) gələcək fəaliyyətinin dəstəklənməsi və bu qurumun səlahiyyətlərinin artırılması ilə bağlı məsələlərin gündəmə gətirilməsi, struktur islahatları zamanı haqqında danışılan təkliflərin reallaşdırılması və sair də var. Azərbaycan İnformasiya Mərkəzi "Facebook" sosial şəbəkəsində rast gəldiyimiz statuslardan və rəylərdən bir qismini təqdim edir:

Təbriz Vəfalı, media və sosial sahə üzrə ekspert, tədqiqatçı jurnalist, Azərbaycan İnformasiya Mərkəzinin rəhbəri, www.azim.az internet portalının baş redaktoru

- Tədqiqatçı jurnalist kimi uzun illərdir ki, AQUPDK-nın fəaliyyətini yaxından izləyirəm. Azərbaycanda ailə, qadın və uşaq problemlərinin həllində adıçəkilən komitə yaxından iştirak edib və bütün lazımi tədbirləri həyata keçirib. Həmin komitənin ən böyük uğurlarından biri də budur ki, ailələrdə, cəmiyyətdə və ictimaiyyətdə olan müəyyən stereotiplərin, qadağaların dəyişdirilməsinə nail olunub: "Məsələn, illər əvvəl qız uşaqlarının təhsil alması, qızların peşə təhsili, qadınların sahibkarlıq fəaliyyəti, xanımların ictimai-siaysi fəallığı və bu kimi digər önəmli məsələlərlə bağlı ciddi problemlər mövcud idi. Gender bərabərliyinin qorunması barədə müsbət fikirlər söyləmək mümkün deyildi. Amma ümummilli lider Heydər Əliyevin 1998-ci il 14 yanvar tarixli Fərmanı ilə gender siyasətinin həyata keçirilməsi məqsədilə Qadın Problemləri üzrə Dövlət Komitəsinin yaradılmasından sonra vəziyyət tamamilə müsbət istiqamətə doğru dəyişməyə başladı. Çünki həmin komitənin yaradılmasında əsas məqsəd qadınların hüquqlarının qorunmasından və ölkəmizin sosial və siyasi həyatında onların iştirakının artırılmasından ibarət idi. 2000-ci ildə ulu öndər Heydər Əliyev qadınların kişilərlə hüquq bərabərliyini, xüsusilə onların dövlət idarəçiliyi sistemində lazımi səviyyədə təmsil olunmasını əməli surətdə təmin etmək məqsədilə “Azərbaycan Respublikasında dövlət qadın siyasətinin həyata keçirilməsi haqqında” Fərman imzaladı. Fərmanda qadınların bugünkü inkişaf, tərəqqi dövrünə qədər keçdiyi gərgin, keşməkeşli mübarizə yoluna nəzər yetirilib, respublikamızda mötəbər və möhtəşəm qadın hərəkatının fəaliyyətinə yüksək qiymət verilib. Bu cür faktları çox sadalamaq olar. Sadəcə bir faktı qeyd etmək istərdk ki, AQUPDK-nin çoxşaxəli və səmərəli fəaliyyəti nəticəsində əvvəllər mövcud olmuş stereotiplər, qadağalar tamamilə aradan qaldırılmaqda, ləğv olunmaqdadır. Bunun nəticəsidir ki, uzun illərdir Azərbaycanda qızların peşə seçiminə hörmətlə yanaşılır və köməklik göstərilir, hazırda iqtisadiyyat, idarəetmə, texniki ixtisas qrupları üzrə təhsil alan qızlarımızın və bu sahədə elmlə məşğul olan qadınlarımızın sayı artır. Ölkəmizin iqtisadi-siyasi həyatında qadınlarımızın aktivlik nümayiş etdirməsi müşahidə olunur. Qadın sahibkarlarımızın sayı durmadan artır və sair. Ona görə də AQUPDK-nin bu günə qədərki fəaliyyətini qənaətbəxş və uğurlu qəbul edirəm və komitənin gələcək fəaliyyətinin dəstəklənməsi üçün də əlimdən gələni edəcəyəm.

Mayis Əliyev, "Sosial Hüquqların Araşdırılması" İctimai Birliyinin sədri

- Tarixi təcrübələr bir daha sübut edir ki, Azərbaycanda zaman-zaman ağıllı, istedadlı və qəhrəman qadınlar mövcud olub. Vətəni idarə etməyi bacaran, torpaq uğrunda canından keçən, qalaq-qalaq kitablar yazan xanımlarımız ölkəmizin qeyrət simvoluna çevrilib. Amma təəssüflər olsun ki, illərlə cəhalət bataqlığında boğulan, ayrı-ayrı ayrı yuvalarda əsirlik zənciri ilə buxovlanan qadınlarımız da az olmayıb. AQUPDK bu anaların ümid yerinə çevrilib. Onların müxtəlif çirkablardan qurtulması, sənət yoluna istiqamətlənməsi, doğma yurdlarından didərgin salınmış ana - bacılarımızın qurtuluşu üçün yol göstərən mayak olub. Bu gün yüzlərlə qadının idarə etdiyi QHT-nın dayaq nöqtəsinə çevrilib. Düşünürəm ki, bu komitənin fəaliyyəti labüddür və onun gələcək fəaliyyətini dəstəkləmək lazımdır.

Sədaqət Hüseynova, Azərbaycan Tibbi Reabilitasiya Elmi Tədqiqat İnstitutunun əməkdaşı

- Mən düşünürəm ki, AQUPDK yarandığı günden müasir Azərbaycan reallığında olan qadın problemləri ilə daha geniş və daha dərin məşğul olur. Bunun neticəsidir ki, bu sahədə olan bir çox problemlər gündəmə gəlib, dövlət strukturlarına, ictimaiyyətə çatdırılıb. Çoxsaylı beynəlxalq təşkilatlarda Azərbaycan haqqında bu sahədə olan mənfi rəylərin dəyişməsi də məhz bu qurumun geniş fəaliyyəti nəticesində mümkün olub. Düşünürəm ki, qadınların, ailələrin problemlərinin həllinə kömək etmək üçün bu komitənin fəaliyyətini genişləndirmək və müəyyən səlahiyyətlər vermək lazımdir.

Lyudmila Xəlilova, “Qadınlar Bələdiyyənin inkişafı uğrunda” İctimai Birliyinin sədri

- Biz qadınların köməyinə çatan elə yeganə qurumdur ki, AQUPDK hər zaman qadınlara, uşaqlara və ailələrə dəstək olur. Əslində biz qadınlar istərdik ki, adıçəkilən komitəyə daha çox səlahiyyətlər və imkanlar verilsin ki, qadınlara, ailələrə və uşaqlara lazımi xidmətlər göstərilsin.

Kamala Mustafayeva, tarix müəlliməsi

- Mən AQUPDK-yə müraciət edən vətəndaş kimi çox razı qalmışam və komitədə hüquqlarımı da müdafiə ediblər. Demək səlahiyyətləri olan məsələləri həll edə bilirlər.

Lalə Mehdiyeva, Bakı sakini

- AQUPDK-nin bir çox məsələlərdə səlahiyyəti yoxdur. Əgər olsaydı, əmin olun ki, öz işinin öhdəsindən bacardığından da artiq edərdi. Komitənin işçilərinin çoxunu tanıyıram və hamısı da məsuliyətli insanlardir. Ona görə də komitənin səlahiyyətləri artırılmalıdır ki, bəzi problemlər həll olunsun.azim.az

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi