Əfqanıstanda ölən uşaqlar - ARAŞDIRMA



BMT-nin məlumatına əsasən, ölən uşaqların sayı 900-dən çox olan 2018-ci il Əfqanıstanda uşaqlar üçün son 10 ilin ən qanlı dövrünə çevrilib.
Uşaqlardan uzun müddət ərzində əldəqayırma partladıcı qurğuların işə salınması, Əfqanıstan və NATO əsgərlərinin, təhlükəsizlik xidməti zabitlərinin, hökumət rəsmilərinin izlənməsi və onlar barədə informasiya toplanması üçün istifadə edilib.
1989-cu il Beynəlxalq Uşaq Hüquqları Konvensiyasının 1-ci maddəsinə əsasən 18 yaşından aşağı olanlar uşaq hesab edilirlər. Əfqanıstan qanunları da uşaqların silahlı qüvvələrə və polisə səfərbər olunmalarını qadağan edir.

Yeniyetmələri yaralı talibançıları sürüyəndə, yerə tökülmüş silahları toplayanda, hətta döyüşəndə belə görmək mümkündür. Əfqanıstan rəsmiləri bildirirlər ki, son 10 ildə belə əməllər üstündə 250-dək uşaq həbs edilib.
Narahatedici regional meyl bundan ibarətdir ki, uşaq intiharçılardan istifadə artmaqdadır. Uşaqları sadəcə, uşaq olduqlarına görə səfərbər edirlər.

10 yaşlı qız uşağı – Spojmay beynəlxalq medianın diqqət mərkəzinə 2014-cü il, yanvarın 6-da cənubi Helmand əyalətində həbs olunanada gəlib. O deyirdi ki, qardaşı onun özünü polis məntəqəsi yaxınlığında partlatmasını istəyir.
2011-ci ildə mərkəzi Uruzqan əyalətində öz parça çantasında polisin yoxlama-buraxılış məntəqəsinə uzaqdan idarə olunan partladıcıları daşıyan 8 yaşlı qızcığaz həlak olub.

Əfqan rəsmilər deyirlər ki, hazırda həbs edilmiş potensial intihar bombaçısı olan yeniyetmələrin 90 faizini Pakistanda “təlimləndirmiş, beyinlərini yalanla doldurmuş və ya bu əməllərə vadar etmişlər”.
Onlardan bəziləri Pakistanda intiharçı bomba partlayışlarını törədə biliblər. 2011-ci ilin fevralında Mərdan şəhərində əyinində məktəbli forması olan 12 yaşlı uşaq üstündəki bombanı partladaraq 30 nəfərin ölümünə səbəb olub.
Onlara deyirlər ki, “xarici müdaxiləçilər” əfqan qadın və qızlarını zorlayırlar və amerikalılar Quranı yandırırlar.
Uşaqlara deyirlər ki, “kafir” koalisiyaya müqavimət göstərmək onların dini borcudur və bunu etsələr, özləri də valideynləri də cənnətə düşəcəklər.

Onlara söyləyirlər ki, öldürmək istədikləri əfqanlar ölməyə layiqdirlər, çünki onlar həqiqi müsəlman yox, Amerikanın əlaltılarıdırlar.
Buna baxmayaraq, uşaqlara onların hədəflərinin kim oldğunu və nə üçün öldürüldüklərini çox nadir hallarda izah edirlər.
Bəzi hallarda onları sadəcə olaraq aldadırlar. Bəzilərinə içində Quran ayələri yazılmış dualar verir və bu duaların onları sağ saxlayacağına inandırırlar. Bəzi uşaqların boğazından açar asıb deyirlər ki, bununla cənnətin qapılarını açacaqlar.
MT-nin bildirdiyinə görə, Əfqanıstanda ilin ilk 4 ayı ərzində 280-dən çox uşaq həlak olub. Bu, ötən ilin eyni müddəti ilə müqayisədə 21 faiz artıqdır.

BMT-nin Əfqanıstana yardım missiyasının (UNAMA) bu gün açıqladığı hesabatda deyilir ki, 2017-ci ilin yanvar ayının 1-dən aprelin 30-dək 283 uşaq ölüb, 704 uşaq yaralanıb.

Uşaqlar arasında ölüm hallarının 42 faizinə döyüşlər səbəb olub. Qalanları isə partlayıcıların qurbanıdır.
Son uşaq ölümü keçən bazar günü qeydə alınıb. Partlamamış mərmi işə düşərək 6 ilə 12 yaş arasında 5 oğlan uşağının ölümünə səbəb olub.
Əfqanıstanda uşaq ölümü günbəgün artır. Dur deyən yoxdur.

Əzim Cavanşir

Analoq.az
скачать dle 10.6фильмы бесплатно


Daha tez məlumatlanmaq üçün yeni Facebook səhifəmizi