• 14:45 – Kənd Təssərrüfatı Nazirliyinin əməkdaşı bazarda vətəndaşa hədə-qorxu gəldi-Ona bu səlahiyyəti kim verib-Videoda izlə 
  • 23:56 – Araz Əlizadənin atası 75-ci ildə Əbülfəz Elçibəyin üzünə durub - Tanınmış şairdən açıqlama 
  • 19:43 – Gəncə Şəhər İcra Hakimiyyətinin başçısı Elmar Vəliyevin xəstəxanadakı fotosu yayıldı 
  • 17:44 – "Fidan” MTK sakinlərə göz verir işıq vermir-Sakinlərin etirazı hələ də cavabsızdır 
  • 15:30 – Vahid Əhmədov:"Energetika Nazirliyi nə ilə məşğul olur? 
  • 13:59 – Xeyrəddin Qoca :"Araz Əlizadənin Milli Məclisdə oturması Paşinyanın Xankəndinə getməsi kimi bir təxribatdır” 
  • 10:46 – Kökdən düşən Ələsgərin sazı və ya falçının sazla meydan sulaması 
  • 02:22 – 1 yaşlı Kamalın yaşaması üçün kömək edək – Təcili ilik köçürülməlidir 

Qəbirstanlığın yanından keçəndə musiqi dinləmək olarmı?-İlahiyyatçıdan maraqlı münasibət

Qəbirstanlığın yanından keçəndə musiqi dinləmək olarmı?-İlahiyyatçıdan maraqlı münasibət Qəbirstanlığın yanından keçəndə musiqi dinləmək olarmı?-İlahiyyatçıdan maraqlı münasibət
Qəbristanın yanından keçərkən musiqini söndürməyin heç bir dini mənası yoxdur. Əksinə səsi ucaltmaq lazımdır ki, qoy mərhumların ruhları da şad olsun. Musiqi ruhun qidalarından biridir. Quran və Əzan da musiqi üstündə oxunur.Ləhni- Davud məşhurdur.Davud peyğəmbər Zəburu nəğmə olaraq oxuyardı.Evliya Çələbi yazır ki, Musa peyğəmbər çobanlıq edərkən ney ifa edərdi.Muhəmməd əleyhissəlam Məkkədən Mədinəyə hicrət edərkən onu qarşılayan Mədinə əhli qaval çalıb nəğmələr oxuyurdular.

İslam filosoflarından İbn Sina ürək-qan-damar xəstəliklərinin və psixoloji xəstəliklərin müalicəsində musiqinin əvəzsiz rolundan bəhs edib özünün çoxcildlik Qanun kitabında.
Qurani-Kərim özü ləhnlə, yəni avazla oxunur. Hətta bu avazların xüsusi formaları, məqamları da vardır...

Musiqinin haramlığı xüsusunda alimlər bir neçə fikir söyləyir. Bir qism bütövlükdə musiqinin bütün növlərini haram hesab edir. Bir qism isə heyvani və şeytani, nəfsani, şəhvani hisslərə təhrik edən rep, rok kimi musiqi növlərini qadağan hesab edirlər. Bir qism də qadağanı musiqilərdə yox, alətlərdə axtarır və saz, tar kimi simli alətləri haram sayırlar.

Hesab edirəm ki, sonuncular yanılırlar. Çünki pianonu hala sayırlar, sazı haram; halbuki pianoda olan simlər sazdan daha çoxdur. Sadəcə daxilindədir, görsənmir... Yəni, belə fətvalar səthi və zahiridir.

Quranda musiqinin haramlığına dair bir qəti hökm yoxdur. Ancaq boş işlər, Allahdan uzaq salan əməllər qadağan olunur. Bir qism din xadimi də musiqini Allahdan uzaq salan əməl adı ilə naxoş qarşılayırlar. Bu barədə Peyğəmbər vəİmamlardan nəql edilən hədislər də vardır.

Bu hədislər də ğina adlanan, şeytani hisslər yaradan və insanı dünyaya bağlayan musiqini, eyş-işrət çalğılarını və alətlərini qadağan edir.Ancaq musiqi bu gün ölkələrin, xalqların mədəniyyətinin bir hissəsidir.

