Telli Pənahqızı:"Yerdə min günaha batan adamlar..."



Analoq.az tanınmış tele-jurnalist, şair Telli Pənahqızının şeirlərini təqdim edir.Qeyd edək ki,dünən Telli Pənahqızının doğum günü idi.Onu analoq.az adından təbrik edir,yeni yaradıcılıq uğurları arzu edirik.



Kimlər günah etdi, kimlər xəyanət!
Kimlərin günahı kimlərlə getdi?
Kimlərin göz yaşı kimə əmanət,
Kimlər əmanətə xəyanət etdi?

Mələklər heyrətlə töküldü yerə,
Hər kəs qanadında bir tük gətirdi
Alovlar içində yanmasın deyə
Hərə bir qanadsız körpə götürdü!

Sıxaraq köksünə öz balasıtək,
Hər mələk qoynunda bir nur apardı.
Qap-qara tüstünün asılqanından,
Hərəsi bəmbəyaz bir dürr qopardı!

Bu nurlar ulduza, aya dönəcək ,
Mavi səmalardan bizə baxacaq!
Səssizcə çırparaq qanadlarını ,
Hər gecə özünü oda yaxacaq!

Dan üzü silkinib kül altdan qalxan,
Günahlar diksinib oyanacaqlar,
Qəfildən çatılan tonqal tək yaxan
Cəhənnəm odunda hey yanacaqlar

Hər mələk nur üzlü Fərəh olacaq,
Analar nigaran qalmasın deyə!
Günahsız mələklər hey qucaq-qucaq
Təzə zər səpəcək ulduzlu göyə!

Orada-göylərdə min bir büsat var,
Orada mələklər kamına yetir!
Yerdə min günaha batan adamlar,
Elə bilməyin ki, imtahan bitir!
21.05.2015

*******
BÜTÜN ANASIZLARA TƏSƏLLİ OLSUN

Nə desəydin...başım- gözüm üstünə,
Ocaq idin...mən od oldum tüstünə,
Bala,- dedin- mən yüyürdüm üstünə...
Torpaq kəsdi, daş qanatdı dizimi...

Ölümə, uzaq gəz, gen dolaş -dedim,
Açmışam dünyaya mən savaş- dedim.
Diz çöküb yalvardım:- ay qardaş,-dedim,
Kül eləyib, sən dağıtma közümü?

Qucaqladım...əmanətmiş torpağın,
Ölüm nə ki...qəbahətmiş qorxmağım,
Çiçək kimi göyərməyim, qalxmağım,
Olmayacaq...mən bilirəm özümü...

Tanrı təkmiş... dostlar çıxıb yoxamı?
Sənə sevgim tanıtdırdı yaxamı.
Səni aldı, oğurladı yuxumu
Kölgən cənnət...atəşin yox dözümü!

Sən mənim gözümün yaşından keçdin,
Mirvari axtardın, incimi seçdin?
Yığışıb Tanrının yanına köçdün,
Mən o Haqqa deyəmmədim sözümü...

*******
Daha durma qəsdimə,
Gördüyün adam deyiləm!
Çıxma yolumun üstünə,
Çətin qarşında əyiləm!!!

İndi mən də sənin kimi,
Sözümdən qaça bilirəm,
Baxıb qırıq qanadıma
Yalandan uça bilirəm!

Silib gözümün yaşını,
Qəhqəhə çekib gülürəm.
Hər gün canına and içib,
Səni yüz yol öldürürəm!

Səndən belə öc alıram,
Qalib gelib- ucalıram!!!
Yadlığından güc alıram
Bax, men də belə dəliyem!!

*******
DOĞMALAR, YADLAR

Sən mənim içimdə doğma qəribsən,
Sağımda, solumda qərib doğmalar,
Ruhumun sirdaşı o yad, qərib sən,
Yanımda ömrümə şərik doğmlar.

Gözümdə bir nursan zülməti yaran,
Işıqda zülməti görüb gəlmişəm,
Məcnunu səhrada dörd dolandıran
Hansı hikmət imiş, indi bilmişəm.

Doğmalar yad kimi gəzir içimdə,
Birdən o işıqda taparlar səni.
Dəlisov küləklər əsir içimdə,
Qorxuram deyəsən: tap, apar məni.

Mən necə anladım yad doğmalara,
Axı necə deyim o qərib sənsən.
Ruhumu görməyən bu adamlara
Necə söyləyim ki, qərib deyilsən.

Zülmətdən usanıb doğma qəriblər,
Axtarış deyəsən qalıb sabaha.
Mənə bir gecəlik möhlət veriblər,
Içim ələk-vələk, çölüm xaraba.

Içimdə sən adda qərib hönkürür,
Qınağa tələsir doğma da, yad da.
Göydən ruhlar baxıb lələk tökdürür,
Bayquşlar ulayır o xarabada.

Axtarıb bir küncdə tapdım səni mən,
Əlinə toxundum, əllərin bum-buz.
Vallah, öz içimdə mən də qəribəm,
Təsəlli nə gərək, indi söz ucuz.

Əl açıb Tanrının dərgahına biz,
Dedik: - Mələk elə, ay Allah, bizi,
Bu kirli dünyada yoxdur yerimiz,
Al, apar yanına hər ikimizi.

Uçurduq üz-üzə, nəfəs-nəfəsə,
Bir səs hey deyirdi:- Baxmayın yerə!
Ruhumuz sığmayıb bu dar qəfəsə
Bizdən çox-çox əvvəl çəkilir göyə.

Yerdən haraylayır doğma özgələr,
Şeytanlar daşlayır boş hücrəmizi,
Deyəsən Allaha qurban deyiblər,
Rüşvət veriblər ki, ayırsın bizi.

Bir mələk toxundu qanadlarıma,
Üzündən-gözündən nur tökülürdü.
Yaman bənzəyirdi doğma anama,
Səsi gələn yerdən dan sökülürdü.

Açdım gözlərimi, bu səsə döndüm.
Gördüm yan –yörəmdə doğma yadları,
Özüm öz içimdə qəribə döndüm,
Məni də quş elə, uçum, ey Tanrı!

Göydə qıyya çəkən durna sənmisən,
Kimi səsləyirsən, havara, kimi?
Sən mənim içimdə doğma qəribsən,
Kim gəlib təklikdən qopara məni?

Kimi haraylayım, çağırım kimi,
Boylandım göylərə, səs tək itmisən,
Gördüm ağ qanadlı mələklər kimi,
Sən mınim içimdən uçub getmisən.

*******
Gəzdim küləklərtək dəli, sərsəri,
Kölgəmi sən bilib qucdum mən dəli,
Kirpiyə yük olan bu geçələri
Yığıb gözlərimə... gözlədim səni...

Üzümə dirəndi hikkəm, inadım,
Sevənlər mələkdi dedin, inandım.
Mən sənin gözündə bir qamla qandım,
Sıxıb gözlərimə... gizlədim səni.

Bu yolun sonunda şam tək yanmadın,
Od alıb odumdan alovlanmadın,
Vida anında da məni anmadın
Baxıb gözlərinə...izlədim səni...

*******
Sevmək - Səni uzaqlardan sezmək əzabım,
Sonra bu əzaba dözmək əzabım,
Hər gün bu dözməkdən bezmək əzabım,
Sən hardan biləsən bezmək nə imiş...

Sən elə lal-dinməz şəkil kimisən,
Qəlbimi al, apar-dedim... güldün sən.
Həsrətlə boylandığım çiçək kiminsən?
Sən hardan biləsən dözmək nə imiş...

*******
Tanrı, dərgahına açdım əlimi,
Məni "yaxşılardan" qoru, Allahım!
Yamanın zərbəsi kəsməz dilimi,
Yaxşının bir sözü öldürər məni.

İlahi, düşmənim bilirəm kimdir,
Nə qədər "dost" varmış-düşməndən qəvi.
Ağzından çıxan söz bilməm kimindir,
Söz alıb-satmaqmış "dostun" görəvi!

Mənim dostum imiş, o mərd düşmənim,
Dost bildiyim isə düşməndən ötə!
İlan tək qıvrılıb qoynumda mənim,
Məqam axtarırmış zəhərin tökə!

İlahi! Dözüm ver, tab gətirim mən,
Sarır dörd yanımı yalan, xəyanət!
Mən kiməm!?Ən ali hakimimiz sən!
Gec, tez ...divanına gələcək əlbət!
25.04.2013

скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi
#

JeaIndege

написал 0
Cephalexin Keflex Safe With Sulfa Allergy buy viagra Como Conseguir Viagra Sin Receta Medica