"X-Petrol" da sürücü yanacaqdoldurma məntəqə əməkdaşının fırıldağını aşkarladı-Şikayət



Bakı şəhər sakini Murad Məmmədov Analoq.az-a müraciət edərək bildirib ki, bu gün Binəqədi rayonu ərazisində yerləşən "X Petrol" yanacaqdoldurma məntəqəsində yanacaq doldurmaq istəyib.

Məntəqənin əməkdaşı A-95 markalı benzinin əvəzinə bilərəkdən A-92 markalı benzin doldurub. Bunu edərkən monitora mudaxilə edib, qiyməti 1,50 azn-ə düzəliş edib. Monitorda əməliyyat edərkən M. Məmmədov bundan şübhələnərək onu izləməyə davam edib. Əməliyyat sona catdıqdan sonra məntəqədən bir az aralanaraq, güzgüdən həmin şəxsin şlankların yerini dəyişdiyini görüb.

M. Məmmədov deyir:
Dərhal yaxınlaşıb aydınlaşdırmağa çalışdım. Əməkdaş olanları inkar etdi Mən rəhbərliyə müraciət edərək obyektin kamerasında baxış keçirilməsini tələb etdim. Edilən qanunsuzluq yerindəcə sübuta yetirildi.
Məcbur qalan nəzarətçi üzürxahlıq edib, artıq ödədiyim məbləği geri qaytardı.
Rəhbərliyin əməkdaşı haqqında nə ölçü götürəcəyini öyrənmək istədim.
Rəhbərlik mənim ciddi şəkildə etirazımı görüb, saxta tövrlə işçiyə "Soyun paltarını, get! İşdən azadsan" deyə, əmr etdi. Amma mən başa düşdüm ki, o, bununla etdikləri qanun pozuntusunu ört- basdır etməyə çalışır.

Murad Məmmədov həmçinin şikayətində bildirir ki, rəhbərliyin üzürxahlıq etməsinə baxmayaraq, anlaşılır ki, əməkdaşlarının etdiklərindən xəbərdardır və bilavasitə onun özünün tapşırığıdir. Əks təqdirdə operator bu işə cəsarət edə bilməzdi.

Məntəqə nəzarətçisinin nəzərinə yetirək ki, Azərbaycan Respublikasının Əmək Qanunverciliyində işçinin əmək müqaviləsinə xitam verilməsinin əsasları tam aydın şəkildə müəyyən edilib. Qanunvercilikdə işə götürənin işçiyə "paltarını soyun, get" - deməsi qanuna uyğunsuzluqdur. Yəni, işçi nöqsana yol veribsə onun izahatı alınmalı, intizam məsuliyyətinə cəlb edilməli, əmək müqaviləsinə xitam verilməlidir. Bu arada qeyd edək ki, rəhbər nəzarətçi qanunverciliyə görə işə götürən olmadığı üçün işçini heç bir halda işdən qovmaq səlahiyyətinə malik deyil. Onun bu hərəkəti qanunazidd hesab olunur.

M. Məmmədov şikayətini belə bitirir:
Hörmətli redaksiya, başıma gələni mətbuata ötürməkdə məqsədim odur ki, sürücülərimiz bu məlumatı oxuyub ayıq olsunlar. Monitorda qiymət 1,50 azn görünməsinə baxmayaraq, hansı “şlankla” vurduqlarına da diqqət edin.

Murad Məmmədov eyni zamanda İqtisadiyyat Nazirliyinin Antiinhisar Siyasəti və İstehlahkıçıların Hüquqlarının Müdafiəsi Dövlət Xidmətinə zəng edib və yaranmış problemlə bağlı şikayət edib. Analoq.az olaraq, adıçəkilən qurumla əlaqə saxlayıb şikayət barədə məlumat əldə etdik.

ASİHMDX-dən bizə bildirdilər ki, vətəndaşın şikayətinə 31 gün ərzində baxılıb cavab veriləcək.

Mətbuat vasitəsiylə səlahiyyətli orqanlara səslənirik ki, bütün yanacaqdoldurma məntəqələrində mütəmadi olaraq yoxlanışlar keçirilsin. Belə hallarla gündəlik üzləşən sürücülər var.

Adıçəkilən yanacaqdoldurma məntəqəsi ilə əlaqə saxlayıb qarşı tərəfin münasibətini öyrənməyə çalışsaq da, həmin məntəqəyə məxsus olan heç bir telefon nömrəsi və e-mail adresi tapa bilmədiyimizdən məsələyə münasibət öyrənə bilmədik.

Bu məqalənin mətbuatda yayımlanmasından sonra Analoq.az olaraq qarşı tərəfin də, yaranmış problemlə bağlı münasibətini dərc etməyə hazırıq.

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi