İctimai yerlərdə səs-küyə görə inzibati məsuliyyət müəyyən olunub-Hüquqşünas Vüqar Dadaşov



İctimai nəqliyyatda və ictimai yerlərdə İctimai asayişin pozulmasının qarşısının alınmasına dair tanınmış hüquqşünas, Qarabağ qazısı Vüqar Dadaşovun fikirlərini oxucularımıza təqdim edirik.

“İctimai yerlərdə eləcədə ictimai nəqliyyatda ictimai asayişin təmin edilməsi dövlətinin təhlükəsizlik siyasətinin əsas istiqamətlərindəndir. Məqsəd, cəmiyyətimizdə vətəndaşların normal həyat tərzinin qorunması , istirahətinin təmin edilməsi ilə yanaşı, idarə və təşkilatların, inzibati orqanların normal və maneəsiz iş fəaliyyətinin təmin edilməsidir.

“Polis haqqında” Azərbaycan Respublikasının 3-cü maddəsinin II-ci hissəsinin 1) “ictimai qaydanı qorumaq və ictimai təhlükəsizliyi təmin etmək;” Polisin əsas vəzifələrindən biri kimi göstərilmişdir. Azərbaycan Respublikası Prezidentinin 2016-cı il 2 mart tarixli 813 nömrəli Fərmanı ilə təsdiq edilmiş “İctimai asayişin qorunmasında vətəndaşların iştirakı Qaydası” təmin etmək məqsədi ilə, Azərbaycan Respublikası Prezidentinin 2001-ci il 30 iyun tarixli 518 nömrəli Fərmanı ilə təsdiq edilmiş “Azərbaycan Respublikasının Daxili İşlər Nazirliyi haqqında Əsasnamə”sinə əsasən Daxili İşlər Nazirliyinin 20.04.2016-ci tarixli Q23-001-16 saylı Kollegiya Qərarı “İctimai asayişin qorunmasında vətəndaşların polis orqanları ilə əməkdaşlığının təşkili Qaydası” müəyyən edilmişdir. Göstərilən hüquqi normativlərdə ictimai asayişin qorunmasında vətəndaşların cəlb edilməsi və fəaliyyət dairəsi və səlahiyyətləri əksini tapmışdır.

Qısa şəkildə yuxarıda qeyd edilən normaların hüquqi mahiyyəti ondan ibarətdir ki, sıravi vətəndaş ictimai asayişin qorunmasında fəal iştirakçı ola bilər.

İctimai asayişin qorunmasına cəlb olunmuş şəxslərin fəaliyyətinin əsas istiqamətləri, vəzifələri və hüquqları İctimai asayişin qorunmasında vətəndaşların polis orqanları ilə əməkdaşlığının təşkili qaydası” nın 4.2.3-ci müddəasına əsasən “ictimai asayişin pozulması, normal həyat fəaliyyətinə təhlükə yaradan hərəkətlər, onların başvermə səbəbləri və şəraiti barədə dəqiq məlumatı toplayıb polis orqanlarına təqdim etmək” kimi müəyyən edilmişdir.

İctimai asayişin pozulmasına görə məsuliyyət əməldən aşlı olaraq Azərbaycan Respublikası İnzibati Xətalar Məcəlləsinin və Cinayət Məcəlləsinin müvafiq maddələrinə əsasən müəyyən edilir.

Deyək ki, məsələn vətəndaş, mənzillərdə, yaşayış evlərinin girişlərində və həyətlərində, küçələrdə, istirahət yerlərində və digər ictimai yerlərdə gecə vaxtı saat 24-dən 7-dək səs-küy salmağa, ucadan mahnı oxumağa, musiqi alətlərini ucadan çalmağa, televizorları, radioqəbulediciləri, maqnitofonları və digər aparatları gur səslə oxutmağa, məişət səs-küyünə qarşı mübarizə tələblərini başqa üsulla pozmağa görə-
Azərbaycan Respublikası İXM-nin 521-ci maddəsinə əsasən fiziki şəxslər yüz əlli manatdan iki yüz manatadək məbləğdə, vəzifəli şəxslər iki min manatdan iki min beş yüz manatadək məbləğdə cərimə edilir.

Əlavə olaraq qeyd edim ki, vətəndaş mövqeyi deyilən bir anlam, rastımıza gələn qanunsuzluqlara, ictimai asayişin pozulmasına qarşı bir etiraz forması cəmiyyətimizdə hələdə lazımı səviyyədə deyil. Bunun səbəbi müxtəlifdir: əxlaqsızlıq, laqeydlik, vətəndaş borcu, xalqa və dövlətə sevgi kimi hislərin zəif olmasıdır. Son vaxtlar ictimai nəqliyyatda, ictimai yerlərdə ictimai asayişin pozulması halları artmaqdadır. Belə halların artmasına qarşı vətəndaş mövqeyimizin zəif olması neqativ halların genişlənmə səbəblərindəndir.

Polisin fiziki şəkildə hər birimizin yanında olmasının mümkünsüzlüyünü nəzərə alsaq vətəndaş mövqeyimizin nə qədər vacib olduğunu deyə bilərik, ona görə də ictimai asayişin qorumasında fərdi şəkildə hər birimiz məsuliyyətlidir və bu sahədə əhalinin maarifləndirilməsi vacib məsələdir. Hesab edirəm ki, əhalinin maarifləndirilməsi isə məktəbə qədər tədris müəssisələrindən başlamalıdır”

Analoq.azскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi