Dədə Şəmşir yaradıcılığına böyük məhəbbəti olan ziyalılarımızdan biri də Zakir Fərəcovdur



“Laçın da, Kəlbəcər də işğaldan azad olacaq”

Dədə Şəmşir yaradıcılığına böyük məhəbbəti olan ziyalılarımızdan biri də Zakir Fərəcovdur. Lacivərd göylərin, büllur çeşmələrin, başı buludlara dəyən dağların qoynunda dünyaya göz açmış Zakir Fərəc oğlu Fərəcov ömrünün 60-cı baharını bu il fevralın 3-də qarşıladı. Bu yaş isə ömrün müdrikliyinə dəlalət edir. O, laçınlar yurdu Laçının Qazıdərə kəndində doğulmuşdur.

1961-1971-ci illərdə ümumtəhsil məktəbində orta təhsil almış, elə həmin il də gənclik şəhəri Sumqayıta gəlib, superfosfat zavodunda siravi fəhlə kimi işə başlamışdır. Sonra iki il Murmansk şəhərində hərbi xidmətdə olmuş, yetkin bir gənc kimi vətənə qayıtmış, əmək fəaliyyətini Sumqayıt Şəhər Mənzil-Kommunal Təsərrüfatı İstehsalat Birliyində texnik kimi davam etdirmişdir.

Əmək cəbhəsində bərkiyən gənc Zakir ali təhsil almağı da unutmamış, istehsalatdan ayrılmadan D.Bünyadzadə adına Xalq Təsərrüfatı İnstitutunun (indiki Azərbaycan Dövlət İqtisad Universiteti) Sənaye iqtisadiyyatı fakultəsinin axşam şöbəsinə daxil olmuş, 1980-ci ildə həmin ali məktəbi birirmiş, qarşısında geniş üfüqlər açılmışdır.

Qurub-yaratmaq, ölkənin tərəqqisi naminə fəaliyyət göstərmək əzmi ilə yaşayan Zakir Fərəcov gənclik şəhərində müxtəlif vəzifələrdə çalışmış, harada işləməsindən aslı olmayaraq vəzifə borcunu ləyaqətlə yerinə yetirmiş, çalışdığı kollektivin dərin hörmət və məhəbbətini qazanmışdır.

Müxtəlif sahələrdə çalışan, müxtəlif əmək kollektivlərinin istək və arzularını, qayğı və ehtiyaclarını dərindən bilən Zakir Fərəcov qapısını hamının üzünə açıq qoymuş, ona pənah gətirənlərin heç birini naümid qaytarmamışdır. Sumqayıt Şəhər Mənzil-Kommunal Təsərrüfatı Birliyində şöbə rəisi işləyəndə də, həmin idarədə baş direktorun müavini kimi çalışanda da, Mənzil-Kommunal Təsərrüfatı İstehsalat Birliyinin direktoru kimi məsul vəzifə daşıyanda da, şəhər bələdiyyəsinin sədri işlədiyi illərdə də sumqayıtlılar onu yaxşı xatırlayırlar. Bu müddətdə Zakir müəllim neçə-neçə sumqayıtlıya kömək əlini uzadıb, neçə-neçə ehtiyacı olanın mənzil şəraitinin yaxşılaçdırılmasına yardımçı olub.

Ölkə rəhbəri İlham Əliyev Zakir Fərəcovun İctimai-fəaliyyətini, təşkilatçılıq bacarığını, əhali ilə ünsiyyətdə olmaq səriştəsini nəzərə alaraq onu 2005-ci il avqust ayının 11-də Azərbaycanın ən böyük sənaye və aqrar rayunu kimi respublikaya sanballı töhfə verən Abşeron rayonuna icra hakimiyyəti başçısı təyin etmişdir.

Arxada qalan 9 il ərzində Abşeron rayonu da, Azərbaycanın başqa regionları kimi, tanınmaz dərəcədə dəyişmiş, iqtisadi cəhətdən respublikanın ən güclü regionlarından birinə çevrilmişdir.

Laçınlılara xas olan məğrurluğu, mərdliyi, ağayanalığı xeyirxahlığı, istiqanlığı, sadəliyi Zakir müəllimi hamının gözündə ucaldır. İnsanların sevgisini, hörnmət və ehtiramını qazanmaq asan iş deyil. Bunun üçün böyüklük, səbr, təmkin və əlbəttə, ürək olmalıdır.

Təbiidir ki, Zakir müəllim bir laçınlı kimi o cənnət yerlərin ab-havasını udmuş, bulaqlarının dişgöynədən suyunu içmiş, qonşu Kəlbəcər aşıqlarının çal-çağır məclislərinin iştirakçısı kimi bədii ədəbiyyatdan, şeir-poeziya aləmindən uzaq olmamışdır. Laçının qüdrətli söz-sənət adamları, yazıçı və şairləri kifayət qədərdi.

Zakir müəllim də boş vaxtlarında, yorğun çağlarında poeziya, aşıq-ozan yaradıcılığına, aşıq məktəbinin nəhənglərinə tez-tez müraciət edir, Aşıq Alı, Aşıq Ələsgər, Aşıq Abbas Tufarqanlı, Dədə Şəmşir kimi söz-sənət xiridarlarlarına müraciət edir. Xüsusən Dədə Şəmşir yaradıcılığından bəhrələnir, ustad aşığın xeyli qoşmasını əzbər bilir.

Kəlbəcərin saz qalasının rəmzi olan Dədə Şəmşir kimi qüdrətli aşıqların nə vaxtsa yenə dünyaya gələcəyinə ümidlə baxır. Ancaq Zakir müəllim ona təəssüflənir ki, Laçın kimi Kəlbəcər də, Dədə Şəmşirin uyuduğu Ağdaban da gözü yollarda xilaskarlarını gözləyir.

Azərbaycanın cənnət güşələrindən olan Laçının həsrətini çəkən, doğma yerlərin əsrarəngiz gözəlliyi üçün darıxan qeyrətli vətən oğullarından biri kimi Zakir Fərəc oğlu dövlətə, dövlətçiliyə sədaqətli, nikbin əhval-ruhiyyəsi, yaxşı işi, sabaha inamı ilə vətən torpaqlarının tezliklə işğalından azad olunmasına öz töhfəsini verir.

Zakir müəllim əmindir ki, düşmən xoşluqla işğal etdiyi torpaqlardan çıxmasa bütün Azərbaycan torpaqları, eləcə də Laçın və Kəlbəcər ölkə prezidenti Ali Baş Komandan cənab İlham Əliyevin əmri ilə tezliklə əsirlikdən azad olunacaq. O, gün uzaqda deyil.

Cəmilə ÇİÇƏK (İsbəndiyarova), “Milli Zəka” jurnalının təsisçisi və baş redaktoru, AYB və AJB-nin üzvü, AMEA-nın doktorantı, Prezident təqaüdçüsü

Cəmilə Çiçək (İsbəndiyarova). Sazımız ağlayır dağlar başında. Bakı. “Azərnəşr”, 2014, 624 s.
 
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi