• 15:00 – Əbülfət İslamı xatırlayarkən 
  • 19:00 – Şair qəlbindən süzülən büllur kimi misralar 
  • 17:30 – Qarabağla bağlı Rusiya planının gerçəkləşməsi Sərkisyanın öz kreslosunda möhkəmlənməsindən sonra işə düşə bilər 
  • 16:00 – Ərindən qisas almaq üçün görün nə etdi... 
  • 14:30 – Əgər bunları etsəniz səhhətiniz üçün daha faydalıdır 
  • 12:30 – Türkiyə hərbi əməliyyatlara başlaya bilər 
  • 11:00 – İlham Əliyev sərəncam imzalayıb 
  • 10:00 – Gürcüstan höküməti Azərbaycan prezidenti İlham Əliyevə minnətdarlıq etdi 

Əkrəm Əylisli:"Mən Ramiz Rövşəni çox böyük artist hesab edirəm"

Əkrəm Əylisli:"Mən Ramiz Rövşəni çox böyük artist hesab edirəm" Əkrəm Əylisli:"Mən Ramiz Rövşəni çox böyük artist hesab edirəm" Yetmiş yaşını qeyd edən şair Ramiz Rövşən saytımıza müsahibəsində köhnə dostlarından olan Əkrəm Əylisinin onu təbrik etmədiyini deyib.

Məsələylə bağlı Teleqraf.com-a danışan Əkrəm Əylisli Ramiz Rövşənlə aralarında olan narazılıqlara aydınlıq gətirib.

“Anar vəzifəyə keçəndə...”

Əkrəm Əylisli Ramiz Rövşənə yaxşılıq etdiyini, əvəzində pislik gördüyünü deyib: “Onun üçün etdiyim yaxşılıqlardan 10 dəfə artıq mənə pislik edib. Onu niyə təbrik etməliyəm? Ramiz Rövşənlə çoxdandır yaxınlığım yoxdur, ad günü mərasiminə dəvət-zad almamışam. Ramiz bir vaxt mənim yanımda olub, Anar vəzifə başına keçəndə tez onun tərəfinə cumub. Bunu hamı bilir. Onun ilk kitabını mən buraxmışam. Mən “Azərbaycan” jurnalında olmasaydım, indi Ramiz Rövşən yox idi. Jurnalın bütün qapılarını onun üzünə açmışdım. Nə gətirirdi çap edirdim, bir misrasına da toxunmurdum. Bir dəfə şeiri başqasına oxumağa vermişdi, sonra düzəlişləri silib atdım, orijinal formada çap elədim. “Bir yağışlı nəğmə”nin də (şairin ilk kitabı nəzərdə tutulur-red) ön sözünü mən yazmışdım. Ramiz o kitabdan sonra Ramiz Rövşən olub da. Mərkəzi Komitənin icazəsi olmadan, bütün qanunları pozub çap eləmişdim. Həmin dövrdə belə şeylər cinayət sayılırdı”.

“Onu başqalarının gördüyü zirvədə görməyə əxlaqım yol vermir”

O, aradakı soyuqluğun çox səbəbi olduğunu bildirib: “Mənim təsəvvürümdə Ramiz Rövşən başqalarının təsəvvüründəki qədər ola bilməz. Ramizi əvvəlindən – ədəbiyyata təzə-təzə gələndən tanıyıram. Mən onu başqalarının gördüyü zirvədə görə bilmərəm. Buna nə mənəviyyatım, nə əxlaqım yol verər. Onun yaxşı şeirlərini həmişə bəyənmişəm, indi də yaxşı şeirləri xoşuma gəlir. Amma söhbət bundan getmir axı. Şair olmaq bir şey, insan olmaq başqa şey”.

“Yuxuma da girməzdi ki, Ramiz toyda şeir oxuyacaq”

Yazıçı keçmiş dostunun indiki fəaliyyəti barədə kəskin ifadələr işlədib: “Şeirləri rast gələndə oxuyuram. Heç yuxuma da girməzdi ki, Ramiz gedib toylarda şeir oxuyacaq. Bu, mənim əxlaqıma sığmayan şeydir. Ramizin məndən uzaq durmasının bir səbəbi də odur ki, onu yalandan şişirə bilmirəm. Hara layiqdir, orda görürəm. Yaxşı şairdir – buna söz ola bilməz. Birinci kitabında da yazmışdım ki, dünyaya şair gəlib. Bu sözü hər kəs haqda demək olmur axı. Bilirdim ki, dünyaya şair gəlib. Onu harada görmək istərdim, o, indi haradadır, bu, başqa məsələ”.

“Bir dəfə əsəbiləşib dedim ki...”

Yazıçının fikrincə, Ramiz Rövşənin cəmiyyətdə tutduğu mövqe heç də sağlam mövqe deyil: “Hamı ilə yaxın olmağı arzulayır. İstəyir hamı onu bağrına bassın və desin ki, nəhəng şairsən, dahisən. O olduğu yüksəklik uydurma yüksəklikdir. Bir dəfə əsəbiləşib özünə dedim, sən Əliağa Vahiddən populyar olası deyilsən, populyarlığa getmə. O isə populyarlığa çox getdi. Ona görə bizimki alınmadı. Populyarlıq ona çox ləzzət verdi. Ramizi şöhrət aludəçisi kimi görmək istəmirdim.

Mən onu çox böyük artist hesab edirəm. O gün rastıma çıxdı, videoda şeirinə qulaq asdım, çox xoşuma gəldi. Amma bir yaxşı şeirə görə adam hər şeyi unuda bilməz axı. Mən onun elə cəhətlərini görmüşəm ki, arzu eləməzdim kimsə görəydi. Bizdə hər şeyi şişirtmək var. Bir vaxtlar bu ölkə Əliağa Vahidin dəlisi idi, sonra Xəlil Rzanın, Bəxtiyar Vahabzadənin, Məmməd Arazın dəlisi oldu. Dəyişə-dəyişə gəlirlər, indi hələ ki Ramizin üstündə dayanıblar, amma bu da keçəcək, çox dəbdə qala bilməz.

Bilirsiniz, şairin sənətin hesabına populyar olması mümkün deyil. Şair sənətdən kənar fəaliyyəti ilə məşhur ola bilər. Böyük şeirlə heç bir dünya şairi populyar olmayıb. Dəbdə olmaq böyük şairliyə dəlalət eləmir. Heç bir böyük şair öz vaxtında dəbdə olmayıb. Ramizinki dəbdir. Başqa şairlərdən üstün cəhətləri də çoxdur, geri qaldığı məqamlar da. Amma Ramizdən də yaxşı yazan şairlər var, onların hamısı Ramizin kölgəsində qalıb. Cavan uşaqların şeirlərini oxuyuram, Ramizin şeirlərindən geri qalmır. Küyə getmək bizim milli keyfiyyətimizdir. Küyə getməyin tərəfdarı deyiləm. Hər kəsə obyektiv qiymət verilməlidir”.

Nərgiz
teleqraf.comскачать dle 10.6фильмы бесплатно

Rəy yazın:
ANALOQ TV