Türkiyə XİN rəhbəri Mövlud Çavuşoğlu Qətər böhranının həlli kontekstində Körfəz ölkələrinə səfərləri ilə sülh rolunu boynuna götürdü.
Axar.az xəbər verir ki, bu barədə Rusiyanın “Kommersant” qəzeti yazıb.
Qətər və Küveytdən sonra Çavuşoğlunun Səudiyyə Ərəbistanına edəcəyi səfərə də toxunan “Kommersant” Türkiyənin bölgədə həll yolu üçün səy göstərdiyini bildirib.
“Səfərlərin əsas məqsədi Ankaranın yaxın müttəfiqi Qətər və ona qonşu ölkələr arasında sözügedən böhranı siyasi yolla həllinə yardım etməkdir. Bu siyasi böhran ötən həftə baş verib və bölgəni əhatə edib. Bundan başqa, Türkiyə qonşularına göstərmək istəyir ki, Ankara regionda ən fəal diplomatik oyunçulardan biridir”, – Rusiya qəzetində vurğulanıb.
