• 19:46 – Baku Elektronics Füzulini təhqir etdi-Böyük şairə hörmətsizlik 
  • 13:19 – Elşad Miri həbs oluna bilər 
  • 22:31 – “MADO Azərbaycan” restoranlar şəbəkəsinə mediatur təşkil olunub. 
  • 20:52 – Şampan partladan sürücülər çəzalandırıldı 
  • 16:30 – Buludxan Xəlilov: “Ermənilər bununla artıq Rusiya ərazisinə qarşı da iddia irəli sürürlər” 
  • 13:30 – Ağdam rayon Məşğulluq Mərkəzinin direktoru vəzifəsindən azad ediləcəkmi?-ŞİKAYƏT 
  • 12:50 – 220 saylı məktəbdəki qalmaqalla bağlı yeni faktlar - Direktora qarşı korrupsiya iddiası 
  • 12:00 – Adnan Oktarın qurbanı :"Onlar məni öpməyə, oxşamağa başladılar" 

“Heydər Əliyev” kitabı Yunanıstanda

“Heydər Əliyev” kitabı Yunanıstanda “Heydər Əliyev” kitabı Yunanıstanda Ötən həftə Yunanstanın paytaxtı Afina şəhərində Milli Məclisin deputatı, yazıçı-dramaturq Hüseynbala Mirələmovun həmmüəllifi olduğu "Görkəmli adamların həyatı" (JZL) seriyasından “Heydər Əliyev” kitabının yunan dilinə nəşr olunmuş variantının təntənəli şəkildə təqdimatı keçirilmişdir.

Qeyd edək ki, kitabın təqdimat mərasiminin keçirildiyi dövlət sarayının qarşısında hər il 24 apreldə qondarma erməni soyqrımının ildönümünü qeyd edən Afinadakı erməni diasporunun nümayəndələri bir neçə dəqiqə hay-küy salaraq etiraz aksiyası keçirməyə cəhd etmiş və qısa müddətdən sonra oradan uzaqlaşdırılmışdılar.

"Heydər Əliyev: Lider və onun dövrü" kitabının təqdimat mərasimdə isə 300-dən yuxarı Yunanıstan ictimaiyyətinin görkəmli adamları, ictimai xadimləri, parlament deputatları və ölkədəki diplomatik korpuslarin nümayəndələri iştirak ediblər.

2006-cı ildə işıq üzü görən kitabı Azərbaycanın Yunanıstandakı səfirliyinin və Azərbaycan – Yunanstan parlamentlərarası dostluq qrupunun dəstəyi ilə Dimitris Patelis və Panayota Materi (ər-arvad) tərəfindən rus dilindən yunan dilinə tərcümə edilmişdir.

“Heydər Əliyev: Öndər və onun dövrü” adı ilə Afinanın “Enalios” Nəşriyyat Evi tərəfindən nəfis şəkildə və yüksək poliqrfik tərtibatla çap olunmuş kitabın tədimat mərasimini giriş sözü ilə Azərbaycan Respublikasının Yunanstandakı səfiri Rəhman Mustafayev açmışdır. O, qeyd etmişdir ki, “Heydər Əliyev – lider və onun zamanı” adlı kitabın yunan dilində araya-ərsəyə gəlməsi iki xalq arasında dosluğun nümunəsi olmaqla yanaşı həm də ölkəmizin sülhsevər siyasətinin xarici ölkələrdə təbliğ etdirilməsidir.

Tədbirdə gənclər və idman naziri Azad Rəhimov, Milli Məclisin əmək və sosial siyasət komitəsinin sədri, Azərbaycan- Yunanıstan parlamentlərarası dostluq qrupunun rəhbəri Hadi Rəcəbli, UNESCO-nun xoşməramlı səfiri Marianna Vardinoyani, Yunanıstanın sabiq xarici işlər naziri Teodoros Panqalos, bu ölkənin Azərbaycandakı ilk səfiri Karolos Qadis, Harvard və Tessaliya universitetlərinin qonaq professoru Nikos Kiriazis çıxış edərək təqdim olunan kitabın məna yükü və məziyyətləri haqqında danışıblar.

Azərbaycandan iştirak edən nümayəndələrimiz kitabın yunan dilində nəşrini Ümummilli liderin anadan olmasının 93 illiyinə böyük töhfə adlandırdılar. Ömrünü xalqımızın, dövlətimizin inkişafına, tərəqqisinə həsr edən Ulu Öndərin ölkəmizə rəhbərlik etdiyi bütün dövrlərdə Azərbaycanın milli maraqlarını daim uca tutmasından, müstəqilliyimizin möhkəmləndirilməsi, demokratiyanın genişləndirilməsi, xalqın rifah halının daha da yaxşılaşdırılması üçün fədakarlıqlarından ətraflı söhbət açdılar.

Ulu Öndərin layiqli davamçısı Azərbaycan Prezidenti İlham Əliyevin yürütdüyü uğurlu dövlət siyasəti, ölkədə həyata keçirilən islahat və yeniliklər barədə də iştirakçılara ətraflı məlumatlar verdilər.

Kitabın müəllifi, MM-in deputatı Hüseynbala Mirələmov çıxış edərək təqdimat mərasiminin təşkilatçılarına, tərcüməçilərə, Azərbaycanın Yunanstandakı səfirinə, Azərbaycan - Yunanıstan parlamentlərarası dostluq qrupunun rəhbəri Hadi Rəcəbliyə, Afinanın “Enalios” Nəşriyyat Evinin əməkdaşlarına dərin minnətdarlığını və hörmətini bildirmişdir. O, qeyd etmişdir ki, dünyanın siyasi xadimləri arasında Heydər Əliyev obrazı öz parlaqlığı və təkrarsızlığı ilə diqqəti daim cəlb edəcəkdir.

Afinada keçirilən təqdmat mərasimində Ümummilli Liderin həyat və fəaliyyətinə həsr olunmuş qısametrajlı film nümayiş etdirilib, daha sonra Afina Konservatoriyasının orkestrinin müşayiəti ilə Azərbaycan Opera və Balet Teatrının gənc ifaçısı Aytac Şıxəlizadə tərəfindən Azərbaycan musiqisi ifa olunub.

Yeri gəlmişkən, qeyd edək ki, müəllifin "Görkəmli adamların həyatı" seriyasından olan “Heydər Əliyev” kitabı dünyanın 38 dilinə tərcümə edilmişdir. Ən böyük Azərbaycanlının, müasir Azərbaycan dövlətinin qurucusu və yaradıcısı Heyər Əliyevin ruhu qarşısında azca da olsa, öz vətəndaşlıq borcunu yerinə yetirməyə çalışan H. Mirələmov “Heydər Əliyev” kitabından başqa “Amalın işığında”, “Həqiqət” , “Zəfər yolu”, “Millətin atası”, “İşığın izi ilə”, “Bir günəş var” kitablarımın da müəllifidir.

Unudulmaz öndərin siyasi və mənəvi varisi, Respublika prezidenti haqqında “İlham Əliyev” və Azərbaycanın görkəmli oftalmoloq alimi, akademik Zərifə Əliyeva haqqında qələmə aldığı “Zərifə Əliyeva” monoqrafiyaları da Moskvada “JZL” seriyasında nəşr olunublar.

Çoxsaylı yunan oxucularına avtoqraf verən müəllif bildirir ki, "Heydər Əliyev: Lider və onun dövrü" kitabı Yunanstanın ali məktəblərinə, dövlət xadimlərinə, parlament deputatlarına hədiyyə olunacaqdır.

“Heydər Əliyev” kitabı Yunanıstanda
“Heydər Əliyev” kitabı Yunanıstanda
“Heydər Əliyev” kitabı Yunanıstandaскачать dle 10.6фильмы бесплатно

Rəy yazın:
ANALOQ TV