Leonardo Di Kaprio karyerasında ilk "Oskar"



Leonardo Di Kaprio karyerasında ilk "Oskar"

Məşhur aktyor, Hollivud ulduzu Leonardo Di Kaprio karyerasında ilk "Oskar" mükafatı alıb. O, "The Revenant" filmindəki ovçu Hyu Qlass roluna görə "Ən yaxşı kişi rolu" nominasiyasında qalib gəlib.
Milli.Az TMZ-yə istinadən bildirir ki, Los-Ancelesdəki "Dolby Theatre"ın səhnəsinə çıxan Leonardo Di Kaprio ABŞ Kinoakademiyasına və həmkarlarına minnətdarlıq edəndən sonra qlobal iqlim dəyişikliklərindən danışıb.

"Gəlin, planetimizi adi, olmalı olan bir nəsnə kimi qəbul etməyək. Bugünkü mükafatı da adi, rutin bir nəsnə saymıram. İqlim dəyişiklikləri realdır və elə indi baş verir. Birlikdə çalışmalıyıq", - 41 yaşlı Di Kaprio deyib.
"The Revenant"ın rejissoru, meksikalı Alehandro Qonsales İnyarittu "Ən yaxşı rejissor" nominasiyasında qalib gəlib. Ötən il o, "Birdman" filminə görə analoji nominasiyada "Oskar" almışdı.
"The Revenant" filmi "Ən yaxşı operator işi"nə görə də "Oskar" alıb. Mükafat filmin operatoru Emmanuel Lyubetskiyə verilib.

"Oskar" mükafatının təqdimat mərasiminə Leonardo Di Kaprio britaniyalı aktrisa Keyt Uinsletlə birgə qatılıb.
Leonardo və Keyt 1997-ci ildə "Titanik" filmində baş rolları paylaşmışdılar.
"88th Annual Academy Awards"ın qırmızı xalısında kameralar qarşısında duranda Leonardo Di Kaprio reportyorlarla zarafatlaşıb: "Baxın, "Titanik"i qaytardıq..."

Milli.Azскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi