MƏRKƏZİ BANKIN YEGANƏ ÇIXIŞ YOLU MANATIN GERÇƏK MƏZƏNNƏSİNİ AÇIQLAMASINDAN KEÇİR

MƏRKƏZİ BANKIN YEGANƏ ÇIXIŞ YOLU MANATIN GERÇƏK MƏZƏNNƏSİNİ AÇIQLAMASINDAN KEÇİR
Tarix: 7-02-2016, 22:42 Toplam: nəfər paylaşdı.


MƏRKƏZİ BANKIN YEGANƏ ÇIXIŞ YOLU MANATIN GERÇƏK MƏZƏNNƏSİNİ AÇIQLAMASINDAN KEÇİR
Demokratiya və Rifah Hərəkatının rəhbəri,iqtisadçı-alim Qubad İbadoğlu öz facebook səhifəsində bildirib ki, Mərkəzi Bankın son siyasəti yalnız bazarda panikanın aradan qaldırılmasına yönəlib, amma Mərkəzi Bankın son addımları iqtisadi böhrandan çıxışa deyil, onun dərinləşməsinə xidmət edəcək.
İqtisadçı alim Azərbaycan manatının rəsmi məzənnəsinin son 10 gündə 2 qəpik bahalaşmasına münasibət olaraq bunları qeyd edib: Mərkəzi Bank manatın məzənnəsini inzibatı yolla tənzimləmə siyasətində son 10 gündə etdiyi dəyişiklik qısa müddətli dövrdə manatın xeyrinə olsa da bütövlükdə bazar münasibətlərinin ziyanınadır. Məqsədi panikaların idarəedilməsi olan bu siyasətlə heç vaxt hədəfə çatmaq mümkün deyil. Nə qədər ki, iqtisadiyyatda böhran simtompları və pisləşən trendlər var, bir o qədər də bazarlarda panikalar müşahidə olunacaq. Bu milli valyutası sürətlə dəyərsizləşən, xüsusilə də tez-tez böyük faizlərlə devalvasiya ilə qarşılaşan ölkələrin əhalisi üçün həsas və xarakterikdir. Bir də unutmaq olmaz ki, panikalar idarə olunmazdır. Odur ki, yanvarın 25-dən başlayaraq davamlı olaraq süni olaraq manatın məzənnəsini ABŞ dollarına nisbətdə bahalaşdıran Mərkəzi Bank yeni siyasətinin arxasında iqtisadi məntiq yoxdur. Hətta bunu Maliyyə Nazirliyinin "istiqraz siyasəti"nə dəstək kimi də qiymətləndirmək mümkün deyil. Çünki, yenə də valyuta bazarında starteji ehtiyatlar "küləyə sovrulur və hərbi dildə ifadə etsək sonuncu güllələr havaya atılır.
Manatın məzənnəsini bir və ya bir neçə gün əvvəldən elan etməklə yanaşı, daxili bazarda manatla pul kütləsini və valyuta satışını məhdudlaşdıran Mərkəzi Bankın başqa bir yanaşması məntiqsiz və sistemsiz siyasətin tərkib hissəsidir. Diqqət edin, 21 dekabr devalvasiyasindan dərhal sonra açıqlama verən Mərkəzi Bank sədri qeyd edirdi ki, "bu gün biz ilk auksionumuzu təşkil etdik. Biz həmçinin məzənnənin əməliyyat çərçivəsini dəyişdik. Bundan öncə biz bazarın valyuta olan tələbini tam ödəyirdik. Lakin bundan sonar biz artıq bazara auksionlar vasitəsilə valyuta təklif edəcəyik, tələb-təklif proporsiyasına nəzər salacağıq." Görəsən, bir və ya bir neçə gün əvvəldən məzənnənin müəyyənləşdirən Mərkəzi Bank tələb-təklif proporsiyasına əvvəlcədən necə nəzər salır? Olmaya Mərkəzi Bank da falçılıqla məşğuldur, öncədən görmə qabliyyətinə malikdir, yoxsa sabahın məzənnəsini bu gün əvvəl necə bilmək olar ki?
Dəfələrlə qeyd etsək də yenə də təkrarlamaq məcburiyyətindəyik, manatın sabitləşməsi və ona etimadın bərpa olunması üçün yeganə yol onun digər valyutalara nəzərən gerçək məzənnəsinin müəyyənləşdirilməsindən asılıdır. Bu isə yalnız valyuta bazarının liberallaşmasından və manatın məzənnəsinin tələb-təklif əsasında real həraclar vasitəsilə təyin edilməsi ilə mümkündür. Onu da xatırlatmaq istərdim ki, nə qədər ki, manatın gerçək məzənnəsi bəlli deyil, bir o qədər də manata inam bərpa olunmayacaq və panikalar bazarlarda aparıcı rol oynayacaq. Eyni zamanda gerçək məzənnə bilinməyincə ölkədə sabit maliyyə və mötəbər bank sistemi formalaşmayacaq, investisiya və işgüzar fəallıq aşağı düşəcək. Bütün bunlar isə iqtisadi böhrandan çıxışa deyil, onun dərinləşməsinə xidmət edəcək.
Elxan Maşayevскачать dle 10.6фильмы бесплатно

Rəy Yazın



0 Valid XHTML 1.0 Transitional ILK-10