Bazara heyvan aparan “VAZ 2106” qəzaya düşdü



 Bazara heyvan aparan “VAZ 2106” qəzaya düşdü

Tovuzda satmağa heyvan aparan avtomobil qəzaya uğrayıb. APA-nın qərb bürosunun verdiyi məlumata görə, hadisə Bakı-Qazax magistral yolunun Tovuz rayonu ərazisindən keçən hissəsində qeydə alınıb. Ağstafa rayon sakini, 1960-cı il təvəllüdlü Asif Əhmədov idarə etdiyi “VAZ 2106” markalı avtomobillə magistral yoldan mal bazarına dönmək istəyərkən “QAZ 3110” markalı avtomobillə toqquşub. Qəza zamanı “VAZ”ın sürücüsü ağır bədən xəsarəti alaraq əvvəlcə Tovuz Mərkəzi rayon xəstəxanasına, daha sonra isə Qazax Diaqnostika Mərkəzinə aparılıb. Onun vəziyyətinin orta ağır olduğu bildirilir.

Məlumata görə, A. Əhmədov avtomobili ilə mal bazarına satmağa heyvan aparırmış.

Faktla bağlı Baş Dövlət Yol Polisi İdarəsində araşdırma aparılır.
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi