Sumqayıtın "İdrak" liseyində Nəsiminin yubileyi qeyd edildi



Bu gün Sumqayıt şəhərində yerləşən “İdrak” liseyində böyük Azərbaycan şairi, İmadəddin Nəsiminin 650 illik yubileyi ərəfəsində növbəti tədbir baş tutdu. Tədbirdə Sumqayıt şəhərinin ziyalıları, məktəblilər və müəllimlər, elm və mədəniyyət xadimləri, Sumqayıt Şəhər İcra Hakimiyyətinin müavinləri Teymur Səmədov və Ülviyyə Müzəffərova Təhsil Nazirliyinin nümayəndələri , Bakıdan dəvət olunan qonaqlar da iştirak edib.

Tədbirin musiqili hiisəsinə giriş verən Aztv-nin solisti, altıncı Muğam müsabiqəsinin qalibi Almaxanım Əhmədli Nəsiminin qəzəlini səsləndirdi.

Tədbirdə iştirak edən tanınmış tənqidçi, yazıçı-publisit Əsəd Cahangir çıxışında qeyd etdi ki, Nəsimi millətimizin mənəvi sərvətidir. İmadəddin Nəsimi Azərbaycan ədəbiyyatı tarixində ən uca zirvələrdən biridir.

Nəsimi yaradıcılığında olan əsas xətt elmlilik, əxlaq, əqidə, inam, mərdlik və dözümdür. Çıxışının sonunda tənqidçi bildirdi ki, xalqımıza Nəsimi gücü, Nəsimi iradəsi, Nəsimi qətiyyəti arzulayıram.

Tədbirdə iştirak edən Respublikanın Xalq artisti, "Şərəf" ordenlii Rasim Balayev “Nəsimi” filminin çəkilməsiylə bağlı maraqlı nüansları qeyd etdi: “Bu filmin ssenarisi mənə təqdim ediləndə xəstəxanada yatırdım. Ssenariylə bağlı 3-4 gün sonra yanıma gəlib soruşdular ki, ssenarini oxumsan, ya yox. Mən ssenarini oxumasam da, oxuduğumu söylədim. Amma onu da dedim ki, mənə bu məsələdə çox da ümid bağlamasınlar.

Çünki səhhətim yaxşı deyil və ola bilsin ki, yenidən ayağa durmaq mənə nəsib olmadı. Amma görünür ki, qismətimdə bu rolu oynamaq varmış. Obraz tamaçaşılar tərəfindən rəğbətlə qarşılandı”
Xalq artisti öz çıxışında Təhsil Nazirliyinə maraqlı təklif səsləndirdi: “Mən çox istərdim ki, Təhsil Nazirliyi Nəsimini, onun ədəbi-fəlsəfi baxışlarını şagirdlərə daha dərindən izah etsin. Bunun üçün gərək dərsliklərdə Nəsimiyə, onun baxışlarına daha çox yer ayrılsın. Çünki Nəsimi həqiqətən də böyük şair, böyük mütəfəkirdir. Onun qəzəlləri müqəddəs Qurani-Kərimdəki ayələrlə bilavasitə bağlıdır. Şagirdlərə, gənclərə məhz bunları izah etmək lazımdır”.

Tədbir Nəsimi qəzəli əsasında kompozisiya hazırlayan “Dərviş” musiqi qrupunun çıxışı və Sumqayıt Dövlət Dram Teatırı aktoyrlarının Nəsimiylə bağlı tamaşadan oynadıqları səhnəylə davam etdi. Tədbirin sonunda çıxış edən liseyin təsisçisi, professor Mövsüm Alışov tədbir iştirakçılarına öz təşəkkürünü bildirdi. Onun ədəbi-fəlsəfi baxışları həddindən artıq dərindir.

Nəsimiyə, onun ədəbi yaradıcılığa diqqət yalnız bu cür yuvarlaq yubiley günlərində deyil, hər zaman göstərilməlidir. Nəsiminin yubileyi hər il təntənəli şəkildə qeyd edilməlidir. Çünki o, sözün bütün mənalarında buna layiqdir”.

Liseyin təsisçisi, professor Mövsüm Alışovun xalq artisti R.Balayevə liseyin adından hədiyyəsi təqdim edildikdən sonra tədbirin sonunda qonaqlarla xatirə şəkili çəkildi.

Analoq.az

Sumqayıtın "İdrak" liseyində Nəsiminin yubileyi qeyd edildi
Sumqayıtın "İdrak" liseyində Nəsiminin yubileyi qeyd edildi
Sumqayıtın "İdrak" liseyində Nəsiminin yubileyi qeyd edildi
Sumqayıtın "İdrak" liseyində Nəsiminin yubileyi qeyd edildi
Sumqayıtın "İdrak" liseyində Nəsiminin yubileyi qeyd edildi
Sumqayıtın "İdrak" liseyində Nəsiminin yubileyi qeyd edildi
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi