"Nizami Gəncəvi almanaxı”nın birinci cildi çap olunub




Nizami Gəncəvi adına Ədəbiyyat İnstitutu,
İctimaiyyətlə əlaqələr şöbəsindən Analoq.az-a verilən məlumat görə Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun Nizamişünaslıq şöbəsi tərəfindən “Nizami Gəncəvi almanaxı”nın birinci cildi nəşr edilib. “Kaspi nəşrləri” seriyasında işıq üzü görən almanax akademik Həmid Araslının 110 illik yubileyinə ithaf olunub. “Kaspi nəşrləri” seriyasının rəhbəri və redaktoru filologiya elmləri doktoru Sona Vəliyevadır.

“Nizami Gəncəvi almanaxı”nın birinci cildi Ədəbiyyat İnstitutunun Elmi Şurasının 2 may 2019-cu il tarixli, 4 saylı qərarı ilə çap olunub.

Almanaxın elmi redaktoru Ədəbiyyat İnstitutunun direktoru, akademik İsa Həbibbəylidir. Birinci cildin redaksiya heyətinə akademik Teymur Kərimli, AMEA-nın müxbir üzvü Nüşabə Araslı (elmi məsləhətçi), professor İmamverdi Həmidov, dosent Aygün Bağırlı, dosent Zəhra Allahverdiyeva (məsul redaktor) daxildir. Nəşrin məsul katibi Hürinisə Bəşirova, koordinatoru Məsumə Nuriyevadır.

Birinci cild akademik İsa Həbibbəylinin “Böyük Azərbaycan şairi Nizami Gəncəvi: sənətin qüdrəti və əbədiyyəti” adlı yazısı ilə açılır. Nəşrdə Ədəbiyyat İnstitutunun əməkdaşları ilə birgə ümumilikdə 16 tədqiqatçının mövzu ilə bağlı məqalələri yer alıb. “Nizami Gəncəvi almanaxı”na daxil olan məqalələr Nizami Gəncəvinin həyat və yaradıcılığına dair mühüm problemlərin həllinə yönəlib. Qeyd edək ki, Nizami Gəncəvi almanaxlarının nəşr ənənəsi 1940-cı ildən başlayıb.


Analoq.az
скачать dle 10.6фильмы бесплатно

Daha tez məlumatlanmaq üçün yeni Facebook səhifəmizi