Gözümdə suallar asılıb qalıb...Nigar Arifin şeirləri..



Tapmışam səni

Görmürəm,görünmür bu saat bu yer,
Baxışım harasa qısılıb qalıb.
Ağlımda hərlənir bir neçə nida,
Gözümdə suallar asılıb qalıb.

Görmürəm,görünmür bu saat bu yer,
Ruhumdan bir məktub uçurur səba.
Arzular könlümə düşüb rəqs edir,
Süzürəm dilimdən boşluğa dua.

Görmürəm,görünmür bu saat bu yer,
Uzaqda yaxını gəzirəm indi.
Qazmışam bugündən dünənə qəbir,
İçində kədəri əzirəm indi.

Görmürəm,görünmür bu saat bu yer,
Məhəbbət,işığın kor edib meni.
Dünyanı söndürüb,dünyama gəlib,
Bu kiçik qəlbimdə tapmışam səni.





Həyat


Ürəkdən ürəyə o yollar ki var,
Onların hamısı həyatdı,həyat.
Xoşbəxti çölündə həmişə təzə,
Bədbəxti içində boyatdı,boyat.

Biraz mən,biraz sən,biraz da odu,
Həyatın həyatı insanlarıdı.
Üzülmə,dərdlərlə başını yorma,
Bu şıltaq həyatın oyunlarıdı.

Ötəri nəsnədi,əzizim,biz də,
Köçəri quş kimi ömür sürürük.
Bəlkə də beşikdən qəbirə kimi,
Hörümçək toru tək zaman hörürük.

Həyatdı,sən bilən cənnət deyilki,
İçində cəhənnəm cəhənnəmi var.
Girdiyi gözlərin dərinliyində,
Sevgisi yaşadar,nifrəti yorar.





Sənsiz yuxum da qarışdı


Günortaya döndü səhər,
Axşam düşdü,qarışdı şər,
Günlərim keçdi birtəhər,
Səndən bir cavab gəlmədi.

Aylar ayları adladı,
Sükut səsi tapdaladı,
Il yolunu yarıladı,
Səndən bir cavab gəlmədi.

Yazı yay bitirdi,
Payızımı qış itirdi,
Fəsil fəsili gətirdi,
Səndən bir cavab gəlmədi.



Gecə gündüzlə danışdı,
Ayla ulduzlar bariwdi,
Sənsiz yuxum da qarışdı,
Səndən bir cavab gəlmədi



Keçən mənsizlik

Ayaq səslərimdən oyanır sükut,
Divarlar diksinib gözünü ovur.
Əsnəyir pərdələr təmbəl küləklə,
Mən dolub otağa yuxunu qovur.

Çıxarıb üstümdən yorğunluğumu,
Alıb öz qoynundan atır pəncərəm.
Açıq sinəsilə təmiz havadan,
Fərahlıq gətirib qatır pəncərəm.

Dağınıq şəfəqlər sərilir yerə,
Hardasa bir küncdən qaçır yoxluğum.
Köhnəlir kitabtək keçən mənsizlik,
Toz kimi tökülür üstə çoxluğum.

Divardan yapışıb qalan saat da,
Qocalıb,əqrəblər sözünə baxmır.
Elə mən gedəndən deyəsən onda,
Zaman geri gedir,irəli axmır.

Budur,yatağım da yorğan-döşəkdə,
Gözünü zilləyib tavana sarı.
Soyuqdan qoruyub mənsiz yerimi,
Gözləyib haçansa gələr Nigarı



Ay qız bu nə gözəllik

Bir fikir qayığına,
Minib gedir baxışlar,
Dolaşır ayağına,
Qəlbindəki naxışlar.

Hər naxış bir həyacan,
Sarmaşıb uşaq kimi,
Gözünün eyvanından,
Qalxır bir uçaq kimi.

Parıldayır həvəs də,
Gün altında qızıl tək,
Dərin göz didəsində,
Əsir ərköyün külək.

Nazlı qəmzələrinə,
Tab gətirmir yanaqlar.
Çoxalır təbəssümün,
Yana qaçır dodaqlar.

Bax o kiçik çökəkdə,
Gizli doğur gözəllik.
Aləmə sevgi çökür,
Ay qız,bu nə özəllik?

Yerlər yerindən qaçır,
Ədalı yerişinə.
Üzündə güllər açır,
Hazırsan görüşünə?


Tarix: 21:00 Oxunma Sayı: 2994 dəfə oxundu.скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi
#

JeaIndege

написал 0
Prix Cialis Pharmacie Quebec Doxycycline Delivered Cialis Livraison Rapide Belgique http://kamagpills.com Buy Generic Isotretinoin Internet Visa With Free Shipping Come Comprare Viagra Su Internet Viagra Online Offerte