• 02:05 – Gəncədə başlayıb Ankarada bitən bir ömrün hekayəsi – polkovnik Məmməd Ağpolad 
  • 19:01 – Bərzani və Bərzanilər (2) 
  • 16:30 – Şamaxı rayon Mərkəzi kitabxanasının əməkdaşı doğum gününü qeyd edir 
  • 14:30 – 32 ili pedaqoji xidmətlərə həsr edilmiş, şərəfli 60 il! 
  • 17:30 – Kürdəmirdə Yeni Azərbaycan Partiyasının yaranmasının 25 illik yubileyinə həsr olunmuş tədbir keçirilib 
  • 15:30 – KASKO BUTİK elektron sığorta platforması ictimaiyyətə təqdim edildi 
  • 21:30 – Millət vəkili:"Özünün 60,oğlunun 40 yaşı var" 
  • 17:00 – Quba-Qusar-Xaçmaz bölgəsinə səfər edən məktəblilər səfərlərini uğurla başa vurdular 

Bəzi işsizlər ödəniş ala biləcəklər-Şad xəbər

Bəzi işsizlər ödəniş ala biləcəklər-Şad xəbər Bəzi işsizlər ödəniş ala biləcəklər-Şad xəbər
Azərbaycanda işsizliyə görə sığorta ödənişinin kimlərə və nə qədər veriləcəyi müəyyənləşdirilir.

A24.Az xəbər verir ki, “İşsizlikdən sığorta haqqında” qanun layihəsinə əsasən, Azərbaycanda işsizlikdən sığorta ödənişini yalnız bəzi işsizlər ala biləcəklər.

Bu sığorta ödənişinin təyin edilməsi hüququna yalnız dövlət orqanının və ya hüquqi şəxsin ləğv edilməsi və ya işçilərinin ştatlarının ixtisar edilməsi nəticəsində əmək münasibətlərinə xitam verilmiş və “Məşğulluq haqqında” qanunla müəyyən olunmuş qaydada müvafiq icra hakimiyyəti orqanında işsiz kimi qeydiyyata alınmış sığortaolunanlar malikdirlər.

Qanun layihəsinə əsasən, sığorta ödənişi şəxslərə bəzi qaydalar və hesablamalar əsasında veriləcək. İşsizliyin başlanmasından əvvəlki 24 təqvim ayı ərzində 12 təqvim ayından çox, lakin ən azı 3 il sığorta stajına malik olan əmək qabiliyyətli şəxslər üçün sığorta ödənişi sığorta stajından asılı olaraq, itirilmiş orta aylıq əmək haqqının məbləğinə 50-60 faiz dərəcəsi əlavə edilməklə hesablanacaq.

İşsizliyin başlanmasından əvvəlki 24 təqvim ayı ərzində 12 təqvim ayından az, lakin ən azı 3 il sığorta stajına malik olan əmək qabiliyyətli şəxslər üçün minimum sığorta ödənişi məbləğində sığorta ödənişi hesablanır. Minimum sığorta ödənişi müvafiq icra hakimiyyəti orqanı tərəfindən müəyyən edilmiş minimum aylıq əmək haqqı məbləğinə bərabər tutulur.

İlk dəfə təyin olunan sığorta ödənişi işsizlik müddətinin davamlılığına uyğun olaraq, lakin minimum sığorta ödənişinin məbləğindən az olmayaraq ödənilir. İlk 2 təqvim ayı üçün 100, 3-4-cü ay üçün 80 faiz, 5-6-cı ay üçün 70 faiz məbləğində hesablanır. Təkrar müraciət zamanı minimum sığorta ödənişi ödənilir.

Sığorta ödənişinin verilməsi bir sıra hallarda dayandırılacaq. Belə ki, onu alan şəxs iki təklif olunan münasib işdən, peşə hazırlığından və ya əlavə təhsildən imtina etdikdə, sığorta ödənişi aldığı dövrdə müvafiq icra hakimiyyəti orqanına məlumat vermədən işə düzəldikdə, işə bərpa edildikdə, ali və orta ixtisas təhsil müəssisələrinə qəbul olunduqda, hərbi xidmətə çağırıldıqda və sair hallarda ödənişdən məhrum olur.

İşsizlikdən sığorta üzrə sığorta tarifləri işçinin əmək haqqının 0,5 faizi, hesablanmış əməyin ödənişi fondunun 0,5 faizi həcmində müəyyən edilir.

Qeyd edək ki, “İşsizlikdən sığorta haqqında” qanun layihəsi Milli Məclisin mayın 31-də keçiriləcək plenar sessiyasında müzakirəyə çıxarılacaq.

скачать dle 10.6фильмы бесплатно

Rəy yazın:
ANALOQ TV