Normal musiqi, xalq musiqisi insanı daha da Allaha yaxınlaşdırır və onu ülviləşdirir.
Musiqi dinləyən adam və musiqi ifa edən şəxslər əksər zamanlarda humanist insanlar olur. Qəddarlıq və qabalıq onlardan uzaq olur.

Əksinə din əhli musiqini yasaq bildiyi üçün dində ixtilaf, nifaq, qəddarlıq, sərtlik kimi mənfi hisslərin təsirinə düşürlər.

Ğina səslə oxunan musiqi və qadının kişi üçün oxuduğu nəğmələr isə şəhvət və ehtirasa təhrik edərsə qadağandır. Qadına qadın, kişiyə isə həm kişi, həm də qadın qulaq asa bilir.Ölülərə gəldikdə isə...

Əgər mərhum sağlığında musiqi həvəskarı olubsa, nə üçün öləndən sonra onu bu səsdən məhrum edirik?

Qəbristandan keçərkən musiqini söndürmək ölüyə hörmətsə, bu necə hörmətdir ki, həmin qəbristanın yanında əlli oyundan çıxanlar heç demir ki, ayıbdır, mərhumlardan.., ancaq musiqiyə gələndə olmaz?

Dində belə bir hökm və adət yoxdur. Hətta mən ərəb ölkələrinin birində müqəddəslərimizin məzarı, Hərəmi qarşısında baş tutan üçgünlük çalğılı toy məclisində iştirak etmişəm. Bu adət digər müsəlman ölkələrində yoxdur.

Əgər musiq haram, qəbahət, günah bir əməl deyilsə niyə qoymursuz mərhumlar da dinləsin?
Ancaq dərin təfəkkürlü din üləmamız bunu qəbul edirlər.

İslam Universitetində tələbə olduğum illərdə rayonlarımızın birində hörmətli bir el ağsaqqalı, tanınmış bir qocaman seyidin ziyarətinə-görüşünə getmişdim.

Onunla avtomobillə gecə saatlarında qəbristandan keçərkən avtomobil xarab oldu. Gözəl bir muğama qulaq asırdıq bu zaman maşında. Sürücü təmir üçün yerə düşəndə qəbirləri görüb musiqini söndürmək istəyəndə böyük alim etiraz edərək dedi : Muğam Allahın bu xalqa verdiyi bir nemətdir, o bizim həm ölümüz, həm də dirimiz üçündür. Qoy onların da ruhları şad olsun...
Həmin alimin, seyyidin də indi ruhu şad olsun, dünyasını dəyişibdir.

Musiqi insan üçün mənəvi qidalardan biridir. Əgər alətlərlə çalğını haram saysaq, onda quşların səsi, bülbülün nəğməsi necə, onda qulaqlarımızı tutmalıyıqmı?

Meşədə küləyin səsi ilə quşların səsi xüsusi simfonik harminiya yaradır ki, bu da musiqidir.
Mələk Cəbrail də Quranı avazla nazil etməyibmi?
Mövhumatçı ruhanilər belə şeylərlə müsəlmanları geri saldı.

Azərbaycanın qərb rayonlarında və xüsusən Qərbi azərbaycanlılar və Borçalı mahalının camaatı saz- sözə, milli ruha daha qədimdən və daha dərindən bağlı olduqları üçün yaşlılar vəsiyyət edir ki, mən dünyanı tərk edəndə üstümdə saz çalınsın. Çox zaman mollalar buna imkan vermirlər.

O cümlədən Xalq şairimiz mərhum Zəlimxan Yaqubun məzarı başında Aşıq Ədalət Dəlidağlının saz çalması buna bir misaldır.

Şəriətə görə vəsiyyət mütləq icra edilməlidir. Vəsiyyətə əməl etməmək böyük günahlardandır.
Ancaq vəsiyyət islam qanunları ilə qadağan olunmuş bir əməlsə ona riayət edilmir.

Mərhumun vida mərasimində Quran tilavətindən və vacib işlərdən sonra bunu icra etmək olar.
Tural İrfan
(Ardı olacaq)
скачать dle 10.6фильмы бесплатно

Rəy yazın:
ANALOQ TV