Ruhani nə deyib?



İran İslam Respublikasının prezidenti ABŞ-la qarşıdurma başlayandan rəqibi haqqında vur-hay danışır. Görək nə deyir?

Həsən Ruhani deyib ki, İran nüvə proqramının iki önəmli tərkib hissəsini təşkil edən zənginləşdirilmiş uran və ağır suyun başqa ölkələrə göndərilməsini dayandıracaq. Beləliklə, İran Birgə Əhatəli Fəaliyyət Planı (BƏFP) kimi bəlli olan saziş çərçivəsində 2015-də verdiyi bir sıra vədləri pozub.

Ruhani deyib ki, növbəti iki ayda iqtisadi yüngülləşmə gəlməzsə, onda İran, varlığı Tehrana yetərincə qısa müddətdə nüvə silahı yaratmaq imkanı verən zənginləşmiş urana münasibətdə başqa məhdudiyyətləri də yerinə yetirməkdən imtina edəcək.

ABŞ-ın gücünün sözü və uzun dili həddində olmadığını vurğulayan Həsən Ruhani deyibb ki, onlar öz neftinin satılmasını təmin edəcəklər.

"Biz kəsirləri təmin edəcəyik. Bizə edilən təzyiqlərlə neftin pulundan azalsa da onu digər yerlərdən təmin edəcəyik. Allahın verdiyi güc sayəsində neftimizi satacağıq" deyə H. Ruhani əlavə edib.

Həsən Ruhani Amerika Birləşmiş Ştatları təzyiqləri dayandırdığı və üzr istədiyi halda danışıqlar masasına oturacaqlarını deyib.

ABŞ-ın müzakirə mövzusunda ciddi olmadığını bildirən Ruhani: "Şübhəsiz ki, zorakılıq və yalanla söykənən bir müzakirə tələbinin qəbul edilməsi heç bir nəticə verməyəcək. Belə bir müzakirə zillət və təslimiyyət deməkdir"-deyib.

Həsən Ruhani kabinet yığıncağında etdiyi çıxışında ABŞ-nın ölkə iqtisadiyyatına dair sanksiyalarından ən çox xalqın mənfi təsirləndiyinə diqqət çəkərək qarşılıqlı hörmət çərçivəsində ABŞ ilə müzakirə stolunda əyləşə biləcəklərini deyib.

Həsən Ruhani deyib ki, ABŞ regionda terrorizm mənbəyidir.

Toplayıb, tərcümə etdi: ƏZİM CAVANŞİR




Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi