Bakı Beynəlxalq Avtovağzalında at oynadan “qoçular"



Redaksiyamızın ünvanına gələn məktublar, edilən zənglər daim “rəngarəng” olur - cəmiyyətimizin siması kimi: hərdən bahar buludu kimi dolu, hərdən də xoş ovqatlı. Onları sonalamaq, araşdırıb məğzinə varmaq da biz jurnalistlərin peşə borucu. Az qala, hər gün buna özünü öyrəşdirməyə çalışırsan - xalqın ümid və inamına işıq yandırdığın üçün.

Bu günlərdə də ünvanımızı bir məktub döydü. Açıb oxuduqdan sonra sizin də diqqətinizə çatdırmağı borc bildik.

Qarşılaşdığı hadisəylə bağlı redaksiyamıza şikayət məktubu ünvanlayan Şamil Süleymanlı qeyd edir ki, rayondan göndərilən çanta üçün sentyabrın 23-ü, axşam saat 19-00-da Bakı Beynəlxalq Avtovağzalına yollandım.

Avtovağzalda təmir getdiyinə görə əlaqə saxladığım avtobus sürücüsü bildirdi ki, avtovağzalın arxasında, yolun kənarında müvəqqəti dayanacaq var, gəlin çantanı oradan götürün. Avtomibillə həmin yerə yaxınlaşanda qarşıma şlaqbaum çıxdı.

Şlaqbaumun yanında dayanan 4-5 nəfər "qoçu" görkəmlilər məndən içəri keçmək üçün bir manat tələb etdi. Bir manatı ödəməyəcəyim halda isə mənə bildirdilər ki, içəri daxil olmağa heç bir halda icazə verilməyəcək.

Halbuki mənim gözlədiyim avtobus şlaqbaumun düz yanında idi. Bir sözlə, onlar israr etdilər ki, giriş üçün mütləq bir manat ödəniş etmək lazımdır. Mən onlara söylədim ki, bu yığılan pul avtovağzala aiddirmi?

Orada olan nəzarətçi Süleyman Hidayətov bildirdi ki, bu yığılan pulları yuxarıda oturanlara ötürürük. Mən nəzarətçiyə şikayət edəcəyimi söyləsəm də, o, heç bir reaksiya vermədi. Əksinə, mənə təkrar-təkrar söylədi ki, “hara istəyirsən şikayət elə”…

Nəzarətçidən ödədiyim məbləğə görə qəbz istəyəndə isə o, uzun müddətdən sonra bir qəbz gətirib mənə təqdim etdi.

Hörmətli redaksiya! Haqqında danışdığım nəzarətçinin və qəbzin fotosunu sizə təqdim edirəm:
Bakı Beynəlxalq Avtovağzalında at oynadan “qoçular"
Bakı Beynəlxalq Avtovağzalında at oynadan “qoçular"

Bu şikayətlə bağlı 25.09.2018-ci il tarixində Bakı Beynəlxalq Avtovağzalından münasibət öyrənmək üçün əlaqə saxladıq.
Müraciətimizlə bağlı Bakı Beynəlxalq Avtovağzalından bizə bildirdilər ki, baş vermiş hadisəylə bağlı münasibət bildirəcəyik. Bu dəqiqələrə qədər isə heç bir münasibət bildirilmədi.

Analoq.az olaraq bizə maraqlı olan odur ki, görəsən, hansı əsaslarla nəzarətçi çəkinmədən vətandaşa “hara istəyirsən şikayət et!” deyir.

Və ya nəzarətçi burada yığılan pulları hara ötürür, bu pulların qəbzləri görəsən Vergilər Nazirliyində qeydə alınırmı?

O “yuxarılar” deyərkən hansı instansiyaları nəzərdə tutur, üstəlik də bu səlahiyyəti ona kim verib?

Bu sualların cavabını çox güman ki, nəzarətçi Süleyman Hidayətovun özü çox gözəl bilir.

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi