Mürşüd Haşımlı - Unudulan aktyor



Haşımlı Mürşüd Kərbalayı Mehdi oğlu 1899-cu ildə Qaryagin (Füzuli) şəhərində anadan olmuşdu. Əslən Şuşalıdırlar. O, Qaryagin (Füzuli), Şuşa və Ağdam Dövlət dram teatrlarında aktyor, quruluşcu rejissor vəzifələrində çalışmışdır.
1951-1958-ci illərdə M. Əzizbəyov adına Azərbaycan Dövlət Dram teatrında çıxış etmişdir.
1954-1964-cü illərdə yenidən Qaryagin xalq teatrında işləmişdir.
M. Haşımlıya Azərbaycan SSR Ali Sovetinin 1940-cı il 23 aprel tarixli fərmanı ilə Azərbaycan SSR əməkdar artisti kimi fəxri ad verilmişdir.
M. Haşımlı 1970-ci ildən Ə.Haqverdiyev adına Ağdam Dövlət Dram teatrında işləyir.
Mürşüd Haşımlı işlədiyi müddət ərzində, Nofəl “Leyli və Məcnun”, Aydın “Aydın”, Oktay “Oktay Eloğlu”, Şeyx Sənan “Şeyx Sənan”, Dəmirçi Musa “Toy”, Vaqif “Vaqif”, Kəblə Hacı “”Evliykən subay”, Səfər “Əliqulu evlənir”, Kaplan “Son göz yaşları”, Ağsaqqal “Qaraqum faciəsi” Soltan “Xoşbəxtıik axtaran Həsən”, Məşədi Cəfər “Dağılan Tifaq” və s. rollarda çıxış etmişdir.
Füzuli rayon xalq teatrı yaradıldıqdan sonra M.Haşımlı bir quruluşçu rejissor kimi S.S.Axundovun “Laçın yuvası”, Səttar Axundovun “Məhəbbət nişanəsi”, M.F.Axundovun “Hacı Qara” və başqa əsərləri tamaşaya hazırlamış, özü də baş rollarda çıxış etmişdir.
Mürşüd Haşımlı 6 aktyabr 1977-ci ildə vəfat edib.
M. Haşımlının sənədləri Azərbaycan SSR Mərkəzi Dövlət Ədəbiyyat və İncəsənət arxivinə ilk dəfə 7 iyun 1978-cü ildə 43 sənəd, ikinci dəfə 14 avqust 1978-ci ildə 73 sənəd qəbul edilmişdir. Onların arasında M.Haşımlının rolda və fərdi fotoşəkilləri, proqramlar, afişalar və s. sənədlər vardır.
Sənədlər elmi-texniki cəhətdən işlənərək siyahısı tərtib edilmiş və 18 saxlama vahidi altında saxlanılmışdır. M. Haşımlının fonduna 509-cu nömrə verilmişdir.

Ənvər Çingizoğluскачать dle 10.6фильмы бесплатно


Daha tez məlumatlanmaq üçün yeni Facebook səhifəmizi