Tahir Kərimli:"Bizi açıq təhqir edirlər, biabır edirlər"



Milli Məclis tərəfindən “Mətbuat Şurası haqqında” qanunun qəbul olunması vacibdir. Təhqir səsləndirənlərin yeri gələndə cəzalandırılması məsələsinə baxılmalıdır. Eyni zamanda, bu məsələ “Teleradio Şurası haqqında” qanuna da aiddir. Biz hansısa televiziya verilişinin bir neçə günlüyünə də olsa dayandırıldığını görmürük.Axar.az xəbər verir ki, bu fikirləri Milli Məclisin iclasında deputat Tahir Kərimli deyib.

Deputat bildirib ki, parlamentin komitə sədrlərindən biri Feysbuk şəbəkəsindəki iyrəncliklərdən haqlı olaraq bəhs edib:

“Sanki bizim mətbuat, sosial şəbəkələr uşaqlarımızın şəxsiyyətini öldürməklə məşğuldur. Bunlar azmış kimi, dövlətin parlamentini gözdən salırlar. Sosial şəbəkələrə informasiya yemi lazımdır. Sözləri dəyişirlər, kontekstdən çıxarırlar, ağızlarına gələni deyirlər. İstənilən səviyyədə dövlət məmurunu təhqir edirlər. Ona görə də qanunda bu məsələyə baxmaq lazımdır. Adamı abırsız bir vəziyyətə salırlar. Biz ailə tərbiyəsi görmüşük. 50-60 il yaşamışıq. Uşaqlıqdan bizi valideynlərimiz küçəyə buraxmayıb ki, o sözləri eşitməyək.

Bizi açıq təhqir edirlər, biabır edirlər. Hər birimizin təhqir olunması parlamentin nüfuzunun aşağı salınması deməkdir. Prezidentin köməkçisi Əli Həsənov da öz müsahibəsinə bu məsələyə toxunub. Deyirlər ki, “Tahir Kərimli, damarının dozası yüksək oldu”. Mən siqaret də çəkmirəm, bu nə sözdü mənə deyirlər?”

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi