Sən mənim gözümün inci bulağı



SON SABAH

Sən mənim gözümün inci bulağı,
Gecədən çıxmayan son sabahımsan.
Qəlbim döyüntüsü- vüsal sorağı,
Günahlar içində yanan ahımsan!

Sanki bataqlıqdı bu sonsuz həsrət,
Çırpınmaq əbəsdi, dözmək iztirab.
Ruhum öz cismində yaşayıb qürbət,
Bu hicran zülmünə gətirmədi tab.

Can qopdu bədəndən, gəzdi sərsəri,
Xəyallar, röyalar sirdaşı oldu.
Mehman tək yaşayır illərdən bəri,
Sirdaşı şeirdə gözyaşı oldu.


SƏN DEYİLSƏNMİ?!

Nə boynun bükübsən, küskün gəzirsən,
Dünyanı küsdürən sən deyilsənmi?!
Sonsuz həsrətinlə qəlbə səpilən
Məşəqqət pöhrəli dən deyilsənmi?!

Xəyalım anbaan şəklini çəkir,
Xatirən hicranın toxumun əkir.
Günlər gülüzümün nurunu sökür,
Sən də mənim kimi şən deyilsənmi?

Gözlərimi yollarına cəm eylə,
Timsah gözyaşıyla üzün nəm eylə.
Gülüşünü üz-gözünə dəm eylə-
Əzəldən gözümə çən deyilsənmi?!



MƏN BELƏ DÜNYAYA NİYƏ GƏLMİŞƏM

Mənmi gec gəlmişəm, zamanmı uçur,
Insanlıq görəndə insanlar qaçır.
Sanki, cəhənnəmdə gül ətir saçır,
Mən belə dünyaya niyə gəlmişəm?!

Namərdlər dünyanı əsir aldılar,
Saf, təmiz qəlblərə nifrət saldılar.
İnsani hisslərə bais oldular-
Mən belə dünyaya niyə gəlmişəm?!

Aslanlar tülküyə nökərlik edir,
Dünya bu minvalla, gör, hara gedir?!
Ədalət lal durub, vicdan can didir!-
Mən belə dünyaya niyə gəlmişəm?!

Onlara fərqi yox nə ağ, nə qara,
Yolundan edəni çəkdirir dara,
Tək dərdi rahatlıq, şərəfi para.-
Mən belə dünyaya niyə gəlmişəm?!

Çaqqallar, köpəklər tufan eyləyir,
Qartal kölgəsini güman eyləyir,
Ulayır yetənə, dövran eyləyir.-
Mən belə dünyaya niyə gəlmişəm?!

Hələki görmürəm eşq dolu ülfət,
Hələki görmürəm qürur, səxavət,
Bir ümid görmürəm kəsə ədavət,
Mən belə dünyaya niyə gəlmişəm?!



MÜƏLLİM

Müəllim adına həvəslənənin
Işləri, sözləri, sayı bilinmir.
Təsadüfi “məllim” olan kəslərin
Insanlıqdan varmı payı, bilinmir?

Çoxları adına “məllim” calayır,
Şərəfi, vicdanı ruhum dalayır.
Kimi gəldi barmağına dolayır.
“Sifəti” üst-üstə-layı bilinmir.

Müəllim əməyin heçə saymayın,
Bu peşəni lağ yerinə qoymayın.
Müəllimlər, bu peşədən doymayın!
Bu peşənin varmı tayı?! –bilinmir!!!

Mehman Rasimoğluскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi
#

JeaIndege

написал 0
Normal Dose For Amoxicillin Cialis 2 Viagra Levitra Cialis Pour cialis tablets for sale buy accutane mastercard El Cialis Es