ABŞ Konqresində qapalı brifinq keçirilib



ABŞ-ın KİV-lərində yayılan xəbərlərə görə, bu həftənin sonlarına doğru Konqresdə səkkizlik qrup üçün prezident idarəsinin rəhbərləri ilə birgə qapalı brifinq keçirilib. Brifinqdə Milli Kəşfiyyat İdarəsinin direktoru Den Kruts da iştirak edib. Söhbətin əsas mövzusu İran ətrafındakı hadisələr olub.
Brifinqdə əsas sima kimi Konqresinin Nümayəndələr Palatasının sədri Nensi Pelosi, Palatada azlığın lideri Kevin Makkarti, Senatda çoxluğun lideri Mitç Makkonell, senatda azlığın lideri Çarlz Şumer, palatanın kəşfiyyat komitəsinin sədri Adam Şiff, eləcə də senatın kəşfiyyat komitəsinin sədri Riçard Berr və onun müavini Mark Uorner iştirak edirdi.

Jurnalistlərə verilən məlumata görə, mövcud reallığı İranda artıq hamı başa düşüb və dövlətin ətrafında daha sıx birləşməyə səbəb olub ki, bu da Vaşinqtonun siyasi planlarına böyük maneə yaradır. Ona görə də ABŞ güc nümayiş etdirmək qərarına gələrək Fars körfəzinə hərbi qüvvə göndərməklə İranı qorxutmağa, ona psixoloji təzyiq etməyə çalışdı və bu da gözlənilən effekti vermədi. Hərbi əməliyyatlara başlamaq Donald Trampa baha başa gələr. Əvvəla, ABŞ ictimaiyyəti və Konqres birmənalı şəkildə müharibə istəmir. Digər tərəfdən isə məqsədə nail olmağın şübhəli göründüyü təqdirdə növbəti dəfə milyardlarla dollar xərcləmək D.Trampa nəinki siyasi dividend qazandırmayacaq, əksinə, Konqresdə prezidentin impiçment məsələsinin qaldırılması ilə nəticələnəcək.

ABŞ Konqresinin Nümayəndələr Palatasının sədri Nensi Pelosi açıq şəkildə bəyan edib ki, Konqresin razılığı olmadan Ağ evin hərbi əməliyyatlara başlamaq ixtiyarı yoxdur. " Konstitusiyaya görə, Konqres müharibə elan edə bilər. Ona görə də ümid edirəm, prezidentin məsləhətçiləri etiraf edəcəklər ki, onlarda irəli getməyə icazə yoxdur"- deyə Nensi Pelosi jurnalistlərə cavab verib. Yeni brifinq mayın 21-də keçiriləcək.

Əzim Cavanşir
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi