“Ailə dəyərlərini özündə simvollaşdıran kultların təbliği məqsədilə tədbirlərin təşkili” layihəsinin uğurları



“Ailə dəyərlərini simvollaşdıran kultlar” kitabı nəşr olunub.www.zekaishiginda.az saytı yenidən qurularaq yayımına başlayıb “Zəka İşığında” Milli Dəyərlərin Təbliğinə Yardım İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə15 may – 10 sentyabr 2018-ci il tarixində “Ailə dəyərlərini özündə simvollaşdıran kultların təbliği məqsədilə tədbirlərin təşkili” mövzusunda layihəsini həyata keçirir.

Bu barədə “Zəka İşığında” Milli Dəyərlərin Təbliğinə Yardım İctimai Birliyinin sədri, filologiya üzrə fəlsəfə doktoru, Azərbaycan Yazıçılar Birliyinin və Jurnalistlər Birliyinin üzvü yazıçı-publisist, Prezident təqaüdcüçü Cəmilə Çiçək (İsbəndiyarova) layihə haqqında yığcam məlumat verib.

Fəaliyyətlərinin əsas məqsəd və mövzusu haqqında danışan çıxışçı Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına layihəyə, eyni zamanda “Ailə dəyərlərini simvollaşdıran kultlar” elmi-kütləvi kitabının nəşrinə və saytın fəaliyyətinin gücləndirilməsinə ayırdığı maliyyə yardımına görə minnətdarlığını çatdırdı.

Natiq bildirdi ki, layihə çərçivəsində həyata keçirilən fəaliyyət müasir həyatın bütün sahələrində elektronlaşdığı, qloballaşdığı, internetləşdiyi bir vaxtda yeni nəsil nümayəndələri, eləcə də başqa ölkələrdə yaşayan, xarici mədəniyyətlərin daşıyıcılarına çevrilən gənc soydaşlarımız arasında Azərbaycan milli-mənəvi dəyərlərinin tərkibində etnik kimliyimizin bir hissəsinə çevrilən ağsaqqallıq-ağbirçəklik dəyərlərinin dirçəldilməsini qarşısına məqsəd qoyurdu.

Bir tərəfdən Qarabağ münaqişəsi nəticəsində doğma yurd-yuvalarından qovulmaları, digər tərəfdən də çağdaş genetik-mənəvi xəritəmizi dağıdan liberal-radikal dalğalar bu dəyərlərin, az qala, tənəzzülünə aparıb çıxarır.

Problemin kəskinliyini nisbətən azaltmaq, nəsillər arasında dərinləşən mənəvi-ruhi uçurumları aradan qaldırmaq üçün əsrlər boyu formalaşan bu məişət-ailə institutunun, sosial-mənəvi təsisatı daha da möhkəmləndirməklə qədim və modern dəyərlərin sintezini tədqiq etmək vacibdir.

Azərbaycan cəmiyyətinin tarixən qazandığı mənəvi dəyər konseptləri və mədəni institutları içərisində ailə ilə bağlı anlayışlar, ağsaqqallıq-ağbirçəklik institunun xüsusi yeri vardır.

Təəssüflər olsun ki, son zamanlar bu mənəvi-ruhi dəyərlərə qarşı xaricdən geniş hücumlar olur və əksər hallarda gənclərimizin bir hissəsi də liberal dəyərlər – insan haqları, qadın azadlığı, gender bərabərliyi, cinsi azlıqların hüquqlarının qorunması kimi “dəbli trendlər” altında o qarayaxmalara qoşulur, sosial şəbəkələrdəki mənfi tendensiyalı virtual aksiyalara qoşulurlar.

Layihə Qarabağ köçkünləri timsalında sosial-kulturoloji hərəkata başlamaq, eyni zamanda, Azərbaycan cəmiyyətində get-gedə zəifləyən ailə dəyərləri, ağsaqqallıq və ağbirçəklik institutu dəyərlərinin bərpası və genişlənməsi istiqamətində aksiyalar keçirməklə, sadalanan halları nisbətən zəiflətməyi, yaşlılara olan sayğını, sevgini artırmaqla bu istiqamətdəki gərginlikləri azaltmağı, ulu dəyərlərimizin dirçəldilməsini, daha da inkişaf etdirilməsi məsələlərinin araşdırılmasını, bu istiqamətdə aktual addımları, innovativ təşəbbüslərini dəstəkləyir.

Layihənin əsas hədəfi ailə və ağsaqqallıq- ağbirçəklik dəyərlərinin zənginləşməsində, qorunmasında, inkişaf etdirilməsində, tədqiqi və təbliği istiqamətində yeni nəslə çatdırılmasında, internet və qlobal elektron resurslarında, sosial şəbəkələrdə geniş yayılmasında gənclərin rolunun artmasına nail olmaq, bu yöndə yeni metodların, formaların axtarılaraq tapılmasına, ictimaiyyət tərəfindən tanıdılmasına, dəstəklənməsinə yönəldilib.

Cəmilə Çiçək onu da bildirib ki, sentyabrın əvvəllərində layihənin nəticəsi olaraq son tədbirlərini – Beynəlxalq Mətbuat Mərkəzinin zalında geniş ictimaiyyətin, tədqiqatçıların, alimlərin, həmçinin yazılı və elektron KİV nümayəndələrinin, TV əməkdaşlarının, yeni – sosial media təmsilçilərinin, bloqerlərin, QHT rəhbərlərinin, Azərbaycanın bütövlüyünün qorunması uğrunda rəşadət göstərmiş, gəncliyini, sağlamlığını belə fəda etmiş Qarabağ əlillərinin iştirakı ilə layihə çərçivəsində nəşrə hazırlanaraq çap edilən “Ailə dəyərlərini simvollaşdıran kultlar” elmi-kütləvi kitabının və genişləndirilərək internetdə yayımlanan www. zeka ishiginda.az ünvanlı saytın təqdimatı, eləcə də milli ailə mövzusunda ictimai dinləmə – dəyirmi masa da təşkil olunacaq. Məlumatlanmadan sonra milli ailə dəyərlərinin problemləri və çap edilən kitabın və saytın əhəmiyyətinə həsr olunmuş ictimai dinləmə – müzakirəsi baş tutacaq.

Cəmilə Çiçək bu mövzuda keçiriləcək tədbirin əhəmiyyətini vurğuladı, milli ailə dəyərlərimizin qorunmasının vacibliyini qeyd etdi, təqdimatı keçiriləcək araşdırma kitabının və saytın maraqlı tərəfləri haqqında söz açdı.

Mövzuyla əlaqədar ictimai dinləmələrin vacibliyini söyləyərək Cəmilə Çiçək (İsbəndiyarova) müəllifi olduğu “Ailə dəyərlərini simvollaşdıran kultlar” mövzusunda elmi-kütləvi kitabın və http://www.zekaishiginda.az saytının dəyərli tərəflərinin göstəriləcəyini, bu problematik mövzuda layihələrin cəmiyyətimiz üçün xüsusi əhəmiyyət daşıdığını bildirdi.

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi