ƏSAS SƏHİFƏ İqtisadiyyat Azərbaycan bu məhsulları Çindən alır - SİYAHI

Azərbaycan bu məhsulları Çindən alır - SİYAHI

İqtisadçı ekspert Rövşən Ağayev hazırda Çində yayılan epidemiyaya görə ticarət əlaqələrimizin məhdudlaşmasının nələrə təsir edə biləcəyini araşdırıb.

R. Ağayev qeyd edib ki, Çindən idxalımız Rusiya və Türkiyədən sonra 3-cü yerdədir: “Ümumi idxalın təxminən 10%-i Çindən daxil olur. Amma bazarın real tələbatını idxalın dəyəriylə ölçmək aldadıcı ola bilər. Çünki ucuz idxal natural ifadədə bazarda daha həlledici payla təmsil olunur.

Məsələn, ola bilər biz Türkiyə və Çindən eyni dəyərdə toxuculuq və geyim malları alaq. Amma eyni mallar Çindən 50% ucuz gəlirsə, bu halda onun bazarın tələbatının ödənməsində xüsusi çəkisi Türkiyədən 50% çox olacaq.

Dəyər ifadəsində Azərbaycanın Çindən idxalının mal qrupları üzrə bölgüsü belədir:

Ərzaq və tütün - 0.9%
Oduncaq və kağız-karton məmulatları - 1.8%
Mineral və kimyəvi məhlullar - 3.3%
Gips, keramika və daş məmulatları - 3%
Plastik kütlələr, kauçuk və rezin məmulatlar - 6.2%
Metal və metal məmulatlar - 11%
Toxuculuq və geyim əşyaları, dəri məmulatları - 15%
Maşın, mexanizm, elektrik avadanlıqları, nəqliyyat vasitələri - 50%.
Bir daha qeyd edirəm ki, xüsusi çəkilər dəyər göstəriciləri əsasında hesablanıb. Natural göstəricilər əsasında hesablama apararaq bazarlara mümkün təsirləri qiymətləndirmək daha doğru yanaşmadır”.Yeniavaz
скачать dle 10.6фильмы бесплатно



RƏYLƏR

Bakı Hava Proqnozu