XOCALI



Mən bir uşaq doğuldum,
Yaşamağa cahanda.
Tam haqqımla, vətəndaş,
Xocalı torpağında.
Qəsd olundu yurduma,
Gecənin son çağında.
Şaxtalı, don, amansız,
Soyuq, qarda, boranda.
Dondum, heykələ döndüm,
Bir ana qucağında.

Bilmədim sevgi nədir,
Bilmədim həyat nədir?
Bölmədim sevincimi,
Bildirmədim dərd nədir?
Bilmədim ölmək üçün,
Günahlarım bəs nədir?
Şaxtalı, don, amansız,
Soyuq, qarda, boranda.
Dondum, heykələ döndüm,
Bir ana qucağında.

Mənim yaşda günahsız,
Körpələr nə qədərdir?
Qoy duysun bəşəriyyət,
Bəlkə, yüz minlərlədir,
Bu quduzluq, soyqırım,
Qan dünyaya ləkədir!
Şaxtalı, don, amansız,
Soyuq, qarda, boranda.
Dondum, heykələ döndüm,
Bir ana qucağında.

Qoca, qadın, ya körpə,
Heç kimə baxmırdılar.
Bərk qışqıran hər kəsin,
Başından vururdular.
Məni möhkəm vurdular,
Sanki ölmüş sandılar.
Şaxtalı, don, amansız,
Soyuq, qarda, boranda.
Dondum, heykələ döndüm,
Bir ana qucağında.

Qızdır məni, ey günəş,
Mən bəşər övladıyam.
Ananın qucağında,
Donmuş buz parçasıyam.
Bir daş olsam da belə,
Ruhum bilir hardayam.
Şaxtalı, don, amansız,
Soyuq, qarda, boranda.
Dondum, heykələ döndüm,
Bir ana qucağında.

Nifrətimlə yenidən,
Doğulmaq istəmirəm!
Analara göz yaşı,
Dərd olmaq istəmirəm!
Əgər dünya susursa,
Bir baxış istəyirəm!
Müharibə ya zəfər,
Mən barış istəmirəm!

Göstər hamı tanısın,
Bu vəhşi insanları!
Adı dövlət sayılan,
Əkiz "xaç" toxumları!
Qollarında "Asala,"
"Krunq," yazılanları!
Balayana can deyən,
Qarbaçov istəmirəm!

Bu haray sönən deyil,
Körpələr harayıdır!
Məni təkcə sizlər yox,
Dünya anlamalıdır!
Oyat məni ey günəş,
Ayılmaq zamanıdır!
Heykəl kimi bir ömür,
Yaşamaq istəmirəm!

Yaşamaq istəyirəm!
Yaşamaq istəyirəm!

ƏDALƏT BƏDİRXANLIскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi