Yerin tanrının yanımı,
Belə ucadı bilmədim.
Istədim açım qapını
Halın necədi bilmədim.

Yeddi qat sirrər oyatdı
Yeddi dağ, bələn oynatdı,
Sözün içimi göynətdi
Könlün incədi bilmədim.

Çixmaqnan bitməz hər yoxuş
Bitməz, saqqalı agarmış
Bizdən öncə ölüm varmış
Ölüm öncədi bilmədim.
2007

*****

Bir kimsə bilməz necəsən,
Xəbər yox halınnan sənin.
Yarandı küllü-kainat
Btir kəlmə olunnan sənin.

Biz kimik, heçik gedirik,
Zamannan keçib gedirik,
Beləcə köçüb gedirik,
Sağınnan, solunnan sənən.

Olanlar Mövlam, xoş oldu,
Mənim də peymanım doldu,
Tahir bir xatasız quldu,
Nə gələr qulunnan sənin

2008

*****

Göyün harasında durub
Yer-göy arası tanrıdı.
Hamımızdan hesab bulub
Sorğu sorası tanrıdı.

Yan-yana xalqlar düzülüb
Nizələr, oxlar düzülüb.
Sıraynan haqqlar düzülüb
Haqqın sırası tanrıdı.

Axan bilər, qanda nə var
Çıxan bilər, canda nə var
Ölümnən o yanda nə var
Ordan sonrası tanrıdı.

2010

*****
Bədən ki, var, qan gölüdü
Ağrıdan, ofdan ayrılsa
Duman dağların gülüdü
Çəkilən ahdan ayrılsa.

Nədi yüz yol cannan əziz
Nə sağ, nə sol cannan əziz,
Lap sən də ol cannan əziz.
Can nədi, ruhdan ayrılsa...

Haqq üzünə varan qalar
Məhəmməddən Quran qalar
Halal gedər, haram qalar
İçimiz vəhdən ayrılsa.

12.11.09.