"Millətə cahil deməkdənsə yazdığınız 3 cümləlik rəydə olan səhvlərinizə fikir verin"-Şəbnəm Tovuzluya jurnalistdən cavab



Televiziya verilişlərinin birində qonaq olan müğənni Şəbnəm Tovuzlunun ona ünvanlanan adi suallara cavab verə bilməməsi dünən sosial şəbəkələrdə xeyli müzakirəyə səbəb olub. Bu müzakirələrdə müğənninin əsəbləşməsi və bundan dolayı özünün "İnstagram" sosial şəbəkəsində izləyicisini və eyni zamanda xalqı təhqir etməsi açıq-aydın görünür. Biz televiziya verilişində suallara cavab verə bilməməsini ona irad tutan izləyiciyə əsəbləşən xanım müğənninin rəyini olduğu kimi təqdim edirik. Müğənni yazır ki, “gör nə qədər cahil millətimiz varki sənin kimi bu efirdə olan səhnə arxası olan bir zarafat sizlərə bir məzəydi. Amma yaxşi bu saytlar sizin kimi cahillərin başına torba hörüb inandırır hər şeyə.”

Hörmətli Şəbnəm Tovuzlu, nəzərinizə yetirək ki, cahil adlandırdığınız bu millətin yüz minlərlə alimi, elm, mədəniyyət, ədəbiyyat xadimi ,torpaq uğrunda gedən döyüşlərdə canından-qanından keçmiş şəhidləri var. Qışın soyuğunda, yayın istisində səngərdə düşmənlə üz-üzə dayanan əsgərlərimizin yaratdığı əmin-amanlıq hesabına isti rahat evinizdə oturub instagram vasitəsiylə millətə cahil deyirsiniz.

Bu yerdə xanım müğənninin nəzərinə yetirmək istəyirəm ki, bilməmək ayıb deyil, öyrənməmək ayıbdır. Siz o sualların cavabını bilmirsinizsə, bu sizə aid olan bir məsələdir. Və bunun ictimailəşməsi siz tərəfdən normal qarşılanmalıdır.

Bir müğənnini, yazıçı-şairi, incəsənət adamını cəmiyyətin bütün üzvlərinin qəbul etməsi dünyanın heç bir ölkəsində yoxdur. Tənqidə açıq olmaq lazımdır. Və o məsələdə də siz suallara verdiyiniz cavablara görə tənqid olunmusunuz.

Yaxşı olar ki, millətə cahil deməkdənsə, o zaman yazdığınız 3 cümləlik rəydə olan səhvlərinizə fikir verin (biz dəyərli oxucularımıza hörmət olaraq Şəbnəm xanımdan yuxarıda gətirdiyimiz sitatdakı hərf səhvlərini düzəldib, üslubu isə saxladıq – Analoq.az). Ən azından bu gün bütün müasir telefonlarda azərbaycan dilli klaviatura var.

Şəbnəm xanım, onu da nəzərinizə çatdıraq ki, təhqir elədiyiniz və cahil dediyiniz bu millətin ziyalısı üç cümləlik fikirdə səhv buraxmır.

Savalan Talıblı
Analoq.az

скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi