• 19:01 – Bərzani və Bərzanilər (2) 
  • 14:30 – 32 ili pedaqoji xidmətlərə həsr edilmiş, şərəfli 60 il! 
  • 17:30 – Kürdəmirdə Yeni Azərbaycan Partiyasının yaranmasının 25 illik yubileyinə həsr olunmuş tədbir keçirilib 
  • 15:30 – KASKO BUTİK elektron sığorta platforması ictimaiyyətə təqdim edildi 
  • 21:30 – Millət vəkili:"Özünün 60,oğlunun 40 yaşı var" 
  • 17:00 – Quba-Qusar-Xaçmaz bölgəsinə səfər edən məktəblilər səfərlərini uğurla başa vurdular 
  • 15:30 – Bu zəhrimar Koroğlunu görməzdik... 
  • 14:00 – Mərakeş Krallığının Azərbaycan Resublikasinda fövqəladə və səlahiyyəti Səfiri Naxçıvan Muxtar Respublikası daimi nümayəndəliyinin rəhbəri Bəxtiyar Əsgərovla görüşüb. 

Sənin təqvimindəyəm - ŞEİRLƏR

Sənin təqvimindəyəm - ŞEİRLƏR Sənin təqvimindəyəm - ŞEİRLƏR Analoq.az Afət Hacıyevanın şeirlərini təqdim edir:

Nişan ver, bircə şeirini...

Nə əl üzüldü gecədən,
nə də ki çatdı səhərə.
Özündən çıxıb getmisən,
məni gizlətdiyin yerə.

göydəmi axtarım səni
axı neçənci qatdasan?
bu da oyundu bilirəm,
mənimlə “gizlən-qaç” dasan.
Çəkilsin gözüm yollardan
özün söylə yerini
gəlib tapım hardasan?
nişan ver, bircə şeirini...

***
Bu qədər sevmə məni
Halımı gör, anla
Məni bir az da sən danla.
Göz yaşlarım dənizdir,
Ağlım hissimə kənizdir
Bu qədər sevmə məni,
Yadlaşıram özüm-özümə
Sən oluram,
Aydınlığında kor olub,
Zülmətində şən oluram.
Bu qədər sevmə məni,
Ruhum tərk edir bədəni,
Sən sanıram
Hər qapıdan gələni.
Bu qədər sevmə məni,
Günləri seçə bilmirəm,
Miladdan sonradı ya öncə,
Sənin təqvimindəyəm,
Yanılıram səncə?

***
Bilirsən necəyəm sənsiz?
Alqış sözləri eşitmədən,
nekroloqu yazılan şair kimi...
Bilirsən necəyəm sənsiz?
Köhnəlmiş "ay" ından doğranıb
ulduz düzəldilən səma kimi...
Bilirsən necəyəm sənsiz?
doğulmadan bətndə öldürülən
bala kimi...

Analoq.az
скачать dle 10.6фильмы бесплатно

Rəy yazın:
ANALOQ TV