HARDASA YADINA DÜŞƏCƏK BİR GÜN



HARDASA YADINA DÜŞƏCƏK BİR GÜN

Hardasa yadına düşəcək bir gün
Sənə söylədiyim xoş sözlər belə.
Gah qəlbin kövrələr, gah gözün dolar,
Gah yerə, gah göyə baxarsan elə.

Tənha bir ürəyin ağrısı yaman,
Tənha bir ürəyi oxşamaq çətin.
Oyar gözlərini acı intizar,
Solar çiçək-çiçək saf məhəbbətin.

Hardasa anlayar köksündə ürək,
Qəlbimdə, könlümdə keçən hissləri.
Hardasa biləsən tənhalıq nədir,
Göynəyər qəlbində bir sevda yeri.

Keçir üstümüzdən vaxt da yel kimi,-
Ay dönüb il olur, illər ötüşür.
Sən hardan biləsən, hardan biləsən,
Qara saçlarıma vaxtsız dən düşür.

Hardasa tənhalıq sıxacaq səni,
Birdən yada salıb dediklərimi.
Ümidin hər şeydən üzülər tamam,
Duyarsan çəkdiyim dərdi-sərimi.

********

QORUDUM

Çiçək –çiçək sevgimi,
Xəzanlardan qorudum.
Sutək təmiz qəlbimi,
Yalanlardan qorudum.

Qorudum zaman –zaman,
Sözümü, söhbətimi,
Mənə hər şeydən əziz,
Təmiz məhəbbətimi.

Əzizlədim, oxşadım,
Ürəyimdə adını.
Bu sevgi cıdırında,
Çapdım könül atımı.

Şahanə baxışların,
Qanad verdi qəlbimə.
Günəş oldun, Ay oldun,
İlhamıma, təbimə.

Sönməz odum, ocağım,
Sevgi adlı cahanda.
Gözəl yazıb, əzizim,
Bizə tale yazan da.

Çox yalanlar eşitdim,
Yalanlara uymadım.
Ürəyimdən süzüldü,
Mənim şeirim, bayatım.

Gecə –gündüz qəlbimdə,
Xəyalımda oldun sən.
Taleyimə, bəxtimə,
Ay kimi doğuldun sən.

Çiçək –çiçək sevgimi,
Xəzanlardan qorudum.
Sutək təmiz qəlbimi,
Yalanlardan qorudum.

********

Keçdim bütün yolları,
Bütün yollar keçdi məndən.
Yeridim suların yaddaşından,
Çırpıldım sal daşlara.
Hərdən ulduz oldum,
Hərdən bulud .
Axdım, axdım,
Və bütün meredianları keçdim.

********

Mənim uşağlığımı,
Bu yolların yaddaşından, oxu.
Oxu, daş –daş,
Torpaq –torpaq.
Sevgi məktubu kimi,
Oxu, həvəslə, oxu.
Bir çimdik qum dənəsi,
Oxumamış keçmə sən.
Yoxsa, indiyəcən yeridiyim,
Bütün yollar bir əlçim bulud olub,
Çəkilər göy üzünə.

********

Gəl, bir –bir xatırlayaq,
Ötən günləri.
Mən payızdan, sən isə bahardan başla,
Unudulan xatirələr bir –bir.
Yaddaşımızda canlansın,
Arzular çeşid–çeşid.
Ümidlər rəng –rəng,
Daha heç nə.
Zaman atını səyirdikcə,
Gün –gün, ay –ay,
Xatirələr çoxalır.
İnsan darıxdıqca,
Doğmalar yadlaşır.
Bir mən, bir sən, bir də ötən illərdən xatirələr,
Daha heç nə...
Ötən günləri,
Gəl, birgə xatırlayaq,
Mən payızdan, sən isə bahardan başla.

********

Yenə dəniz, yenə sənsiz,
Yenə sənsiz, yenə dəniz.
Balıqlar suda azadə üzür,
Qağayılar gah sahildə,
Gah da, dənizin üzərində qanad çalır.
Baxdıqca dəniz xatirələrim,
Sənli günlərim gözümün önündə canlanır.
Nə dənizdə üzmək,
Nə dənizin üzərində qanad çalmaq,
Nə də, sənsiz bir an sevinə bilirəm.

İltimas Səmimiскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi